Kisah Para Rasul 13:48 - En Taar Weru a nunuwu' é Tontemboan

⁴⁸ Kelinga in itu, pakasa é tou sé ra'ica Yahudi arui keli wo rumayo sumiri' in Taar i Casuruan itu. Wo sé tou sinisiro i Amang Kasuruan makéré oka ing katouan akar ing kauré-uré, séra itu mamuali maéman.

Kisah Para Rasul 13:48 ပူးပေါင်းရင်းမြစ်များ

Matius 25:46

Sé tou léwo' anio' ukumen oka an tampa in okoien akar ing kauré-uré, taan sé tou nianggap wutul i Amang Kasuruan makéré oka ing katouan akar ing kauré-uré.’ ”

Matius 28:16

Sé sangapulu' esa murit i Yesus mangé ang Galilea asi esa tolaina tanu si airu'du' i Yesus en angéan éra.

Lukas 7:8

Ampa'paan aku awéané' kikiiten sé maperénta yaku. Wo ka'i aku, awéan suraro sé paperéntanku. Wo sa peréntanku esaan asé suraro itu: ‘Mangé!’, tantu sia mangé. Wo sa peréntanku si esa suraro: Mai!, tantu sia mai. Wo sa peréntanku si ataku, ‘Tawoien en anio'!’, tantu tawoienna.”

Yohanes 10:16

Taan Yaku awéané' ka'i domba walina sé ra'ica asi kurungan anio', sé domba itu musti ka'i akinen-Ku wo lingan oka éra en suara-Ku. Wo séra mamuali oka sangareru' wo sé domba-Ku ang kurungan anio', wo makaanu esa gembala, siituo Aku.

Yohanes 11:52

wo ra'ica asaloke' sé tou Yahudi, taan ka'i en lumi'us wo meesa sé toyaang i Amang Kasuruan sé imeseraro am pakasa ing kayo'baan.

Kisah Para Rasul 13:12

An tutuw i gubernur suméré sapa e mamuali, sia ka'i mapercaya a si Yesus. Wo sia mangaya-ngaya'ka' in sususuien andumoro' i Apo' Yesus.

Kisah Para Rasul 13:42

Kekawus i masusui, si Paulus wo si Barnabas kumesot am balé paapo'an itu. Taan sé tou am bitu mekiupus ai séra wosama' maréngai sumawel asi endo Sabat asi duminggu maai en sumusui ka'i andumoro' in taar itu.

Kisah Para Rasul 15:2

Taan en aicua éra itu wutu-wutul aicélong wo sinangkal i Paulus wo si Barnabas. Ampa'paano in itu sé jamaat an Antiokhia musé' e rumu'du' si Paulus, si Barnabas wo piraan tou walina maangé an Yerusalem e meta'up wo sé ruru'du'an, wo sé penatua e mepaar andumoro' im perkara itu.

Kisah Para Rasul 15:31

An tutuw en surat itu pinakabacao, séra im baya arui ampa'paan en surat itu mibor in até éra.

Kisah Para Rasul 2:41

Kumawus in itu, sé tou itumerima i nunuwuun i Petrus, séra méé in owak em baptisen. Asi témpo ituke', sé tou maéman a si Yesus makaawes eng kakeli mamuali telu ngariwu tou.

Kisah Para Rasul 2:47

Séra marayo si Amang Kasuruan wo ka'i casalé' é tou keli. Wo susur in endo pengawe-ngawesan i Casuruan eng kakeli é tou maéman itu ang karapi é tou sé pakalowirené'.

Kisah Para Rasul 20:13

Kumawus in itu, kami metané lalan wo si Paulus wo meta'up oka an Asos tanu im pawasana. Ampa'paan in ituo kami rumior angé sumaké ang kapal, taan si Paulus kumiit in lalan katanaan.

Kisah Para Rasul 22:10

Wo icuaku, ‘O Apo' Yesus, sapa réén e musti émaanku?’ Isowat i Apo' Yesus a yaku, ‘Tumulungo wo mangém an Damsyik. A mangé mbitu icua-Ku oka ai co sapa en émaanmu.’

Kisah Para Rasul 28:23

Wo séra tumantu esa endo e meta'up sumawel wo si Paulus. Wo asi endo itu kelian sé imai an tampa pakaento'anna. Wo sia kumua wo masairi ai séra andumoro' si Amang Kasuruan Kumawasa tanu Kolano. Sia ka'i maké in tuu-tuus an ukum Torat wo eng kitap é nabi e rumaméji wosama' kailekan éra wo émanen éra sa si Yesus itu si Mesias. En itu imamuali tumo'tol i mamoondo akar im bawaando.

Kisah Para Rasul 8:8

Ampa'paano in itu, sé tou ang kota itu maaru-arui.

Roma 11:7

Anaé, tana'i e mamuali: Sé tou Israel mangéré lalan mamuali tou wutul an dior i Amang Kasuruan, taan kinakelian ai séra ra'- ica makéré sapa em paéré-érén éra. Wo sé tou Israel sé nianggap wutul wayake' im pira, sérao sé sinisiro i Amang Kasuruan. Taan sé tou Israel walina, niéma' keté ro'kos,

Roma 13:1

Pakasa en tou musti le'tek a sé pemerénta. Ampa'paan ra'ica wana pemerénta sé ra'ica winéan hak i Amang Kasuruan e merénta. Wo pakasa sé pemerénta aitantu i Amang Kasuruan.

Roma 8:28

Kailekanta intarépé' sapaoka si Amang Kasuruan mengatu'tul im baya-waya, wosama' méé ing kalooran a sé tou sé menga- upus Sia, sé tinowa-Na iciit im pawasa-wasa-Na.

1 Korintus 16:15

Poo-poow, tantu katuusano miow si Stefanus wo sé pamaléna. Séra itu, sé tou kataré-taré mape'dis wo maémano a si Yesus an Akhaya. Wo séra imééo in owak an tawoien en sumelewir sé tou le'nas.

Efesus 1:11

Si Amang Kasuruan en tumu'tul im baya-waya kumiit ing kasalé'an wo im pinusé'-Na in esa. Wo ra'ipé' niéma'-Na eng kayo'baan kita sinisir-Nao, wosama' ro'na terimanta sapa sé aijanji-Nao iwéé ai cita ampa'paan kita imeesao ang karapi i Kristus.

Efesus 1:19

Wo ipasombayangku ka'i wosama' kakailekan iow eng kawangko' ing kawasa-Na ai cita sé maéman ai Sia. Eng kawasa i Amang Kasuruan itu puté wo ing kawasa wangko',

Efesus 1:4

Ra'ipé' niéma' i Amang Kasuruan eng kayo'baan anio', sinisir-Nao kita wosama' meesa ang karapi i Kristus wo mamuali anu-Na si ra'ica wana kaséaan sapa-sapa an dior-Na.

Efesus 1:5

Si Amang Kasuruan mengaupus icita, ampa'paan in ituo tumo'tolke' mai indior aitantu-Nao kita mamuali toya-toyaang-Na ampa'paan i Yesus Kristus. Wo siituo en aitantu-Na kumiit ing kasalé'an-Na.

2 Tesalonika 3:1

Poo-poow, pangileken ami ai camu isombayang angé kami, wosama' en taar i Casuruan si pakua ami rior icaserar am bisa-wisa wo ro'na iparayo-rayo é tou tanu si mamuali ai camu indior.