Kisah Para Rasul 13:38 - En Taar Weru a nunuwu' é Tontemboan

³⁸ Anaé é poo-poow, icua ami ai camu sapaoka eng kamesé-meséaan iow ro'na makéré kaampungan ampa'paan si Yesus anio'. Taan sa kita asaloke' kumiit in ukum Torat, kita ra'ica nianggap wutul.

Kisah Para Rasul 13:38 ပူးပေါင်းရင်းမြစ်များ

Matius 1:21

Sia makéré oka esa toyaang tuama wo ngarananmu si toyaang itu ‘Yesus’, ampa'paan Sia oka en lumowir sé tou-Na ang kamesé-meséaan éra.”

Lukas 24:47

Wo aipatic ka'i sapaoka en abar anio' musti sisil angé maké ing kawasa i ngaran-Na a sé pakasa im bangsa tumo'tol an Yerusalem akar am pakasa ing kayo'baan: Si séike' e mape'dis ang kamesé-meséaan ampungan oka i Amang Kasuruan.

Yohanes 1:29

Asi woondona mai sérén i Yohanes si Yesus mai ai sia wo icuana a sé tou, “Sérén, si anioo si Toyaang i Domba i Amang Kasuruan si mai misi ing kamesé-meséaan é tou ang kayo'baan.

Kisah Para Rasul 10:43

Indior, pakasa sé nabi isumangkumo kumua andumoro' Sia. Icua éra sa sé tou maéman ai Sia, makéré oka kaampungan ing kamesé-meséaan ampa'paano i ngaran-Na.”

Kisah Para Rasul 2:14

Wo si Petrus tumulung mewali-wali wo sé sangapulu' esa ruru'du'an walina. Icuana ang karapi in taangko' a sé tou keli itu, “Éi tou Yahudi wo pakasa in tou sé maento' an Yerusalem! Wéannio' rékén sumama-sama' en icuaku ai camu sapa e mamuali am bia'i.

Kisah Para Rasul 2:38

Isowat i Petrus ai séra, “Mape'diso wo terimano em baptisan a ngaran i Yesus Kristus wosama' eng kamesé-meséaan iow ampungan oka. Wo in taniitu teriman oka miow en tatambér-Na, siituo si Roh Le'nas.

Kisah Para Rasul 28:28

Wo icua ka'i i Paulus, “Musti kailekan iow sa en abar andumoro' ing kalowiran itu aicuao a sé tou ra'ica Yahudi wo tantu teriman éra oka, anaé séra tantu lowiren oka.” [

Kisah Para Rasul 4:10

musti kailekan iow im baya wo sé tou Israel, sapaoka si tou anio' imasama' ampa'paan ing kawasa i Yesus Kristus si tou Nazaret si aisalip iow, taan tinou sumawel i Amang Kasuruan an uner é tou imaté. Wo ampa'paano si Yesus ituo, akar si tou anio' imasama' wo ro'na makatulung an dior iow.

Kisah Para Rasul 5:31

Wo angkaien-Na mangé si Yesus ang karapi ing kama kakan-Na an tampa pasiri-siriin, wosama' sé tou Israel ro'na mape'dis wo makéré ing kaampungan ang kamesé-meséaan.

Efesus 1:7

Ampa'paano in enda' i Yesus Kristus wo ampa'paan kita meesao ang karapi-Na, icita tinu'buso, eng kaangéanna kita niampungano ang kamesé-meséaanta. Wo siituo en upus wangko' si aitambér i Amang Kasuruan ai cita.

Efesus 4:32

Taan aweso taré kamu loor en até, meupu-upusan, membém-béan angé ing kaampungan, kaputé i Amang Kasuruan mengawéé ing kaampungan ai camu sé maémano a si Kristus.

Kolose 1:14

Ampa'paano si Toyaang-Na itu akar kita tinu'buso, eng kaangéanna eng kamesé-meséaanta niampungano i Amang Kasuruan.

Ibrani 8:6

Taan intarépé' si Yesus imakéréo tawoien tanu imam si lébé iparayo wo pasiriin wo in tawoien é imam indior. Ampa'paan Sia maali mai im perjanjian si lumoorai wo im perjanjian uré, ampa'paan si Amang Kasuruan ijumanjio andumoro' sé lébé loorai.

Ibrani 9:22

Iciit in ukum Torat, misio pakasa im pakakas le'nasen in enda'. Wo sa ra'ica wana enda' e makatiti-titis, ra'ica wana kaampungan ing kamesé-meséaan é tou.

1 Yohanes 2:12

Aipaticku ai camu, éi toya-toyaang, ampa'paan eng kamesé-meséaan iow niampungano mai ang karapi ingaran i Kristus.