Kisah Para Rasul 15:25 - En Taar Weru a nunuwu' é Tontemboan

²⁵ Ampa'paano in itu pinusé'o ami en sumisir wo mutus piraan tou e mewali-wali wo si Barnabas wo ka'i si Paulus si icaupus ami.

Kisah Para Rasul 15:25 ပူးပေါင်းရင်းမြစ်များ

Matius 11:26

O Amang, siituo e iméma' in até i Amang arui.”

Lukas 1:3

Pakasa sé kamamualian itu tini'tiro sumama-sama' tumo'tolai asi kataré. Kekawus in itu werotenku waya en itu loor ipatic kumiit wutul ing kamamualian itu torona i tuang,

Kisah Para Rasul 1:14

Séra im baya le'tek mengali'us wo meesa en até mengasombayang. Séra mengasombayang mewali-wali wo sé piraan wéwéné ang karapi i Maria inang i Yesus wo sé poo-poow i Yesus.

Kisah Para Rasul 15:2

Taan en aicua éra itu wutu-wutul aicélong wo sinangkal i Paulus wo si Barnabas. Ampa'paano in itu sé jamaat an Antiokhia musé' e rumu'du' si Paulus, si Barnabas wo piraan tou walina maangé an Yerusalem e meta'up wo sé ruru'du'an, wo sé penatua e mepaar andumoro' im perkara itu.

Kisah Para Rasul 15:22

Kumawus in itu pinusé' é ruru'du'an wo sé penatua wo ka'i pakasa en tou maéman an Yerusalem en sumisir piraan tou ai séra. Sé tou sé kinasisiran itu ayutus eng kumiit si Paulus wo si Barnabas mangé an Antiokhia. Sé sinisir éra itu, si Yudas si pengatuulen ka'i Barsabas wo si Silas. Sé tou maéman an Yerusalem mengasiri' ai séra in dua.

Kisah Para Rasul 15:35

Si Paulus wo si Barnabas ka'i imento' uré toyo' an Antiokhia. Séra in dua wo sé tou walina masusui wo mengakua in Taar i Amang Kasuruan am bitu.

Kisah Para Rasul 15:6

Kekawus in itu, sé ruru'du'an wo sé penatua mali'us e mepaar andumoro' im perkara itu.

Kisah Para Rasul 2:1

An tutuw imayo an endo wangko' Pentakosta, pakasa sé tou maéman mali'us an esa walé an Yerusalem.

Kisah Para Rasul 2:46

Wo susur in endo séra le'tek mewali-wali wo meesa en até mengali'us ang am Balé Le'nas. Séra mengaéma' im perjamuan mewali-wali ang karapi in arui wo lekep en até si pagilir am balé-walé.

Roma 16:12

Icuao ka'i mangé en siri'ku a si Trifena wo si Trifosa si tumawoio mai repet torona i Apo' Yesus. Wo siri'ku ka'i a si Persis si icaupusku. Sia ka'i uli-ulit tumawoio mai repet torona i Apo' Yesus.

1 Korintus 1:10

Poo-poowku! Pekiupusenku ang karapi i ngaran i Apo'ta Yesus Kristus, wosama' kamu im baya esa nunuwu'. Tioo awéan papetanéan an uner iow, aweso taré kamu meesa en até wo esa em bewerot.

Galatia 2:9

Si Yakobus, si Kefas, si Yohanes sé nianggap kikiiten kumataré-taré an jamaat an Yerusalem, an tutuw éra isuméré in upus aitambér i Amang Kasuruan a yaku, séra membéan ing kama a yaku wo si Barnabas tanu tuus séra imeesao wo icami. Wo séra wo icami mengkakiitano sapaoka kami melala'us tumawoi torona é tou ra'- ica Yahudi wo séra in telu kasake' tumawoi torona é tou Yahudi.

Efesus 6:21

Si Tikhikus oka e maangé ai camu eng kumua in andumoro' ing katouanku wo sapa si niéma'ku, wosama' ro'na kakailekan iow andumoro' yaku. Sia poow si paupu-upusta wo sia tou le'tek mengaselewir si Casuruan.

Kolose 4:7

Pakasa en abar andumoro' yaku am bia'i, icua oka i Tikhikus ai camu. Sia poow si caupusta, ata le'tek si re'dem matawoi wo ka'i karapi ami e maselewir si Casuruan.

Kolose 4:9

Sia maangé oka mewali-wali wo si Onesimus si poow icaupusta wo le'tek. Si Onesimus esaan an jamaat iow. Séra in dua oka eng kumua ai camu pakasa sé mamuali am bia'i.

Filemon 1:16

Intarépé' sia ra'ica asaloke' atamu taan lumébé mai wo in itu. Ampa'paan sia mamualio poow an esa paémanen si paupu-upus. Sa ciit yaku, sia tanuo siitu, lébé-lébépé' ka'i ai co, tantu sia lébé ipaupu-upusmu ampa'paan sia atamu wo ka'i intarépé' sia tanu poowmu an esa paémanen a si Apo' Yesus.

2 Petrus 3:15

Anggapeno mio' eng katalesenan i Casuruanta itu iméé témpo a sé tou e mape'dis wo makéré ing kalowiran. Si Paulus poowta si ipaupu-upus ka'i matico tanu siitu ai camu imaké ing kapinteran a si Amang Kasuruan owo.