Kisah Para Rasul 15:13 - En Taar Weru a nunuwu' é Tontemboan

¹³ Kekawus i Paulus wo si Barnabas mepaar, wo icua ka'i i Yakobus, “Éi poo-poow, linganai aku!

Kisah Para Rasul 15:13 ပူးပေါင်းရင်းမြစ်များ

Markus 15:40

Asi témpo itu ka'i awéan piraan wéwéné sé makaséré an tayang an tutuw i Yesus aisalip. Séra itu si Maria tou Magdala, si Maria inang i Yakobus wo'bas wo si Yoses, wo ka'i si Salome.

Kisah Para Rasul 12:17

Taan séinan i Petrus ing kama wosama' séra menes. Kumawus in itu isisilna ai séra tambisa si Casuruan makawali sia kumesot am bui. Wo icuana ai séra, “Icuao mangé pakasa en anio' a si Yakobus wo a sé poo-poowta walina sé maémano.” Wo sia kumesot am bitu wo mangé an tampa walina.

Kisah Para Rasul 15:14

Si Simon Petrus isumisilo tambisa si Amang Kasuruan kumataré itumuru' in upus aitambér-Na a sé tou ra'ica Yahudi. Sinisir-Na sé tou an uner é tou ra'ica Yahudi e mamuali tou-Na.

Kisah Para Rasul 2:14

Wo si Petrus tumulung mewali-wali wo sé sangapulu' esa ruru'du'an walina. Icuana ang karapi in taangko' a sé tou keli itu, “Éi tou Yahudi wo pakasa in tou sé maento' an Yerusalem! Wéannio' rékén sumama-sama' en icuaku ai camu sapa e mamuali am bia'i.

Kisah Para Rasul 2:22

Éi tou Israel, linganai sumama-sama' en cuaku anio'! Si Yesus tou Nazaret itu ayutuso mai i Amang Kasuruan. Wo kailekanta sapaoka si Amang Kasuruan maké Sia en tumuru' ing kawasa wo ing kakaya'kaan-kakaya'kaan wo tuu-tuus sé ra'io icakua sé mamuali an uner iow.

Kisah Para Rasul 2:29

Poo-poow, icuaku ai camu ang karapi im butul andumoro' si Daud, si apo'ta. Si aicuana itu, ra'ica andumoro' in owakna in esa ampa'paan sia in esa imatéo wo aicuburo, wo eng kuburna awéané' akar intarépé' asi kota anio'.

Kisah Para Rasul 21:18

Mando mai, si Paulus mangé mewali-wali wo icami meta'up wo si Yakobus. Pakasa sé penatua am bituo ka'i.

Kisah Para Rasul 22:1

“Éi tuang-tuang wo sé poo-poow, lingan iow, awéan en icuaku ai camu e méla in owakku!”

Kisah Para Rasul 7:2

Wo isowat i Stefanus, “Éi poo-poow wo tuang-tuang, linganai en icuaku. Indior, si apo'ta Abraham an tutuw sia ra'ipé' maento' an Haran, sia maento' a Mesopotamia. Am bitu, si Amang Kasuruan si parayo-rayo wo pasiri-siriin mapaturu' in owak-Na ai sia,

Galatia 1:19

Taan ra'ica ipeta'upku sé ruru'du'an walina, yaku asalo meta'up wo si Yakobus, poow i Apo' Yesus.

Galatia 2:12

Kelian sé tou ra'ica Yahudi maento' ang kota itu. Wo tanu si anioo e mamuali a mangé mbitu: Si Kefas, mandé ka'i sia tou Yahudi, taan sia manaramo mengakan mewali-wali wo sé tou ra'ica Yahudi sé ra'ica sinunat, wo en itu nianggap ra'ica patus a sé tou Yahudi. An tutuw é piraan tou Yahudi an Yerusalem owo sé ayutus i Yakobus mai am bitu, si Kefas ra'io kiim ka'i mewali-wali wo sé tou ra'ica Yahudi sé ra'ica sinunat itu. Ampa'paan icaindé'na sé piraan tou Yahudi sé ayutus i Yakobus, sé masalé' pakasa sé tou maéman, mandé ka'i tou ra'- ica Yahudi, musti sunaten.

Galatia 2:9

Si Yakobus, si Kefas, si Yohanes sé nianggap kikiiten kumataré-taré an jamaat an Yerusalem, an tutuw éra isuméré in upus aitambér i Amang Kasuruan a yaku, séra membéan ing kama a yaku wo si Barnabas tanu tuus séra imeesao wo icami. Wo séra wo icami mengkakiitano sapaoka kami melala'us tumawoi torona é tou ra'- ica Yahudi wo séra in telu kasake' tumawoi torona é tou Yahudi.

Yakobus 1:1

Siri' a yaku owo Yakobus, ata i Amang Kasuruan wo i Apo' Yesus Kristus. Aipaticku en surat anio' a sé sangapulu' rua suku Israel am panangkéian sé maémano a si Yesus Kristus.

Yakobus 1:19

Poo-poow sé icaupusku! Musti ta'néien iow in andumoro' sé anio': Sa awéan tou ang karoro'an imaroma' lingan owo em pakuana. Tioo taporak manuwu' wo tioo taporak mae'bow.