Kisah Para Rasul 16:16 - En Taar Weru a nunuwu' é Tontemboan

¹⁶ Asi makasa, an tutuw ami maangé an tampa pengasombayangan itu, kami meta'up wo si esa ata wéwéné pakakawasan i roh i roh léwo'. Sia ro'na tumulap ing katouan é tou. Ang karapi im pakatulapna itu, sé tuangna mengakéré keli roit ampa'paan sia ata éra.

Kisah Para Rasul 16:16 ပူးပေါင်းရင်းမြစ်များ

Kisah Para Rasul 16:13

Asi endo Sabat, kami kumesot am papalen wangko' ing kota. Kami kumiit an tembir in doyongan wo mangéré in tampa pengasombayangan é tou Yahudi, ampa'paan paweroten ami en tampa itu am bitu. An tutuw ami icateka' mangé an tampa pengasombayangan itu, kami meta'up wo sé wéwéné sé mali'us am bitu, kami lumukut wo mapaar andumoro' i Apo' Yesus ai séra.

Kisah Para Rasul 16:18

En itu niéma' i wéwéné itu akar im piraan ngando, akar si Paulus ra'io ka'i makalesen. Ampa'paano in itu si Paulus maréng in somoi wo kumua a si roh léwo' si rumasuk si wéwéné itu, “Ang karapi i ngaran i Yesus Kristus peréntanku, kumesot ko ai sia!” Asi témpo ituke' si roh léwo' itu makala'us kumesot asi wéwéné itu.

Kisah Para Rasul 16:19

Ampa'paan e roh léwo' icumesoto ai sia, kailekano é tuang i wéwéné itu sapaoka séra ra'io ka'i makéré roit. Wo tangkaan éra si Paulus wo si Silas, wésoon éra am pasar wo isaru a sé makakawasa ing kota itu.

Kisah Para Rasul 19:24

Pakasa en itu imamuali ampa'paano i esa tuama makangaran Demetrius. En tawoienna mengaéma' sé kuil-kuil teké' i opo' Artemis am pérak owo. Asi tawoienna itu sé tou matawoi ang karapina makéré roit keli.

Galatia 5:20

mengaapo' a sé opo-opo', mengasihir, mengkaséké'an, meindo-indoan roma', menganganat, mengkae'bowan, mengawerotke' in owakna in esa, mengaéma' im petanéan, mengaéma' sé tou mentan-tanéan,

1 Timotius 6:10

Icuaku in taniitu ampa'paan, sa sé tou longi' in doit, am bituo en tino'tolan ing kaléwo-léwo'an. Séra ka'i ra'io masalé' kumiit in sususuien i Yesus ampa'paan séra rumaméji masiya'. Wo eng kasiwakanna séra makéré keli kawenduan e méma' in até éra sumakit.

2 Timotius 3:8

Katané'ianmupé' to en sisisilen i Yanes wo si Yambres? Indior séra in dua isumundur si Musa, en itu tanu intarépé' sé tou mengatawér sé wéwéné, séra itu ka'i mengasundur in sususuien wutul andumoro' si Yesus. Em bewerot é tou itu kinawasao im bewerot léwo' wo em paémanen éra a si Yesus ra'ica wutul.

2 Petrus 2:3

Ampa'paan sé guru ra'ica wutul itu longi' in doit, séra masisil in sisisilen sé niéma' éra in esa torona muwak icamu. Ampa'paano sé niéma' éra itu, en ukuman éra uréo keli aitu'tulo i Amang Kasuruan wo em papaté éra ra'io ipauré-uré.