Kisah Para Rasul 15:23 - En Taar Weru a nunuwu' é Tontemboan

²³ Wo en surat itu aisarakan a si Barsabas wo si Silas, aipatic in tana'i: “Siri' a sé poo-poow esa paémanen sé ra'ica tou Yahudi sé maento' an Antiokhia, an Siria, wo eng Kilikia. En siri' anio' ai cami owo sé ruru'du'an wo sé penatua an Yerusalem.

Kisah Para Rasul 15:23 ပူးပေါင်းရင်းမြစ်များ

Matius 4:24

Wo icaseraro en abar andumoro' i Yesus am pakasa in Siria, ampa'paan in ituo séra mai ai Sia. Wo iwali éra mai pakasa sé tou sé membam-balinaan en sakit, sé mawendu, sé rinasuk é sétang, sé sumakit ayan wo sé késo' wo séra im baya sinama'-Na.

Kisah Para Rasul 11:18

Kelinga in itu, sé tou Yahudi sé maémano a si Yesus ra'io ka'i tumantang si Petrus. Wo séra rumayo si Amang Kasuruan wo kumua, “Anaé, sé tou ra'ica Yahudi ka'i tinambérano mai i Amang Kasuruan kamang e mape'dis wo makéré ing katouan akar ing kauré-uré.”

Kisah Para Rasul 11:20

Taan an uner éra awéan ka'i piraan tou Siprus wo Kirene sé imangé an Antiokhia. A mangé mbitu icua éra ka'i en Abar Kaaruien andumoro' i Yesus a sé tou ra'ica Yahudi.

Kisah Para Rasul 14:27

Icatéka' mangé an Antiokhia, towan éra sé jamaat e maumung. Wo sisil éra in dua pakasa sé niéma' i Amang Kasuruan ai séra. Sisil éra ka'i tambisa si Casuruan muka' in lalan akar sé tou ra'ica Yahudi ro'na maéman a si Yesus.

Kisah Para Rasul 15:1

Awéan piraan tou an Yudea owo, mai an Antiokhia. Am bitu séra sumusui sé tou ra'ica Yahudi sé maémano in tana'i, “Sa kamu ra'ica sunaten iciit ing kanaramen si aisusui i Musa, kamu ra'ica malowir.”

Kisah Para Rasul 15:2

Taan en aicua éra itu wutu-wutul aicélong wo sinangkal i Paulus wo si Barnabas. Ampa'paano in itu sé jamaat an Antiokhia musé' e rumu'du' si Paulus, si Barnabas wo piraan tou walina maangé an Yerusalem e meta'up wo sé ruru'du'an, wo sé penatua e mepaar andumoro' im perkara itu.

Kisah Para Rasul 15:22

Kumawus in itu pinusé' é ruru'du'an wo sé penatua wo ka'i pakasa en tou maéman an Yerusalem en sumisir piraan tou ai séra. Sé tou sé kinasisiran itu ayutus eng kumiit si Paulus wo si Barnabas mangé an Antiokhia. Sé sinisir éra itu, si Yudas si pengatuulen ka'i Barsabas wo si Silas. Sé tou maéman an Yerusalem mengasiri' ai séra in dua.

Kisah Para Rasul 15:4

Icateka' mangé an Yerusalem, séra sinungkul é jamaat, é ruru'du'an wo sé penatua ang kota itu ang karapi in arui en até. Wo isisil éra in dua a sé tou itu, andumoro' im pakasa sé niéma'o i Amang Kasuruan ai séra in dua.

Kisah Para Rasul 15:41

Si Paulus wo si Silas mangé an sangkum in Siria wo eng Kilikia wo kumeter im paémanen é tou maéman am bitu.

Kisah Para Rasul 18:18

Si Paulus mento'pé' ka'i piraan ngando ang Korintus. Wo sia mekiupus en tumela'u sé poo-poow maéman am bitu wo suméngkot angé an sangkum in Siria mewali-wali wo si Priskila wo si Akwila. Ra'ipé' mangé am bitu, si Paulus kumunting im buukna akar i mala'ngas ang kota Kengkera. Sia méma' in taniitu e mamuali tuus in janjina indior a si Amang Kasuruan, niéma'nao.

Kisah Para Rasul 21:25

Taan andumoro' é tou ra'ica Yahudi sé maémano, séra kinirimano ami surat andumoro' sé pinusé' amio. Em pinusé' ami itu tana'i: séra ra'ica toro kuman ing kakanen sé ayumpero a sé opo-opo', ra'ica toro kuman in enda' kuma'pa kuman sé binatang imaté ampa'paan kinisel, wo ra'ica toro mengabersina.”

Kisah Para Rasul 21:3

Wo kaséréan ami em pulou Siprus ang ka'biri, taan kami ra'ica itumuli am bitu. Eng kapal sinakéan ami melala'uske' mangé an Tirus an Siria, ampa'paan em barang-barang ang kapal musti itumpa am bitu.

Kisah Para Rasul 23:26

“Siri'ku, Klaudius Lisias. Tuang gubernur Feliks si pasiri-siriinku.

Kisah Para Rasul 6:9

Am bitu awéan ka'i piraan tou Yahudi ang Kirene owo wo an Aleksandria, wo awéan piraan ka'i mai ang Kilikia wo an Asia owo. Séra itu indior sumangkumo mamuali ata é tou taan intarépé' ra'io. Em balé paapo'- an éra makangaran ‘Walé paapo'an é tou sé indior sumangkumo mamuali ata.’ Ra'ica icasalé' éra si Stefanus, ampa'paan in ituo séra meindoan roma' wo sia.

Galatia 1:21

Kekawusku tumela'u in Yerusalem yaku mangé an Siria wo ang Kilikia.

Yakobus 1:1

Siri' a yaku owo Yakobus, ata i Amang Kasuruan wo i Apo' Yesus Kristus. Aipaticku en surat anio' a sé sangapulu' rua suku Israel am panangkéian sé maémano a si Yesus Kristus.

2 Yohanes 1:10

Sa awéan tou maai ai camu wo kumua in sususuien si ra'ica meputé wo in sususuien i Kristus, tioo teriman iow sia am balé miow kuma'pa sumiri' sia.

2 Yohanes 1:13

Toya-toyaang i poow wéwéné i inang sé sinisir i Amang Kasuruan am bia'i, séra méé ka'i mai in siri' a si inang.

2 Yohanes 1:3

Pangilekenku a si Amang Kasuruan Amangta wo a si Yesus Kristus Toyaang i Amang wosama' tumambérai in upus wo tumuru' ing kaupusan wo ing kaeluran ai cita sé makiit in sususuien wutul wo sé me- upu-upusan.

3 Yohanes 1:14

Paarapenku ra'io uré ka'i aku meta'up wo ico wo kita ro'na mepaar mewali-wali.