Kisah Para Rasul 13:25 - En Taar Weru a nunuwu' é Tontemboan

²⁵ An tutuw en tawoien i Yohanes tawio malekep wo icuana, ‘Sa ciit icamu, si séi réén aku anio'? Ra'ica yaku si Tou si paento-entoon iow. Taan, sérén oka miow! Kekawus yaku, maai oka esa Tou. E muka'ke' in tali in sapatu-Na, yaku ra'ica patus.’

Kisah Para Rasul 13:25 ပူးပေါင်းရင်းမြစ်များ

Matius 3:11

Baptisenku kamu ang karapi in dano, tanu tuus mape'diso ang kamesé-meséaan. Taan kekawus yaku, awéan si esa tou e maai, eng kawasa-Na lumébé mai wo yaku akar maalike' in sapatu-Na aku ra'ica patus. Baptisen-Na oka kamu ang karapi i Roh Le'nas wo in api.

Markus 1:7

Wo ipakua-Na in tana'i, “Kekawus yaku, maai oka ka'i si esa tou eng kawasa-Na lumébémai wo yaku. Kumuru wo muka'ke' in tali sapatu-Na, yaku ra'ica patus.

Yohanes 1:29

Asi woondona mai sérén i Yohanes si Yesus mai ai sia wo icuana a sé tou, “Sérén, si anioo si Toyaang i Domba i Amang Kasuruan si mai misi ing kamesé-meséaan é tou ang kayo'baan.

Yohanes 1:34

Sinérékuo in esa, anaé yaku méé ing kasairian sapaoka Siao si Toyaang i Amang Kasuruan.”

Yohanes 1:36

An tutuwna suméré si Yesus lumangkoi, icuana, “Sérén, Siao si Toyaang i Domba i Amang Kasuruan!”

Yohanes 4:34

Icua i Yesus ai séra, “Eng kakanen-Ku mengaéma' ing kasalé'an i Amang Kasuruan si mutusai Aku wo lumekep in tawoien si aiwéé-Na a Yaku.

Yohanes 7:18

Si tou makua mapakéke' im bewerotna in esa, sia maéré-éréke' ing kasiri'an in owakna in esa. Taan si tou si mengaéré ing kasiri'an torona Sia si mutusai si tou itu, tantu sia makua im butul wo ra'ica mengatowo.

Kisah Para Rasul 13:36

E nunuwu' itu ra'ica andumoro' i Daud, ampa'paan kekawus sia sumelewir si Amang Kasuruan ang katouanna sia maté, wo aicubur an duru é apo-apo'na, wo e mayatna mawuruk.

Kisah Para Rasul 19:4

Wo icua i Paulus ai séra, “Em baptisan i Yohanes itu mamuali tuus sapaoka sé tou imape'diso. En aicua ka'i i Yohanes a sé tou itu sapaoka kekawusna, awéan oka ka'i esa Tou e maai wo séra musti maéman ai Sia, Siao si Yesus.”

Kisah Para Rasul 20:24

Taan ra'io pandungenku eng katouanku, asalo ro'na lekepenku en tawoien si aiwéé i Apo' Yesus a yaku eng kumua in Abar Kaaruien andumoro' in upus aitambér i Amang Kasuruan a sé cita in tou.

2 Korintus 4:5

En Abar si pakua ami ra'ica andumoro' in owak ami in esa. En Abar itu andumoro' i Yesus Kristus si Apo' é pakasa in tou. Wo icami asaloke' imamuali tanu ata en sumelewir icamu kumiit ing kasalé'an i Yesus.

2 Timotius 4:7

Niéma'kuo en tawoienku ang karapi in sama' akar i malekep, kaputé wo si tou repet em pakatéron kumiit mekowa' tuméron akar in sumiwak. Wo aku kasake' le'tek maéman a si Casuruan.

Wahyu 11:7

Sa séra icumawuso méé ing kasairian, kumesoto mai ang kepal im papaté si binatang luméwo-léwo'. Sia mai oka sumerang iséra, kumala wo maté iséra.