Kisah Para Rasul 14:15 - En Taar Weru a nunuwu' é Tontemboan

¹⁵ “Éi camu im baya, kéitu réén kamu méma' in tana'i? Kami anio' tou kaputé miow. Kami am bia'i eng kumua in Abar Kaaruien andumoro' i Yesus Kristus ai camu, wosama' kamu ro'na tumela'u sé opo-opo' sé ra'ica wana torona wo kamu maémano mangé a si Amang Kasuruan si menonou. Siao si méma' in langit wo ing kayo'baan, ta'sic wo im pakasa sé an untepna.

Kisah Para Rasul 14:15 ပူးပေါင်းရင်းမြစ်များ

Matius 16:16

Isowat i Simon Petrus, “Si Guruo si Mesias itu, si Toyaang i Amang Kasuruan si menonou!”

Yohanes 5:26

Ampa'paan si Amang-Ku palemboian ing katouan, niéma'-Na ka'i si Toyaang-Na mamuali palemboian ing katouan.

Yohanes 7:18

Si tou makua mapakéke' im bewerotna in esa, sia maéré-éréke' ing kasiri'an in owakna in esa. Taan si tou si mengaéré ing kasiri'an torona Sia si mutusai si tou itu, tantu sia makua im butul wo ra'ica mengatowo.

Kisah Para Rasul 10:26

Taan timboian i Petrus eng kama i Kornelius wo wésoonna en tumulung wo kumua, “Tumulungo, yaku anio' kakélému in tou.”

Kisah Para Rasul 13:32

Wo kami intarépé' makua in Abar Kaaruien andumoro' i Yesus Kristus ai camu, si aijanjio i Amang Kasuruan indior a sé apo-apo'ta.

Kisah Para Rasul 14:21

An Derbe, si Paulus wo si Barnabas ka'i kumua in Abar Kaaruien andumoro' i Yesus Kristus, wo keli tou maémano a si Yesus. Kekawus in itu séra in dua maréng sumawel an Listra, wo melala'- us an Ikonium wo ka'i an Antiokhia an sangkum im Pisidia.

Kisah Para Rasul 14:7

Wo am bitu ka'i séra kumua in Abar Kaaruien andumoro' i Yesus Kristus.

Kisah Para Rasul 16:30

Kumawus in itu wali i capala im bui séra in dua wo kumua, “Tuang-tuang, sapa réén e musti émaanku wosama' aku ro'na malowir?”

Kisah Para Rasul 27:10

“Poo-poow, sérénku kita meta'up ing keli kawangkuran wo ing karugian wangko' sa suméngkot melala'us. Ra'icake' em barang-barang paali-alin wo eng kapal tuminep, taan kita im baya ka'i maté.”

Kisah Para Rasul 27:21

Wo si Paulus tumulung an uner éra, ampa'paan pirao ngando sé tou itu ra'ica icuman. Icuana, “Poo-poow, sa lininga miow si aipokéiku asi sangando sapaoka kita ra'ica suméngkot tumela'u im pulou Kreta, tana'i kita ra'ica meta'up ing kawenduan wo kelian eng kinatalaan tanu sia'i.

Kisah Para Rasul 27:25

Ampa'paan in ituo é poo-poow, tioo kamu maindé'! Ampa'paan émanenku waya si aicua i Amang Kasuruan a yaku itu wutul mamuali.

Kisah Para Rasul 4:24

An tutuw é kara-karapi éra luminga waya in itu wo séra im baya mewali-wali sumombayang, “O Kasuruan si Makakawasa si méma' in langit, ing kayo'baan, in ta'sic wo pakasa sé an untepna,

Kisah Para Rasul 7:26

Mando mai, si Musa suméré awéan rua tou Israel mapetokol. Wo raméjinna méma' séra meeluran sumawel, icuana, ‘Éi! Kéitu réén kamu in dua mapetokol? Ra'ica réén mepoow kamu in dua?’

1 Korintus 8:4

Wo andumoro' ing kuman ing kakanen sé airagéso a sé opo-opo', kailekanta: sé opo-opo' ra'ica wana ang kayo'baan, wo si Amang Kasuruan wayake' in esa ra'ica wana walina.

Efesus 4:17

Ampa'paan in itu, icuaku wo ita'néiku mangé ai camu ang karapi ing kawasa si aiwéé i Casuruan: Kamu ra'io toro menonou kaputé é tou sé ra'ica makatuus si Amang Kasuruan, sé asalo mawerot andumoro' sé ra'ica wana en torona.

1 Tesalonika 1:9

Am bisa-wisa sé tou mengasisil tambisa kamu tumerima cami an tutuw ami mangé ai camu. Ipasisil éra ka'i andumoro' tumambisa kamu tumela'u sé opo-opo' wo mape'dis wo mai maapo' a si Amang Kasuruan si menonou wo si ulit.

1 Timotius 3:15

sa aku icasomoi maai, en suratku anio' icateka' owo mangé ai co. Wo asi suratku anio', ro'nao kakailekanmu musti tumambisa eng katouan é tou maéman sé imuntepo am pamalé i Amang Kasuruan. Séra itu mamuali tuura wo totombol an esa walé. Tanu siituo sé jamaat-Na musti menonou, tanu tuura wo totombol in sususuien wutul itu.

Ibrani 3:12

Anaé, é poo-poow, mareti-retio mangé oréoka awéan esaan ai camu makaaté in léwo' wo ra'io ka'i maéman, akar sia sumali'si' wo tumayang asi Amang Kasuruan si menonou.

Yakobus 5:17

Si Elia tou kaputéta. Sia uli-ulit masombayang mangilek ra'ica toro muran, wo uli- ulit tuu ra'ica tumumpa en uran ang kayo'baan telu ngata'un wo enem ngaserap eng kauré.

Wahyu 14:7

Si malaékat itu kumua in taangko', “Maindé'o mangé a si Amang Kasuruan, irayoo wo siriino mangé Sia! Ampa'paan an témponao Sia maai makim pakasa sé tou. Apoono mangé Sia si méma' in langit wo in tana', in ta'sic wo im pakasa em palemboian in dano!”

Wahyu 19:10

Wo aku kumundu an dior ing kécéi i malaékat itu en sumiri' sia, taan icuana a yaku, “Tioo ko méma' taniitu a yaku! Ampa'paan yaku asaloke' ata i Amang Kasuruan kaputému wo kaputé é poo-poowmu an esa paémanen sé masairi andumoro' i Yesus. Apoono mangé si Amang Kasuruan, ampa'paan eng kasairian i Yesus ituo e méma' sé tou mengakua in Taar i Amang Kasuruan.”

Wahyu 19:19

Wo kaséréanku si binatang itu imali'uso mewali-wali wo sé kolano ang kayo'baan wo sé suraro éra. Séra itu merang en sumundur Sia si makalukut an licur i cawayo kulo' ang karapi é suraro-Na.

Wahyu 22:9

Taan icua i malaékat itu a yaku, “Tioo méma' taniitu! Yaku asaloke' ata, kaputému wo kaputé é poo-poowmu an esa paémanen, sé nabi wo pakasa in tou sé makiit sapa sé aipatico ang kitap anio'. Apoono mangé si Amang Kasuruan.”

Wahyu 4:11

“O, Kasuruan! O, Amang Kasuruan ami! Wayake' Ico em patus makéré in darayo, wo in sisiri' wo ing kawasa. Ampa'paan si Casuruan méma'o im baya-waya, wo ampa'paano ing kasalé'an-Mu pakasa en itu niéma'o wo awéan.”