Kisah Para Rasul 16:26 - En Taar Weru a nunuwu' é Tontemboan

²⁶ Tumarépé'anke'mai en tana' mangéro' repet akar en tinuliran im bui mekiito maéro'. Asi témpo itu ka'i pakasa em papalen imawuka' wo ka'i pakasa en ranté aiwa'kes a sé tou am bui mawuka'.

Kisah Para Rasul 16:26 ပူးပေါင်းရင်းမြစ်များ

Matius 28:2

Wo tumarépé'- anke'mai awéan pangéro' repet. Ampa'paan awéan esa malaékat i Casuruan tumumpa an sorga owo mai miléi im batu aipénet ing kubur itu wo sia lumukut am bawo im batu itu.

Kisah Para Rasul 12:10

Wo séra maya' lumangkoi in tampa patéiran kataré wo si patéiran karua wo séra icateka' am papalen wangko' si niéma' am bési owo, si pengalangkoian maangé ang kota. Em papalen itu mawuka' in esa wo langkoian éra. Icateka' ang kesot séra maya' akar an tempok in lalan, wo tumarépé'anke'mai sia itela'u i malaékat itu.

Kisah Para Rasul 12:7

Tumarépé'anke'mai si malaékat i Casuruan tumulung an duru i Petrus, wo an untep im bui itu masendot keli. Wo éroon i malaékat itu si Petrus e molo sia, icua i malaékat, “Petrus, tumooro!” Wo e ranté aipakawa'kes ing kama i Petrus makala'us mawuka'.

Kisah Para Rasul 4:31

Makasombayangai séra, en tampa lini'usan éra itu mangéro'. Wo séra kawasan i Roh Le'nas wo tumo'tolo makua in Taar i Amang Kasuruan ang karapi wuta ing kabranian.

Kisah Para Rasul 5:19

Taan asi wengi ituke', si malaékat i Casuruan mai muka' im papalen-papalen im bui wo makawali iséra kumesot. Wo icua i malaékat itu,

Wahyu 11:13

An tutuw ituke' mangéroo mai repet. Sangapepulu' ing kota itu materi, wo pitu ngariwu tou imaté ampa'paan im pangéro' itu. Wo sé tou walina maindé' keli, wo séra rumayo wo sumiri' si Amang Kasuruan an sorga.

Wahyu 6:12

Kaséréanku, an tutuw i Toyaang i Domba muka' in ségél kaenem, mangéroo mai eng kayo'baan repet keli. Si yéndo imawuring tanu ing karai wuring si kanaramen pengapakén é mala'lu wo si serap maréindang tanu in enda'.