Kisah Para Rasul 14:21 - En Taar Weru a nunuwu' é Tontemboan

²¹ An Derbe, si Paulus wo si Barnabas ka'i kumua in Abar Kaaruien andumoro' i Yesus Kristus, wo keli tou maémano a si Yesus. Kekawus in itu séra in dua maréng sumawel an Listra, wo melala'- us an Ikonium wo ka'i an Antiokhia an sangkum im Pisidia.

Kisah Para Rasul 14:21 ပူးပေါင်းရင်းမြစ်များ

Matius 28:19

Ampa'paano in itu, mangém am pakasa im bangsa, wo émaano mangé séra mamuali murit-Ku. Baptiseno mangé séra ang karapi ngaran i Amang, i Toyaang wo i Roh Le'nas.

Kisah Para Rasul 13:14

Wo am Perga itu, si Paulus wo sé kara-karapina lumala'us ka'i im bawayaan éra akar icateka' an Antiokhia an sangkum im Pisidia. Asi endo Sabat séra muntep wo lumukut am balé paapo'an é agama Yahudi.

Kisah Para Rasul 13:51

Taan itangkar i Paulus wo si Barnabas en awu ang kécéi éra an dior é tou itu, en itu mamuali tata'néi sapaoka sé tou itu ukumen oka i Amang Kasuruan. Kumawus in itu séra in dua mangé an Ikonium.

Kisah Para Rasul 14:1

An tutuw i Paulus wo si Barnabas an Ikonium, séra muntep am balé paapo'an é agama Yahudi, tanu ing kanaramen paémaan éra an tampa walina. Am bitu séra kumua in Abar Kaaruien andumoro' i Yesus Kristus ang karapi in sumama-sama' akar keli sé tou Yahudi wo sé tou ra'ica Yahudi maéman a si Yesus.

Kisah Para Rasul 14:15

“Éi camu im baya, kéitu réén kamu méma' in tana'i? Kami anio' tou kaputé miow. Kami am bia'i eng kumua in Abar Kaaruien andumoro' i Yesus Kristus ai camu, wosama' kamu ro'na tumela'u sé opo-opo' sé ra'ica wana torona wo kamu maémano mangé a si Amang Kasuruan si menonou. Siao si méma' in langit wo ing kayo'baan, ta'sic wo im pakasa sé an untepna.

Kisah Para Rasul 14:19

Wo asi témpo itu mayo sé tou Yahudi a mangé en Antiokhia wo an Ikonium owo. Séra memaso-maso' in léwo' a sé tou keli itu akar si Paulus wangkilen éra im batu wo wésoon éra icesot ang kota, ampa'paan paweroten éra sia imatéo.

Kisah Para Rasul 14:26

A mangé em bitu oka séra suméngkot angé an Antiokhia. Indior séra ayutus é jamaat itu eng kumua in Abar Kaaruien itu. Sé jamaat ituo ka'i en sumombayang sumarakan iséra in dua a si Amang Kasuruan wosama' Sia tumambérai in upus-Na ai séra en tumo'tol in tawoien. Intarépé' séra mangé am bitu ampa'paan linekepo éra en tawoien.

Kisah Para Rasul 14:6

Taan kailekano éra in dua em pawasa-wasan léwo' itu. Ampa'paano in itu séra sumingkir angé ang kota-kota an Likaonia. Eng kota-kota itu, Listra wo en Derbe wo an tampa-tampa walina an sangkum itu.

Kisah Para Rasul 14:7

Wo am bitu ka'i séra kumua in Abar Kaaruien andumoro' i Yesus Kristus.

Kisah Para Rasul 14:8

Ang kota Listra, awéan esa tuama si asalo meluku-lukut ampa'paan eng kécéina késo' ketounake' mai wo ra'ipé' sumangkum ako maya'.

Kisah Para Rasul 15:36

An tutuw i Paulus wo si Barnabas uréo toyo' an Antiokhia, icua i Paulus a si Barnabas, “Mayoo, kita maréng sumawel a sé poo-poowta ang kota-kota si sumangkumo kinuananta in taar i Casuruan en suméré ing kaberadaan éra.”

Kisah Para Rasul 16:2

Sé tou maéman an Listra wo an Ikonium, makailek wutul si Timotius anio' tou sama'.

Kisah Para Rasul 2:47

Séra marayo si Amang Kasuruan wo ka'i casalé' é tou keli. Wo susur in endo pengawe-ngawesan i Casuruan eng kakeli é tou maéman itu ang karapi é tou sé pakalowirené'.

2 Timotius 3:11

Kailekanmu ka'i tambisa sé tou mokoi yaku ang kota Antiokhia, an Ikonium wo an Listra akar aku mawendu ulit. Taan aku aiwekar i Casuruan am pakasa in itu.