Kisah Para Rasul 16:27 - En Taar Weru a nunuwu' é Tontemboan

²⁷ Asi témpo itu si capala im bui mapolo, sérénna em papalen im bui imawuka'o waya. Pawerotenna sé tou am bui itumincaso waya, anaé, kémbutenna en sa'bel e maté in owak.

Kisah Para Rasul 16:27 ပူးပေါင်းရင်းမြစ်များ

Matius 27:5

Wo iwangkil i Yudas en doit pérak itu am Balé Le'nas. Wo itela'una en tampa itu wo sia mangé rumantong in owak.

Kisah Para Rasul 12:19

An tutuw ing kinailekano i Herodes andumoro' in itu, wo ru'du'na sé tou e mangéré si Petrus, taan ra'ica kinéréan éra. Wo iru'du' i Herodes ti'tiren sé suraro sé ituméir si Petrus, kumawus in itu séra patén. Wo itela'u i Herodes en Yudea e mangé ang Kaisarea wo mento' am bitu.

Kisah Para Rasul 16:28

Taan si Paulus mangko', icuana a si capala im bui itu, “Éi amang! Tioo maté in owak! Kami im baya am bia'ié'.”

Kisah Para Rasul 16:36

Wo si capala im bui kumua in taar itu a si Paulus icuana, “Sé makakawasa ing kota rumu'du' mekar icamu in dua. Anaé, intarépé', kamu ro'nao kumesot am bia'i wo mangéo ang karapi in sama'!”