Kisah Para Rasul 14:19 - En Taar Weru a nunuwu' é Tontemboan

¹⁹ Wo asi témpo itu mayo sé tou Yahudi a mangé en Antiokhia wo an Ikonium owo. Séra memaso-maso' in léwo' a sé tou keli itu akar si Paulus wangkilen éra im batu wo wésoon éra icesot ang kota, ampa'paan paweroten éra sia imatéo.

Kisah Para Rasul 14:19 ပူးပေါင်းရင်းမြစ်များ

Kisah Para Rasul 13:14

Wo am Perga itu, si Paulus wo sé kara-karapina lumala'us ka'i im bawayaan éra akar icateka' an Antiokhia an sangkum im Pisidia. Asi endo Sabat séra muntep wo lumukut am balé paapo'an é agama Yahudi.

Kisah Para Rasul 13:45

Taan an tutuw sérén é kikiiten é tou Yahudi sé tou keli itu, en até é kikiiten itu manganat keli. Anaé pakasa sé ipakua i Paulus wo si Barnabas, ipakélong wo ka'i paroros éra.

Kisah Para Rasul 14:1

An tutuw i Paulus wo si Barnabas an Ikonium, séra muntep am balé paapo'an é agama Yahudi, tanu ing kanaramen paémaan éra an tampa walina. Am bitu séra kumua in Abar Kaaruien andumoro' i Yesus Kristus ang karapi in sumama-sama' akar keli sé tou Yahudi wo sé tou ra'ica Yahudi maéman a si Yesus.

Kisah Para Rasul 14:18

Mandé ka'i si Paulus wo si Barnabas irumoma'o tanu siitu, misike' ra'ica katangan éra sé tou keli itu e méé raragés ai séra.

Kisah Para Rasul 14:2

Taan awéan tou Yahudi sé ra'ica kiim mercaya in aicua i Paulus wo si Barnabas, séra memaso-maso' in léwo' sé tou ra'ica Yahudi wosama' icasuut éra sé poo-poow esa paémanen itu.

Kisah Para Rasul 14:21

An Derbe, si Paulus wo si Barnabas ka'i kumua in Abar Kaaruien andumoro' i Yesus Kristus, wo keli tou maémano a si Yesus. Kekawus in itu séra in dua maréng sumawel an Listra, wo melala'- us an Ikonium wo ka'i an Antiokhia an sangkum im Pisidia.

Kisah Para Rasul 14:26

A mangé em bitu oka séra suméngkot angé an Antiokhia. Indior séra ayutus é jamaat itu eng kumua in Abar Kaaruien itu. Sé jamaat ituo ka'i en sumombayang sumarakan iséra in dua a si Amang Kasuruan wosama' Sia tumambérai in upus-Na ai séra en tumo'tol in tawoien. Intarépé' séra mangé am bitu ampa'paan linekepo éra en tawoien.

Kisah Para Rasul 14:4

Taan sé tou keli ang kota itu mamuali rua ngareru'. Awéan sé marapit a sé tou Yahudi ra'ica maéman, wo awéan ka'i sé marapit a sé rua ruru'du'an itu.

Kisah Para Rasul 14:5

Eng kasiwakanna, sé tou Yahudi wo sé tou ra'ica Yahudi mewali-wali wo sé kikiiten éra meesa. Séra rumaméji e mokoi wo mangkil im batu a si Paulus wo si Barnabas.

Kisah Para Rasul 15:26

Séra itu sumangkumo ing keli kawenduan ampa'paan i ngaran i Apo'ta Yesus Kristus.

Kisah Para Rasul 17:13

Taan an tutuw kailekan é tou Yahudi sé an Tesalonika owo sapaoka si Paulus makua ka'i in taar i Amang Kasuruan am Berea wo séra mangé am bitu e memaso-maso' in léwo' a sé tou am bitu akar sé tou keli ra'io makaaté in sama'.

Kisah Para Rasul 22:20

Taniitu ka'i an tutuw éra imaté si Stefanus si sairi i Casuruan itu, yaku am bitu wo niénanku ka'i e niéma' éra itu. Wo yakuo ka'i en tuméir ing karai éra tutuw éra i maté sia.’

Kisah Para Rasul 7:58

Wo wésoon éra sia kumesot ang kota wo wangkilen éra im batu. Sé tou mamuali sairi am bitu, séra muka' in juba éra wo iweta' éra an dior ing kécéi i esa mangalitou si makangaran Saulus.

Kisah Para Rasul 9:16

Ituru'-Ku oka ai sia sapaoka sia meta'up oka ing keli kawenduan ampa'paan kumiit Yaku.”

1 Korintus 15:31

Poo-poowku, susur in éndo aku mensaruan wo im papaté, ampa'paan aku marayo ing katouan iow ampa'paan kamu maémano a si Kristus Yesus Apo'ta.

2 Korintus 11:23

Wo ipakua éra sapaoka séra sé tou maselewir si Kristus. Yaku maroma' tanuoka tou nganga', yaku mengaselewir asi Kristus ilumébé mai ai séra. Yaku matawoi ilumébé mai wo ing kare'dem éra, makakeli-keli ipauntep am bui, makakeli-keli pengaokoien, wo makakeli-keli matawio imaté.

2 Korintus 11:25

Makateluo aku pinangkur im beka', makasa aku winangkil im batu wo makatelu sumangkum mai eng kapal misio kumandas, wo makasa aku ipawolé-woléi an uner in ta'sic sangando wo sangawengi.

2 Korintus 11:26

Am bawayaanku makakeli-keli mengakawali ang kawangkuran, tanu mai icawangkur an doyongan sumonop, pengakasua' asé marampok, ipengawangkur é touku Yahudi wo ka'i sé tou ra'ica Yahudi, icawangkur ang kota, icawangkur an tana' kapayasan, icawangkur an uner in ta'sic, wo ka'i pengawangkur é tou sé makua sapaoka séra poo-poowta esa am paémanen a si Kristus mandé en ulitna séra ra'ica maéman.

1 Tesalonika 2:14

Poo-poow! Kamu niokoio é tou esa suku wo icamu an Tesalonika. Wo in taniitu kamu meputéo wo sé tou Yahudi an Yudea sé maémano a si Apo' Yesus Kristus, séra niokoi ka'i é tou éra in esa.

2 Timotius 3:11

Kailekanmu ka'i tambisa sé tou mokoi yaku ang kota Antiokhia, an Ikonium wo an Listra akar aku mawendu ulit. Taan aku aiwekar i Casuruan am pakasa in itu.