Kisah Para Rasul 14:22 - En Taar Weru a nunuwu' é Tontemboan

²² An tampa-tampa itu, si Paulus wo si Barnabas kumeter in até é tou maéman wo sumina'u iséra wosama' le'tek am paémanen. Wo icua i Paulus wo si Barnabas, “Sa kita masalé' mamuali tou i Amang Kasuruan si Kumawasa tanu Kolano, kita musti meta'up ing keli kawenduan.”

Kisah Para Rasul 14:22 ပူးပေါင်းရင်းမြစ်များ

Matius 10:38

Si séike' ra'ica muléng in salipna in esa wo ra'ica kumiit Yaku, sia ra'ica patus mamuali tou-Ku.

Matius 16:24

Wo icua i Yesus a sé murit-Na, “Si séike' e masalé' kumiit Yaku, sia musti sumangkal in owakna, muléng in salipna wo kumiit Yaku.

Matius 19:24

Wo icua-Ku ka'i sumawel ai camu, lébé taporak si esa onta muntep am bo'so im biwilit wotaré si tou siya' muntep ang Kakolanoan i Amang Kasuruan.”

Markus 10:30

si tou itu, an jaman anio'ke' makéré oka sumawel sangaatus lumepet: walé, kapetuari tuama kuma'pa wéwéné, inang, toyaang wo uma, mandé ka'i meta'up in okoi, wo an jaman mengangai kéréanna oka eng katouan akar ing kauré-uré.

Markus 9:47

Sa em berenmu iméma' ico ang kamesé-meséaan, tu'iceno mio', ampa'paan aweso taré ko muntep an untep ing Kakolanoan i Amang Kasuruan in esa weren, wotaré rua weren taan ko itiya' an untep i naraka,

Lukas 24:26

Ra'ica réén kailekan iow sapaoka si Kristus musti sumangkum owo waya ing kawenduan itu, kumawus in itu Sia tumerima i rarayo wo in sisiri'?”

Yohanes 15:18

“Sa kamu icasuut é tou ang kayo'baan sé ra'ica maéman a Yaku, musti ta'néien iow sapaoka Yakuo en diorai ipasuu-suut éra.

Yohanes 15:20

Ta'néieno mangé sapa sé aicua-Kuo ai camu: Si esa ata ra'ica lumébémai wo si tuangna. Sa séra imokoio Yaku, séra ka'i mokoi oka icamu. Sa émaan éra en taar-Ku, émaan éra oka ka'i sé aicua miow.

Yohanes 16:33

Icua-Ku waya en itu ai camu, wosama' kéréan iow eng kaeluran ampa'paan meesao ang karapi-Ku. Ang kayo'baan anio' ipeta'up oka miow eng kawenduan, taan kete-ketereno mangé en até miow, ampa'paan kinala-Kuo waya eng kawasa ing kayo'baan anio'.”

Yohanes 3:5

Isowat i Yesus, “En ulitna icua-Ku mangé ai co, sa si tou ra'ica touen sumawel an dano wo e Roh i Amang Kasuruan, sia ra'ica muntep ang Kakolanoan i Amang Kasuruan.

Kisah Para Rasul 11:23

An tutuw i Barnabas icateka' a mangé mbitu, sérénna sé tou maéman am bitu tinambéranai ing kamang i Amang Kasuruan, wo sia wutu-wutul arui. Wo sina'uenna séra im baya wosama' uli-ulit ang karapi in lekep en até, le'tek a si Apo' Yesus.

Kisah Para Rasul 11:26

Wo sia meta'up wo si Saulus, kumawus in itu iwalina si Saulus an Antiokhia. Séra in dua mento' mewali-wali wo sé jamaat a mangé mbitu sangata'un eng kauréna. Séra ka'i mengasusui a sé tou keli andumoro' i Yesus. An Antiokhia anioo sé tou makiit in sususuien i Yesus kumataré-taré patuulen Krésten.

