Kisah Para Rasul 15:40 - En Taar Weru a nunuwu' é Tontemboan

⁴⁰ Taan si Paulus isumisir si Silas. An tutuw éra i maangém, sé poo-poow maéman an Antiokhia mangilek a si Casuruan wosama' téiran-Na wo ituru'-Na en upus aitambér ai séra in dua.

Kisah Para Rasul 15:40 ပူးပေါင်းရင်းမြစ်များ

Kisah Para Rasul 11:23

An tutuw i Barnabas icateka' a mangé mbitu, sérénna sé tou maéman am bitu tinambéranai ing kamang i Amang Kasuruan, wo sia wutu-wutul arui. Wo sina'uenna séra im baya wosama' uli-ulit ang karapi in lekep en até, le'tek a si Apo' Yesus.

Kisah Para Rasul 13:3

Kekawus éra i mapuasa wo masombayang, séra maro ing kama an dangka' in do'kos i Barnabas wo si Saulus wo séra in dua yutus angé e méma' in airu'du' i Amang Kasuruan.

Kisah Para Rasul 14:26

A mangé em bitu oka séra suméngkot angé an Antiokhia. Indior séra ayutus é jamaat itu eng kumua in Abar Kaaruien itu. Sé jamaat ituo ka'i en sumombayang sumarakan iséra in dua a si Amang Kasuruan wosama' Sia tumambérai in upus-Na ai séra en tumo'tol in tawoien. Intarépé' séra mangé am bitu ampa'paan linekepo éra en tawoien.

Kisah Para Rasul 15:22

Kumawus in itu pinusé' é ruru'du'an wo sé penatua wo ka'i pakasa en tou maéman an Yerusalem en sumisir piraan tou ai séra. Sé tou sé kinasisiran itu ayutus eng kumiit si Paulus wo si Barnabas mangé an Antiokhia. Sé sinisir éra itu, si Yudas si pengatuulen ka'i Barsabas wo si Silas. Sé tou maéman an Yerusalem mengasiri' ai séra in dua.

Kisah Para Rasul 15:32

Si Yudas wo si Silas itu nabi, niéma' éra sé tou maéman an Antiokhia maibor wo ka'i kumeter in até éra.

Kisah Para Rasul 16:19

Ampa'paan e roh léwo' icumesoto ai sia, kailekano é tuang i wéwéné itu sapaoka séra ra'io ka'i makéré roit. Wo tangkaan éra si Paulus wo si Silas, wésoon éra am pasar wo isaru a sé makakawasa ing kota itu.

Kisah Para Rasul 17:4

Awéan piraan asé tou Yahudi itu mamuali maéman a si Yesus. Wo kelian tou Yunani sé maapo' a si Amang Kasuruan wo sé wéwéné sé awéan pengaru ang kota itu, séra im baya meesa ang karapi i Paulus wo si Silas.

Kisah Para Rasul 20:32

Intarépé', isarakanku kamu a si Amang Kasuruan wosama' kamu téiran-Na. Wo musti ka'i pena'né-na'néien iow en Abar Kaaruien andumoro' in upus tatambér-Na ai camu. En abar itu e méé ing kaketeran am paémanen iow wo ka'i si méé oka ing kamang si aijanji-Nao iwéé a sé pakasa sé tou si niéma'-Nao le'nas.

1 Korintus 15:10

Taan ampa'paan in upus si aitambér i Amang Kasuruan, yaku ro'na mamuali ruru'du'an tanu intarépé'. Wo en upus si aitambér i Amang Kasuruan itu uli-ulit awéan wuéna. Sé tinawoiku lumébé mai asé im pakasa é ruru'du'an. En itu ra'ica ampa'paan ing kaketeranku in esa, taan ampa'paano in upus aitambér i Amang Kasuruan mewali-wali wo yaku.

2 Timotius 4:22

Pangilekenku wosama' si Casuruan mewali-wali wo ico. Pangilekenku ka'i wosama' si Casuruan tumambérai in upus-Na ai camu im baya.

Titus 3:15

Éi Titus, pakasa in tou sé mewali-wali wo yaku am bia'i méé in siri' ai co. Wo icua ka'i mio' en siri'ku a sé kara-karapita esa paémanen sé mengaupus icita. Pangilekenku, itambérai i Casuruan en upus-Na ai camu im baya.