Kisah Para Rasul 16:30 - En Taar Weru a nunuwu' é Tontemboan

³⁰ Kumawus in itu wali i capala im bui séra in dua wo kumua, “Tuang-tuang, sapa réén e musti émaanku wosama' aku ro'na malowir?”

Kisah Para Rasul 16:30 ပူးပေါင်းရင်းမြစ်များ

Matius 3:8

Aweso taré kamu mengaéma'o mangé pakasa sé loor, tanu tuus kamu imape'diso ang kamesé-meséaan.

Matius 5:7

Pakakamangen sé tou awéan kaupusan, ampa'paan séra makéré oka ing kaupusan.

Lukas 3:10

Wo sé tou keli itu mamuéi a si Yohanes, “Sa réén taniitu, sapa e musti émaan ami?”

Kisah Para Rasul 14:15

“Éi camu im baya, kéitu réén kamu méma' in tana'i? Kami anio' tou kaputé miow. Kami am bia'i eng kumua in Abar Kaaruien andumoro' i Yesus Kristus ai camu, wosama' kamu ro'na tumela'u sé opo-opo' sé ra'ica wana torona wo kamu maémano mangé a si Amang Kasuruan si menonou. Siao si méma' in langit wo ing kayo'baan, ta'sic wo im pakasa sé an untepna.

Kisah Para Rasul 16:17

Si wéwéné itu mengii-ngiit ka'i an somoi i Paulus wo icami, ang karapi i mengangko-ngangko', “Sé tou anioo sé ata i Amang Kasuruan Si Rumangka-rangka'. Séra makua in lalan kalowiran ai camu.”

Kisah Para Rasul 16:24

Wo makala'us yuntep i capala im bui itu séra in dua an untep ing kamar im bui si rumare-rarem, wo eng kécéi éra ayuntep am bo'so im balak.

Kisah Para Rasul 2:37

An tutuw éra luminga waya in itu, en até éra mendam i manesel wo séra mamuéi a si Petrus wo sé ruru'du'an walina, “Poo-poow, sapa réén e musti émaan ami?”

Kisah Para Rasul 22:10

Wo icuaku, ‘O Apo' Yesus, sapa réén e musti émaanku?’ Isowat i Apo' Yesus a yaku, ‘Tumulungo wo mangém an Damsyik. A mangé mbitu icua-Ku oka ai co sapa en émaanmu.’

Kisah Para Rasul 9:6

Taan intarépé' tumulungo ko wo muntepo an Damsyik. A mangé mbitu awéan oka eng kumua ai co, sapa si musti émaanmu.”

Yakobus 2:13

Sa an témponao si Casuruan mai makim sé tou, Sia ra'ica kawisa tumuru' ing kaupusan a sé tou sé ra'ica wana kaupusan a sé tou walina. Taan sé tou mengaupus sé tou walina, séra ra'ica makéré in ukumen asi endo pengaakiman.