Kisah Para Rasul 11:29

Kumawus in itu, sé tou maéman an Antiokhia musé' en lumi'us roit patawang iwéé a sé poo-poow an esa paémanen an Yudea, iciit ing kawooan éra i esa wo si esa.

Kisah Para Rasul 13:43

Kumawusai i maapo', sé tou itu kumesot am balé paapo'an wo awéan sé icumiit si Paulus wo si Barnabas. Séra itu sé tou Yahudi wo ka'i sé tou ra'ica Yahudi sé imuntepo agama Yahudi. Si Paulus wo si Barnabas sumina'u ai séra wosama' kasake' i mamangén an upus aitambér i Amang Kasuruan.

Kisah Para Rasul 14:20

Taan, an tutuw é tou maéman am bitu matulung wo lumi'cir sia, makala'us sia tumulung wo muntep sumawel an Listra. Asi woondona mai, sia mangé an Derbe mewali-wali wo si Barnabas.

Kisah Para Rasul 14:28

Am bitu séra mento' uré toyo' wo sé poo-poow esa paémanen.

Kisah Para Rasul 15:32

Si Yudas wo si Silas itu nabi, niéma' éra sé tou maéman an Antiokhia maibor wo ka'i kumeter in até éra.

Kisah Para Rasul 15:41

Si Paulus wo si Silas mangé an sangkum in Siria wo eng Kilikia wo kumeter im paémanen é tou maéman am bitu.

Kisah Para Rasul 18:23

Wo sia mento' am bitu piraan ngando. Wo sia mangé asi esa tampa wo mangé an tampa walina an sangkum ing Galatia wo em Frigia. An tampa-tampa itu, paketerenna en até é tou maéman.

Kisah Para Rasul 6:7

En Taar i Amang Kasuruan makaseraro wo sé tou maéman a si Yesus an Yerusalem makaaweso eng kakeli. Kelian sé imam sumarakan in owak éra wo maéman a si Yesus.

Kisah Para Rasul 9:16

Ituru'-Ku oka ai sia sapaoka sia meta'up oka ing keli kawenduan ampa'paan kumiit Yaku.”

Roma 8:17

Wo sa kita toya-toyaang i Amang Kasuruan, kita awéan hak e makéré im bagéan asé im pakasa sé aitu'tulo i Amang Kasuruan torona é toyaang-Na. Wo terimanta oka en itu mewali-wali wo si Kristus. Wo sa kita mawendu meputé in sinangkumai i Kristus, kita ka'i tumerima oka i rarayo wo in sisiri' kaputé i Kristus.

1 Korintus 1:8

Sia oka ka'i e méma' mai im paémanen iow kasake' keter akar ing kaka'puan ing kayo'baan, akar kamu kéréan-Na ra'ica wana kaséaan asi endo si Apo'ta Yesus Kristus maai sumawel.

Filipi 1:29

Ampa'paan kamu tinambérano mai ing kamang i Amang Kasuruan ra'ica asaloke' maéman a si Kristus taan ka'i imawendu ampa'paan maéman ai Sia.

Kolose 1:23

Ampa'paano in itu kamu musti le'tek maéman wo kasake' keter makatimboi asi Abar Kaaruien andumoro' si Yesus Kristus. Wo tioo itela'u miow em paarapen si an untep in Abar Kaaruien itu, si aiwééo ai camu wo liningao miow. Wo en Abar Kaaruien itu aicuao a sé pakasa é tou ang kayo'baan. Wo yaku Paulus mamuali tou mengaselewir eng kumua in Abar Kaaruien andumoro' i Yesus Kristus itu.

1 Tesalonika 3:13

Pangileken ami a si Casuruan eng kumeter in até miow wosama' en até miow ra'ica wana kaséaan wo le'nas an dior i Amang Kasuruan si Amangta, an tutuw i Yesus Apo'ta maai sumawel mewali-wali ang kerapi é tou le'nas-Na.

