Kisah Para Rasul 13:13 - En Taar Weru a nunuwu' é Tontemboan

¹³ Wo itela'u i Paulus em Pafos am pulou Siprus, sia wo sé kara-karapina suméngkot angé am Perga an sangkum im Pamfilia. Taan tela'u i Yohanes séra wo sia maréng angé an Yerusalem.

Kisah Para Rasul 13:13 ပူးပေါင်းရင်းမြစ်များ

Kisah Para Rasul 12:12

Kekawusna memero-merot toyo', wo sia mangé am balé i Maria inang i Yohanes. Si Yohanes itu pengatuulen ka'i Markus. Am bitu kelian tou imali'us wo masombayang.

Kisah Para Rasul 15:36

An tutuw i Paulus wo si Barnabas uréo toyo' an Antiokhia, icua i Paulus a si Barnabas, “Mayoo, kita maréng sumawel a sé poo-poowta ang kota-kota si sumangkumo kinuananta in taar i Casuruan en suméré ing kaberadaan éra.”

Kisah Para Rasul 15:38

Taan sia rinomaanke' i Paulus sapaoka, ra'ica loor e maali si tou si sumangkumo tumela'u iséra am Pamfilia wo ra'ica kiim tumawoi mewali-wali wo iséra.

Kisah Para Rasul 2:10

Frigia wo Pamfilia, Mesir wo sé an sangku-sangkum in Libia si mentawian wo eng Kirene, sé tou imanangkéi a Roma,

Kisah Para Rasul 27:13

Asi témpo itu, en deges a mékona owo ra'ica talos repet. Anaé, paweroten é tou ing kapal sa séra suméngkot maangé ang kota Feniks ra'ica sapa-sapa. Ampa'paan in ituo angkaien éra en jangkar wo suméngkot angé kumiit in tembir in ta'sic im pulou Kreta.

Kisah Para Rasul 27:5

An Siprus, kami suméngkot lumewet in ta'sic wangker si an dior ing Kilikia wo Pamfilia. Wo kami icateka' a Mira an sangkum in Likia.

Kolose 4:10

Si Aristarkhus, si binui mewali-wali wo yaku méé ka'i mai in siri' ai camu taniitu ka'i si Markus, si toyaang metuari wo si Barnabas. Andumoro' si Markus anio' sumangkumo aicuaku ai camu sapaoka sa sia maai, terimano mangé sia ang karapi in sama'.

2 Timotius 4:11

Wo si makaento' ang karapiku am bia'i waya oka si Lukas. Ampa'paan in ituo mangéo pangérénmu si Markus wo kamu in dua mewali-walio mai am bia'i. Ampa'paan si Markus ro'na sumémbong méma' in tawoienku am bia'i.