Kisah Para Rasul 15:2 - En Taar Weru a nunuwu' é Tontemboan

² Taan en aicua éra itu wutu-wutul aicélong wo sinangkal i Paulus wo si Barnabas. Ampa'paano in itu sé jamaat an Antiokhia musé' e rumu'du' si Paulus, si Barnabas wo piraan tou walina maangé an Yerusalem e meta'up wo sé ruru'du'an, wo sé penatua e mepaar andumoro' im perkara itu.

Kisah Para Rasul 15:2 ပူးပေါင်းရင်းမြစ်များ

Kisah Para Rasul 10:23

Wo pangileken i Petrus wosama' séra mento' am bitu. Mando mai, si Petrus tumu'tul wo mangé mewali-wali wo sé telu tou itu. Awéan ka'i piraan poow sé maéman an Yope sé icumiit wo sia.

Kisah Para Rasul 11:12

Wo icua i Roh Le'nas a yaku, ‘Mangéo mewali-wali wo iséra. Tioo ko marua-rua wasa mandé séra ra'ica tou Yahudi.’ Kelinga in itu, yaku wo sé enem poow sé maémano anio', mewali-wali mangé ang Kaisarea. Icateka' mangé am bitu, kami muntep am balé i Kornelius.

Kisah Para Rasul 11:30

Kumawusai séra sumuun roit, wo ru'du' éra si Barnabas wo si Saulus e maali in doit itu a sé penatua an Yudea.

Kisah Para Rasul 15:25

Ampa'paano in itu pinusé'o ami en sumisir wo mutus piraan tou e mewali-wali wo si Barnabas wo ka'i si Paulus si icaupus ami.

Kisah Para Rasul 15:27

Anaé, ayutuso ami si Yudas wo si Silas eng kumua ai camu tanu in aipatic an surat anio'.

Kisah Para Rasul 15:4

Icateka' mangé an Yerusalem, séra sinungkul é jamaat, é ruru'du'an wo sé penatua ang kota itu ang karapi in arui en até. Wo isisil éra in dua a sé tou itu, andumoro' im pakasa sé niéma'o i Amang Kasuruan ai séra in dua.

Kisah Para Rasul 16:4

Am bawayaan éra imali'ci-li'cir asi esa kota mangé ang kota walina, si Paulus wo si Silas makua in atoran-atoran sé niéma' é ruru'du'an wo sé penatua an Yerusalem, wosama' sé jamaat ro'na kumiit in atoran itu.

Kisah Para Rasul 21:18

Mando mai, si Paulus mangé mewali-wali wo icami meta'up wo si Yakobus. Pakasa sé penatua am bituo ka'i.

1 Korintus 1:1

En surat anio' a yaku owo Paulus, si tinowao mamuali ruru'du'- an i Yesus Kristus kumiit ing kasalé'an i Amang Kasuruan. Wo en surat anio' aipaticku wo si Sostenes, poowta an esa paémanen.

2 Korintus 11:5

Yaku uli-ulit ra'ica mendam lébé wawa' wo sé ruru'du'- an wangko' itu.

Galatia 2:5

Taan ra'ica kiniitan ami eng kasalé'an éra en andumoro' in sunat mandé makasake'. Ampa'paan icasalé' ami timboien sumama-sama' en sususuien wutul asi Abar Kaaruien andumoro' i Kristus, akar kamu an jamaat Galatia kasake' mercaya sapa sé aisusuio ami. Anaé, kamu sé maémano a si Yesus ra'io sangali kumiit in sususuien andumoro' in sunat.

Yudas 1:3

Poo-poow sé icaupusku! En ulitna si paangé-angénku asi kataré-taré, yaku masalé' keli woo matic in surat ai camu andumoro' ing kalowiran si tinerimatao im baya. Taan intarépé' icasalé'ku keli e matic andumoro' sé walina torona miow. Icasalé'ku en sumina'u icamu wosama' kamu rumaméji kasake' imaéman. Em paémanen itu makasake' iwéé i Amang Kasuruan a sé tou le'nas akar ing kauré-uré.