Kisah Para Rasul 13:16 - En Taar Weru a nunuwu' é Tontemboan

¹⁶ Kelinga in itu, si Paulus tumulung wo suméin ing kamana a sé tou am bitu, icuana, “Poo-poow tou Israel wo sé tou ra'ica Yahudi sé mengaapo' a si Amang Kasuruan, linganai en icuaku!

Kisah Para Rasul 13:16 ပူးပေါင်းရင်းမြစ်များ

Matius 11:15

Si séi si makalunteng, aweso taré sia luminga sumama-sama'!

Lukas 1:22

An tutuw i Zakharia kumesoto mai, sia ra'io icaroma' ai séra. Wo sia méé tuus ai séra maké ing kamana ampa'paan sia imawowoo. Keséré in itu, kakailekano éra sapaoka si Amang Kasuruan imapaturu'o ai sia an untep ing Kamar Le'nas.

Lukas 1:50

Wo si Amang Kasuruan ra'ica mento' menuru-nuru' ing kaupusan-Na a sé apo-apo' wo a sé toyaang akar a sé poyo' sé mengakuru mengasiri' Sia.

Lukas 23:40

Taan sia rinomaan i esa tou léwo' walina, icuana, “Ra'ica réén maindé' ko a si Amang Kasuruan? Ico ka'i mewali-wali makéré in ukuman tanu Sia.

Kisah Para Rasul 10:2

Sia le'tek mengakiit ing kasalé'an i Amang Kasuruan. Sia wo sé pamaléna maapo' a si Amang Kasuruan. Sia mengatawang sé tou Yahudi lengéi wo ka'i sia tatap menomba-nombayang a si Amang Kasuruan.

Kisah Para Rasul 10:35

Teriman-Na waya sé tou am pakasa im bangsa sé maapo' ai Sia wo sé mengaéma' im butul.

Kisah Para Rasul 12:17

Taan séinan i Petrus ing kama wosama' séra menes. Kumawus in itu isisilna ai séra tambisa si Casuruan makawali sia kumesot am bui. Wo icuana ai séra, “Icuao mangé pakasa en anio' a si Yakobus wo a sé poo-poowta walina sé maémano.” Wo sia kumesot am bitu wo mangé an tampa walina.

Kisah Para Rasul 13:26

Poo-poowku sé icauntep an taranak i Abraham wo ka'i sé tou ra'ica Yahudi sé maapo' a si Amang Kasuruan! En abar ing kalowiran itu aicuao ai cita im baya.

Kisah Para Rasul 13:46

Taan ang karapi in da'ica wana kaindé'an, icua i Paulus wo si Barnabas, “Mémang wutul, en Taar i Amang Kasuruan itu musti icuao owo ai camu. Taan ra'ica kiim iow mercaya, kamu mawerot en owak iow ra'ica patus makéré ing katouan akar ing kauré-uré. Ampa'paano in itu, kamu itela'u ami wo kami maangé a sé tou ra'ica Yahudi eng kumua in taar i Casuruan itu.

Kisah Para Rasul 19:33

Wo am bitu awéan esa tou makangaran Aleksander. Ruké é tou Yahudi sia an dior é tou keli ampa'paan icasalé' éra sia en tumerangkan sapaoka si méma' im perkara anio' ra'ica tou Yahudi. Wo si Aleksander masalé' méla in owak an dior é tou keli, anaé sia mangkai ing kama en suméin wosama' sé tou menes.

Kisah Para Rasul 2:14

Wo si Petrus tumulung mewali-wali wo sé sangapulu' esa ruru'du'an walina. Icuana ang karapi in taangko' a sé tou keli itu, “Éi tou Yahudi wo pakasa in tou sé maento' an Yerusalem! Wéannio' rékén sumama-sama' en icuaku ai camu sapa e mamuali am bia'i.

Kisah Para Rasul 2:22

Éi tou Israel, linganai sumama-sama' en cuaku anio'! Si Yesus tou Nazaret itu ayutuso mai i Amang Kasuruan. Wo kailekanta sapaoka si Amang Kasuruan maké Sia en tumuru' ing kawasa wo ing kakaya'kaan-kakaya'kaan wo tuu-tuus sé ra'io icakua sé mamuali an uner iow.

Kisah Para Rasul 21:40

Wo wéanna kaloasan a si Paulus e rumoma'. Si Paulus mangé tumulung an daran wo suméin ing kama a sé tou keli itu. An tutuw é tou imeneso, sia tumo'tolo rumoma' ai séra maké i nunuwu' é Ibrani, icuana:

Kisah Para Rasul 22:22

An tutuw lingan é tou Yahudi sa si Amang Kasuruan irumu'du'o si Paulus mangé a sé tou ra'ica Yahudi, sé tou itu tumo'tolo maangko', “Si tou anio' ra'ica patus menonou. Paténo sia!”

Kisah Para Rasul 3:12

Keséré i Petrus sé tou keli itu wo icuana ai séra, “É tou Israel, kéitu réén kamu mangaya-ngaya'ka' andumoro' ing kamamualian itu? Wo kéitu réén kamu menéinte-néinteng in taniitu ai cami? Paweroten iow réén si tou anio' ro'na maya' ampa'paan ing kawasa ami in esa kuma'pa ampa'paan ing kale'tekkan ami a si Amang Kasuruan?

Wahyu 2:11

Si séike' si makalunteng, aweso taré linganna sapa sé aicua i Roh a sé jamaat. Si séi si muntung ra'ica kawisa mawendu in sapa-sapa ampa'paano im papaté karua.”

Wahyu 2:17

Si séi si makalunteng, aweso taré sia luminga sapa en aicua i Roh a sé jamaat: Si séi si muntung, sia wéan-Ku oka kakanen manna si pakaenepé', wo wéan-Ku oka ka'i sia watu kulo' si pinatican i ngaran weru. E ngaran weru itu ra'ica wana e makailek, wayake' si tumerima.”

Wahyu 2:29

Si séi e makalunteng, aweso taré li- nganna sapa en aicua i Roh a sé jamaat.”

Wahyu 2:7

Si séi si makalunteng, lébé loor sia luminga sapa en aicua i Roh a sé jamaat. Si séi si muntung wéan-Ku oka sia kaloasan eng kuman im bua'na in tuura ing katouan si an untep in Taman Firdaus i Amang Kasuruan.”