Kisah Para Rasul 13:41 - En Taar Weru a nunuwu' é Tontemboan

⁴¹ ‘Wéanio' rékén sumama-sama', éi camu sé menéro-néro' an tutuw in luminga in Taar-Ku! Sérén oka miow eng kamamualian sé ra'io icakua sé émaan-Ku oka an jaman iow, akar kamu mangaya-ngaya'ka' wo maté. Kamu maté oka ampa'paan kamu ra'ica mercaya, mandé awéan tou mai sumisil waya in itu ai camu.’ ”

Kisah Para Rasul 13:41 ပူးပေါင်းရင်းမြစ်များ

Lukas 16:14

Pakasa sé aicua i Yesus itu, pakalingan é tou Farisi sé masalé-salé'ke' in doit itu. Wo icé'ké' éra Sia.

Lukas 23:35

Keli sé tou makatulung am bitu wo sinéré éra waya sapa sé imamuali. Ang karoro'an in itu, sé kikiiten é tou Yahudi maséro' Sia, icua éra: “Sé tou walina ro'na lowiren-Na, intarépé', sa Sia wutu-wutul Mesias, Tou sinisir i Amang Kasuruan, mandéo Sia lumowir in owak-Na in esa.”

Kisah Para Rasul 13:47

Ampa'paan si Amang Kasuruan e merénta icami, ‘Sinisir-Kuo ko, wosama' ko ro'na mangé kumua in abar kalowiran a sé tou ra'ica Yahudi akar an tempok ing kayo'baan. Wo in taniitu, ico mamuali kaputé in sosoloan si sumendot iséra.’ ”

Kisah Para Rasul 22:21

Taan icua i Casuruan a yaku, ‘Mangém, iru'du'-Ku oka ko mangé tumayang asi tampa anio' wo mangé a sé bangsa ra'ica Yahudi.’ ”

Kisah Para Rasul 3:23

Si séi ra'ica luminga si Nabi itu, sia itané oka an uner é tou i Amang Kasuruan wo patén.’

Kisah Para Rasul 6:14

Lininga ami, ipakuana sa si Yesus tou Nazaret itu e tumongkar oka im Balé Le'nas anio' wo rumoba ing kanaramen si aisusuio i Musa indior, si pemaké-makénta akar intarépé'.”

1 Tesalonika 2:16

Séra itu rumaméji mengala-ngala' icami wosama' kami ra'ica toro kumua in taar i Amang Kasuruan a sé tou ra'ica Yahudi, émaan éra sé tou itu ra'ica malowir. Wo in taniitu eng kamesé-meséaan éra mengawe-ngaweso akar ra'io icakua. Wo intarépé' eng kae'bowan i Amang Kasuruan itumenao iséra.

1 Petrus 4:17

Ampa'paan intarépé' an témponao pakasa in tou akimen i Amang Kasuruan wo eng kataré akimen-Na, sé tou-Na in esa. Wo sa kita sé tou-Na eng kataré akimen-Na, tambisa réén e mamuali sa a sé tou sé ra'ica maéman in Abar Kaaruien-Na?