Kisah Para Rasul 13:32 - En Taar Weru a nunuwu' é Tontemboan

³² Wo kami intarépé' makua in Abar Kaaruien andumoro' i Yesus Kristus ai camu, si aijanjio i Amang Kasuruan indior a sé apo-apo'ta.

Kisah Para Rasul 13:32 ပူးပေါင်းရင်းမြစ်များ

Lukas 1:19

Wo isowat i malaékat itu, “Yaku anio' si Gabriel si maselewir si Amang Kasuruan. Sia e rumu'du' mai yaku eng kumua in abar loor anio' ai co.

Lukas 2:10

Taan icua i malaékat itu ai séra, “Tioo maindé'! Ampa'paan aku mai kumua in abar kaaruien wangko' ai camu. En abar anio' méma' oka pakasa in tou masalé-salé'.

Kisah Para Rasul 10:36

Siituo en Taar aicua i Amang Kasuruan a sé tou Israel. Icua-Na en Abar Kaaruien andumoro' si Yesus Kristus si maali mai ing kaeluran ai séra e méma' in ubungan éra wo si Amang Kasuruan maloor. Si Yesus Kristuso si Casuruan é pakasa sé tou.

Kisah Para Rasul 13:23

Wo kiit in janji i Amang Kasuruan, asé taranak i Daud owo aituru'-Nao esa Tou en Lumowir sé tou Israel, Siao si Yesus.

Kisah Para Rasul 13:38

Anaé é poo-poow, icua ami ai camu sapaoka eng kamesé-meséaan iow ro'na makéré kaampungan ampa'paan si Yesus anio'. Taan sa kita asaloke' kumiit in ukum Torat, kita ra'ica nianggap wutul.

Kisah Para Rasul 14:15

“Éi camu im baya, kéitu réén kamu méma' in tana'i? Kami anio' tou kaputé miow. Kami am bia'i eng kumua in Abar Kaaruien andumoro' i Yesus Kristus ai camu, wosama' kamu ro'na tumela'u sé opo-opo' sé ra'ica wana torona wo kamu maémano mangé a si Amang Kasuruan si menonou. Siao si méma' in langit wo ing kayo'baan, ta'sic wo im pakasa sé an untepna.

Kisah Para Rasul 26:6

Intarépé' aku aisaru am pengadilan anio' ampa'paan aku maarap in janji si aiwéé i Amang Kasuruan a sé apo-apo'ta,

Kisah Para Rasul 3:19

Ampa'paano in itu, itela'uo mio' eng kaléwo-léwo'an sé pengaémaan iow wo mape'diso mangé wosama' eng kamesé-meséaan iow ampungan i Amang Kasuruan.

Kisah Para Rasul 5:42

Wo susur in endo séra masusui am Balé Le'nas wo ka'i am balé-walé é tou wo makua in Abar Kaaruien andumoro' i Yesus, Siao si Mesias.

Roma 1:2

En Abar Kaaruien itu aijanjio i Amang Kasuruan indior wo aipatico é nabi-Na ang kitap-kitap Le'nas.

Roma 10:15

Wo tumambisa sé tou mangé kumua in andumoro' Sia, sa ra'ica wana en yutus? Tanu en aipatic ang Kitap Le'nas, “Arui keli sa awéan tou e maai kumua in Abar Kaaruien andumoro' i Yesus Kristus!”

Roma 4:13

Si Amang Kasuruan jumanjio a si Abraham wo a sé tara-taranakna, sapaoka iwéé-Na oka eng kayo'baan anio' mamuali anu éra. Si Amang Kasuruan jumanji tanu siitu ra'ica ampa'paan si Abraham le'tek mengaéma' in ukum Torat, taan ampa'paan sia maéman a si Amang Kasuruan akar sia nianggap-Na wutul.

Roma 9:4

Séra itu sinisiro i Amang Kasuruan wo niangkaio mamuali toyaang-Na in esa wo tumerimao ka'i i rarayo wo in sisiri'-Na. Séra jinanjian i Amang Kasuruan ing kamangen, wo winéan-Nao ukum Torat. Wo aicuao i Amang Kasuruan ai séra tumambisa maapo' ai Sia, wo ka'i séra winéan-Nao in janji-janji.