2 Timotius 1:8

Anaé, ico ra'ica toro malawi' masairi in andumoro' i Apo'ta Yesus. Ico ka'i ra'ica toro malawi' mangaku sa aku karapimu ampa'paan aku intarépé' am bui. Yaku am bui ampa'paan maselewir a si Yesus Kristus. Ico ka'i musti sumangkum in okoi tanu yaku ampa'paan mengakua in Abar Kaaruien andumoro' i Yesus Kristus. An tutuw ko sumangkum in okoi, tantu si Amang Kasuruan méé mai kaketeran ai co.

2 Timotius 3:12

Mémang pakasa in tou maéman a si Kristus Yesus wo kumiit ing kasalé'an-Na meta'up oka in okoi.

1 Petrus 2:21

Ampa'paan in ituo, kamu tinowao i Amang Kasuruan e méma' in loor mandé' ka'i kamu meta'up ing kawenduan. Si Apo' Yesus imendamo ing kawenduan torona miow wo imééo im paandéan ai camu wosama' kiiten iow tanu si niéma'-Na.

1 Petrus 5:10

Taan eng kawenduan si pendamen iow itu ra'ica uré. Kekawus in itu, émaan oka i Amang Kasuruan em paémanen iow makaleke-lekep wo émaan-Na oka en até miow makaketer wo émaan-Na ka'i kamu mauli-ulit maéman ai Sia. Ampa'paan Sia itu Amang Kasuruan si palemboian waya ing kamang aitambér wo itumowao icamu maéman a si Kristus, wosama' kamu kumiit mendam i rarayo wo en sisiri'-Na akar ing kauré-uré.

1 Petrus 5:9

Musti sunduren iow si kikiiten é sétang ang karapi im paémanen keter. Ampa'paan kailekan iow ka'i sapaoka sé poo-poow iow an esa paémanen am bisa-wisa ang kayo'baan imendamo ing kawenduan meputé im pinendam iow.

2 Petrus 1:11

Wo in taniitu kamu wéan-Na oka kaloasan e muntep ang kakolanoan akar ing kauré-uré, siituo eng kakolanoan i Apo' Yesus Kristus wo Lumolowirta.

Yudas 1:3

Poo-poow sé icaupusku! En ulitna si paangé-angénku asi kataré-taré, yaku masalé' keli woo matic in surat ai camu andumoro' ing kalowiran si tinerimatao im baya. Taan intarépé' icasalé'ku keli e matic andumoro' sé walina torona miow. Icasalé'ku en sumina'u icamu wosama' kamu rumaméji kasake' imaéman. Em paémanen itu makasake' iwéé i Amang Kasuruan a sé tou le'nas akar ing kauré-uré.

Wahyu 1:9

Yaku si Yohanes poow an esa paémanen si mewali-wali wo icamu mendamai in okoi ampa'paan makiit si Yesus. Terimanta oka mewali-wali em bagéanta ang Kakolanoan-Na, wo talesen mangento-ngento' si Yesus maai sumawel. Wo yaku aisingkir angé am pulou Patmos ampa'paan mengakua in Taar i Amang Kasuruan wo me- ngasairi andumoro' sapa si aicua i Yesus.

Wahyu 2:10

Tioo kamu maindé-indé' ing kawenduan si musti pendamen iow. Awéan ai camu si téndél oka i kikiiten é sétang an untep im bui em pangepé'an. Wo pendamen iow oka eng kasusaan sangapulu' ngando eng kauréna. Taan kamu musti le'tek maéman a Yaku akar i maté, wo kamu wéan-Ku oka mahkota ing katouan.

Wahyu 7:14

Wo sowatenku, “Tuang! Si tuang e makailek.” Wo icuana a yaku, “Séra ituo sé tou ilumangkoio mai ing kawenduan wangko'. Wo pakén éra en enda' i Toyaang i Domba eng kumemes in juba éra wo méma' akar i makulo'.