Kisah Para Rasul 14:17 - En Taar Weru a nunuwu' é Tontemboan

¹⁷ Taan si Amang Kasuruan kasake' tumambérai in upus-Na a sé pakasa sé tou ang karapi in tumumpa mai in uran an langit wo winéan-Na oras i maupu' ai cita. Winéan-Na ka'i mai kakanen wo kaaruian an atéta.”

Kisah Para Rasul 14:17 ပူးပေါင်းရင်းမြစ်များ

Matius 5:45

Sa émaan iow taniitu, kamu mamuali toya-toyaang i Amang iow an sorga, si mantangai si yéndo a sé tou léwo' wo a sé tou sama' wo mawéé mai in uran a sé tou sé maéma' im butul wo a sé tou sé ra'ica mengaéma' im butul.

Lukas 6:35

Taan si musti émaan iow, mengaupus angé a sé kaséké' miow wo mengaéma'o mangé sé loor ai séra. Wo pengawéanio' iraman séra wo ra'ica maarap iwaréng. Sa émaan iow tanu siitu, kamu makéré oka laasa wangko'. Wo siituo e mamuali tuus sapaoka kamu uli-ulit toya-toyaang i Amang Kasuruan Si Rumangka-rangka'. Ampa'paan si Amang Kasuruan loor a sé tou sé ra'ica mengawéé makapulu'sama' wo ka'i a sé tou léwo'.

Kisah Para Rasul 14:18

Mandé ka'i si Paulus wo si Barnabas irumoma'o tanu siitu, misike' ra'ica katangan éra sé tou keli itu e méé raragés ai séra.

Kisah Para Rasul 17:26

Asi esa touke' niéma'-Nao waya sé bangsa mento' ang kayo'baan. Wo aitantu-Na waya en témpo wo ka'i en supu-supu im paento'an éra.

1 Timotius 6:17

Pokéianmu mangé sé tou siya' ang kayo'baan anio' wosama' séra tioo mengatirayo wo tioo menonou mamangén ang kasiyaan. Ampa'paan eng kasiyaan ing kayo'baan anio' ra'ica akar ing kauré-uré, si endo anio' awéan woondo maka'puo. Aweso taré séra itu menonou mamangén a si Amang Kasuruan, si méé mai im baya-waya sé paperlunta wosama' ro'na kaipianta waya en itu.