Kisah Para Rasul 15:7 - En Taar Weru a nunuwu' é Tontemboan

⁷ Uré-uréan keli séra mepaar andumoro' im perkara itu wo si Petrus tumulung, icuana ai séra, “Éi poo-poow, kailekan iow sapaoka si Amang Kasuruan indior isumisiro yaku an uner iow eng kumua in Abar Kaaruien andumoro' si Yesus Kristus a sé tou ra'ica Yahudi wosama' lingan éra en abar itu wo maéman.

Kisah Para Rasul 15:7 ပူးပေါင်းရင်းမြစ်များ

Yohanes 15:16

Ra'ica icamu en isumisir Yaku, taan Yakuo en isumisir icamu mamuali murit-Ku. Kamu winéan-Kuo tawoien, wosama' kamu mangé wo méé wua'na kumeli-keli sé ra'ica maka'pu. Anaé, sapake' em pangileken iow a si Amang-Ku a ngaran-Ku, en itu iwéé-Na oka ai camu.

Yohanes 3:27

Isowat i Yohanes ai séra, “En tou ra'ica toro tumerima in sapa-sapa sa ra'ica aiwéé i Amang Kasuruan ai sia.

Kisah Para Rasul 1:16

“Poo-poow! Sapa sé aipatic ang Kitap Le'nas in andumoro' i Yudas, musti mamuali. Indior, si Roh Le'nas maké si Daud eng kumua in andumoro' i Yudas, si makawali mai sé tou en tumangka' si Yesus.

Kisah Para Rasul 1:24

Wo séra im baya sumombayang, “O Kasuruan, si Casuruanke' e makailek wutul pakasa in até é tou, ituru'o mai ai cami si séi asé rua tou anio' en sisiren-Mu.

Kisah Para Rasul 10:19

Ang karoro'an i Petrus memero-meroté' andumoro' im pinapaturu'an itu wo icua i Roh Le'nas ai sia, “Petrus, awéan telu tou maéré-éré ico.

Kisah Para Rasul 10:20

Anaé, tumulungo wo tumumpao mio' wo mangéo mewali-wali wo iséra. Tioo ko marua-rua wasa, ampa'paan Yakuo in esa e irumu'du' mai iséra.”

Kisah Para Rasul 13:2

Asi makasa, an tutuw éra mapuasa wo maapo' a si Amang Kasuruan, e Roh Le'nas kumua ai séra, “Tanéo mangé si Barnabas wo si Saulus e méma' in tawoien si aitantu-Kuo ai séra in dua.”

Kisah Para Rasul 15:14

Si Simon Petrus isumisilo tambisa si Amang Kasuruan kumataré itumuru' in upus aitambér-Na a sé tou ra'ica Yahudi. Sinisir-Na sé tou an uner é tou ra'ica Yahudi e mamuali tou-Na.

Kisah Para Rasul 15:2

Taan en aicua éra itu wutu-wutul aicélong wo sinangkal i Paulus wo si Barnabas. Ampa'paano in itu sé jamaat an Antiokhia musé' e rumu'du' si Paulus, si Barnabas wo piraan tou walina maangé an Yerusalem e meta'up wo sé ruru'du'an, wo sé penatua e mepaar andumoro' im perkara itu.

Kisah Para Rasul 15:39

Siituo e iméma' iséra in dua meindo-indoan roma', akar séra metané. Wo iwali i Barnabas si Markus en suméngkot angé an Siprus.

Kisah Para Rasul 20:24

Taan ra'io pandungenku eng katouanku, asalo ro'na lekepenku en tawoien si aiwéé i Apo' Yesus a yaku eng kumua in Abar Kaaruien andumoro' in upus aitambér i Amang Kasuruan a sé cita in tou.

Kisah Para Rasul 21:16

Wo awéan piraan tou maéman ang Kaisarea kumiit ka'i wo icami. Iwali éra kami mangé am balé i esa tou makangaran Manason wosama' kami mento' am bitu. Si Manason itu am pulou Siprus owo, wo uréo maéman a si Yesus.

Kisah Para Rasul 3:18

Ang karapi i mulur taniitu imamualio en aicua i Amang Kasuruan indior imaké sé nabi, sapaoka si Mesias si ayutus-Na musti mendam ing keli kawenduan.

Kisah Para Rasul 4:25

indior, si Casuruan maroma' maké i Roh Le'nas a si Daud apo' ami, si ata-Mu, tana'i, ‘Kéitu sé bangsa ra'ica Yahudi mae'bow? Kéitu sé bangsa mawasa-wasa si ra'ica wana torona?

Kisah Para Rasul 9:15

Taan icua i Casuruan a si Ananias, “Mangéo ko! Sinisir-Kuo si tou itu e mamuali ata-Ku eng kumua in Abar Kaaruien andumoro' Yaku a sé bangsa walina, a sé kolano wo ka'i a sé tou Israel.

Filipi 2:14

Sapake' en émaan iow, émaano mangé en itu ang karapi i ra'ica mengi-ngimbulu wo tioo ka'i meindo-indoan roma',