Kisah Para Rasul 16:23 - En Taar Weru a nunuwu' é Tontemboan

²³ Kekawus éra i memangku-mangkur si Paulus wo si Silas wo peréntan i makakawasa itu wosama' séra yuntep am bui. Peréntanna ka'i si capala im bui en tuméir sumama-sama' séra in dua.

Kisah Para Rasul 16:23 ပူးပေါင်းရင်းမြစ်များ

Matius 26:48

An tutuw é tou iitu ra'ipé' mai am bitu, aicuao i Yudas ai séra esa tuus tana'i, “Si tou ciomanku oka, Siao si tangkaan iow.”

Lukas 21:12

Taan ra'ipé' mamuali waya en itu, kamu tangkaan owo wo okoien oka é tou. Wo isarakan éra oka kamu am balé-walé paapo'an é agama Yahudi en akimen wo yuntep am bui wo iwali éra oka ka'i a sé kolano wo a sé makakawasa ampa'paan kamu makiit Yaku.

Kisah Para Rasul 12:18

Mando mai, an tutuw sérén é suraro sapaoka si Petrus ra'io am bui, wo séra marinca'o. Wo séra membum-buéian sapa e mamuali a si Petrus.

Kisah Para Rasul 12:4

Kekawus ako si Petrus tinangka', sia iru'du' i Herodes en yuntep am bui. Wo iru'du'na ka'i epat regu suraro mensan-sawelan tuméir si Petrus. Esa regu epat suraro. Si Petrus yuntepna am bui wosama' sa icumawuso en endo wangko' Paska, akimenna si Petrus an dior é tou keli.

Kisah Para Rasul 16:27

Asi témpo itu si capala im bui mapolo, sérénna em papalen im bui imawuka'o waya. Pawerotenna sé tou am bui itumincaso waya, anaé, kémbutenna en sa'bel e maté in owak.

Kisah Para Rasul 16:36

Wo si capala im bui kumua in taar itu a si Paulus icuana, “Sé makakawasa ing kota rumu'du' mekar icamu in dua. Anaé, intarépé', kamu ro'nao kumesot am bia'i wo mangéo ang karapi in sama'!”

Kisah Para Rasul 5:18

Tangkaan éra sé ruru'du'an wo yuntep am bui.

Kisah Para Rasul 5:23

“An tutuw ami icateka' mangé am bui, em papalen kinusi' in sama' wo sé tou makatéir an dioré' im papalen. Taan kewuka' ami im papalen, ra'io wana tou an untep.”

Kisah Para Rasul 8:3

raméjin i Saulus eng kuma'pu sé jamaat. Wo sia muntep am balé-walé wo icesotna sé tuama wo sé wéwéné wo isarakanna en yuntep am bui.

Kisah Para Rasul 9:2

e mangilek surat kawasa em paalin am balé-walé paapo'an é agama Yahudi an Damsyik wo sa ipeta'upna sé tuama kuma'pa wéwéné sé makiit in sususuien i Yesus, séra tangkaanna wo paalinna an Yerusalem.

2 Korintus 11:23

Wo ipakua éra sapaoka séra sé tou maselewir si Kristus. Yaku maroma' tanuoka tou nganga', yaku mengaselewir asi Kristus ilumébé mai ai séra. Yaku matawoi ilumébé mai wo ing kare'dem éra, makakeli-keli ipauntep am bui, makakeli-keli pengaokoien, wo makakeli-keli matawio imaté.

2 Korintus 6:5

kami papangkuren, yuntep am bui, pinaémbong éra imokoi. Wo kami ra'ica mento' menawo-nawoi, sumangkum ra'ica itumekel wo ka'i ra'ica icuman.

Efesus 3:1

Yaku Paulus binui ampa'paan makua in Abar Kaaruien andumoro' i Yesus Kristus ai camu tou ra'ica Yahudi.

Efesus 4:1

Yaku Paulus si binui ampa'paan maselewir si Casuruan, sina'- uenku kamu sé tinowao i Amang Kasuruan wosama' kamu menonou kumiit in totowa itu.

2 Timotius 2:9

Ampa'paano aku makua in Abar Kaaruien itu, yaku pengaokoien é tou, pengawa'kesen éra i ranté tanuoka tou léwo', taan en taar i Amang Kasuruan ra'ica toro kawa'kesan.

Filemon 1:9

taan ampa'paan ing kaupusanmu a sé tou, lébé loor pekiupusenku ai co ang karapi in lekep en até. Wopé'ka'i aku anio' Paulus matu'ao wo ka'i intarépé' binui ampa'paan i Kristus Yesus.

Wahyu 1:9

Yaku si Yohanes poow an esa paémanen si mewali-wali wo icamu mendamai in okoi ampa'paan makiit si Yesus. Terimanta oka mewali-wali em bagéanta ang Kakolanoan-Na, wo talesen mangento-ngento' si Yesus maai sumawel. Wo yaku aisingkir angé am pulou Patmos ampa'paan mengakua in Taar i Amang Kasuruan wo me- ngasairi andumoro' sapa si aicua i Yesus.

Wahyu 2:10

Tioo kamu maindé-indé' ing kawenduan si musti pendamen iow. Awéan ai camu si téndél oka i kikiiten é sétang an untep im bui em pangepé'an. Wo pendamen iow oka eng kasusaan sangapulu' ngando eng kauréna. Taan kamu musti le'tek maéman a Yaku akar i maté, wo kamu wéan-Ku oka mahkota ing katouan.