Kisah Para Rasul 14:9 - En Taar Weru a nunuwu' é Tontemboan

⁹ Si tou itu makalinga si Paulus maroma'. Wo téintengen i Paulus si tou itu, kailekanna si tou itu maéman a si Yesus anaé ro'na masama'.

Kisah Para Rasul 14:9 ပူးပေါင်းရင်းမြစ်များ

Matius 13:58

Ampa'paan ra'ica émanen éra Sia akar ra'ica keli eng kakaya'kaan niéma'-Na am bitu.

Matius 15:28

Wo icua i Yesus ai sia. “Éi inang, wangko' em paémanenmu. Mamualio ai co tanu ing kasalé'anmu.” Asi témpo ituke', si toyaangna itu imasama'o.

Matius 8:10

Kelinga in itu, si Yesus mangaya'ka' wo icua-Na ai séra sé makiit Sia, “En ulitna icua-Ku mangé ai camu, ra'ipé' kawisa ipeta'up-Ku em paémanen wangko' tanu si anio' mandé esake' tou an uner é tou Israel.

Matius 9:22

Si Yesus suméléng wo tuméinteng ai sia wo icua-Na, “Ketereno mangé en atému éi toyaang-Ku, em paémanenmu lumowiro ico.” An tutuw ituke' si wéwéné itu imasama'o.

Markus 10:52

Wo icua Yesus ai sia, “Ampa'paan ko maéman a Yaku, intarépé' ko ro'nao suméré.” Asi témpo ituke', si Bartimeus ro'nao suméré, wo sia kumiit si Yesus.

Markus 2:5

An tutuw suméré e niéma' é tou itu, kinailekano i Yesus séra maéman ai Sia. Wo icua-Na a si tou késo' itu, “Éi toyaang-Ku, eng kamesé-meséaanmu niampungano.”

Markus 8:25

Iweta' ka'i sumawel i Yesus eng kama-Na am beren i tou itu wo sia uli-ulit maséréo wo imasama'o, akar kaséréanna waya loor.

Kisah Para Rasul 10:4

Téintengen i Kornelius si malaékat itu wo ang karapi in indé' icuana, “Awéan sapa réén é Tuang?” Isowat i malaékat itu ai sia, “Pakasa en sombayangmu liningao i Amang Kasuruan wo sé aitawangmu a sé tou lengéi sinéré-Nao wo ko tina'néi-Nao.

Kisah Para Rasul 3:4

Si Petrus wo si Yohanes suméré sia wo icua i Petrus, “Séréno mai kami!”