Kisah Para Rasul 13:42 - En Taar Weru a nunuwu' é Tontemboan

⁴² Kekawus i masusui, si Paulus wo si Barnabas kumesot am balé paapo'an itu. Taan sé tou am bitu mekiupus ai séra wosama' maréngai sumawel asi endo Sabat asi duminggu maai en sumusui ka'i andumoro' in taar itu.

Kisah Para Rasul 13:42 ပူးပေါင်းရင်းမြစ်များ

Matius 11:21

“Icawangkuro mio' kamu sé tou ang kota Khorazim! Wo icawangkuro ka'i kamu sé tou ang kota Betsaida! Ampa'paan niéma'-Kuo eng kakaya'kaan an uner iow taan ra'ica pinercaya miow wo ra'ica mape'dis. Sa sé kakaya'kaan itu niéma'-Ku an Tirus wo an Sidon indior, tantu séra imape'diso wo kumarai ing karai tanu tuus mala'lu wo mu'bur in awu an do'kos éra tanu tuus séra manesel mengéma-ngéma' ing kamesé-meséaan.

Matius 19:30

Taan keli en tou kumataré-taré mamuali oka tou sumomo-somoi, wo sé tou sumomo-somoi mamuali oka tou kumataré-taré.”

Matius 9:18

Ang karoro'an i Yesus maroma' a sé murit i Yohanes Mabaptis, wo mai ai Sia si capala im balé paapo'an é agama Yahudi. Si tou itu kumuru en sumiri' Sia wo kumua, “Guru, si toyaangku wéwéné makapatépé'. Taan pekiupusenku sa woo ro'na si Guru mai am baléku wo maro ing kama ai sia, wosama' sia ro'na tumou sumawel.”

Kisah Para Rasul 10:33

Ampa'paan in ituo makala'us ru'du'ku tou mangé sumungkul si tuang. Wo si tuang mayo am bia'i ang karapi in arui en até. Intarépé', kami im baya am bia'io an dior i Amang Kasuruan, lingan amipé' sapa en aiperénta-Na a si tuang.”

Kisah Para Rasul 13:14

Wo am Perga itu, si Paulus wo sé kara-karapina lumala'us ka'i im bawayaan éra akar icateka' an Antiokhia an sangkum im Pisidia. Asi endo Sabat séra muntep wo lumukut am balé paapo'an é agama Yahudi.

Kisah Para Rasul 28:28

Wo icua ka'i i Paulus, “Musti kailekan iow sa en abar andumoro' ing kalowiran itu aicuao a sé tou ra'ica Yahudi wo tantu teriman éra oka, anaé séra tantu lowiren oka.” [