Kisah Para Rasul 13:12 - En Taar Weru a nunuwu' é Tontemboan

¹² An tutuw i gubernur suméré sapa e mamuali, sia ka'i mapercaya a si Yesus. Wo sia mangaya-ngaya'ka' in sususuien andumoro' i Apo' Yesus.

Kisah Para Rasul 13:12 ပူးပေါင်းရင်းမြစ်များ

Matius 27:54

Si kikiiten é suraro wo sé surarona sé makatéir si Yesus, séra maindé' keli an tutuw i makaséré im pangéro' repet wo pakasa sé mamuali. Wo icua éra, “Si Tou anio', uli-ulit Toyaang i Amang Kasuruan!”

Lukas 4:22

Wo pakasa sé tou itu kumua, pakasa sé aicua-Na itu wutul wo séra mangaya-ngaya'ka' ampa'paan pakasa sé nunuwu' airoma'-Na itu kaaruien oka mai. Kumawus in itu séra mengkuanan, “Ra'ica réén Sia itu Toyaang i Yusuf?”

Lukas 7:16

Pakasa sé tou am bitu maindé' wo séra rumayo wo sumiri' si Amang Kasuruan. Icua éra, “Si esa nabi wangko' an unertao! Si Amang Kasuruan imayo en lumowir sé tou-Na!”

Yohanes 7:46

Wo isowat é mengatéir im Balé Le'nas itu, “Ra'ipé' wana tou en sinéré ami mai menganuwu' kaputé Sia!”

Kisah Para Rasul 13:48

Kelinga in itu, pakasa é tou sé ra'ica Yahudi arui keli wo rumayo sumiri' in Taar i Casuruan itu. Wo sé tou sinisiro i Amang Kasuruan makéré oka ing katouan akar ing kauré-uré, séra itu mamuali maéman.

Kisah Para Rasul 13:49

Asi témpo itu, en Taar i Casuruan icaserar am pakasa in tampa an sangkum itu.

Kisah Para Rasul 13:7

Sia mekarapi wo si gubernur am pulou itu, si makangaran Sergius Paulus. Si gubernur itu pandéi keli. Towanna si Barnabas wo si Saulus ampa'paan icasalé'na luminga in taar i Amang Kasuruan.

Kisah Para Rasul 13:8

Taan si Barnabas wo si Saulus sinundurke' i masihir itu si a nunuwu' é Yunani pengatuulen Elimas. Raméjinna wosama' si gubernur ra'ica maéman a si Yesus.

Kisah Para Rasul 15:35

Si Paulus wo si Barnabas ka'i imento' uré toyo' an Antiokhia. Séra in dua wo sé tou walina masusui wo mengakua in Taar i Amang Kasuruan am bitu.

Kisah Para Rasul 15:36

An tutuw i Paulus wo si Barnabas uréo toyo' an Antiokhia, icua i Paulus a si Barnabas, “Mayoo, kita maréng sumawel a sé poo-poowta ang kota-kota si sumangkumo kinuananta in taar i Casuruan en suméré ing kaberadaan éra.”

Kisah Para Rasul 18:12

Taan an tutuw i Galio mamualio gubernur an Akhaya sé tou Yahudi meesa até en tumangka' si Paulus. Kumawus in itu sia paalin éra am pengadilan.

Kisah Para Rasul 19:10

En itu niéma'na akar in dua ngata'un, akar pakasa sé tou maento' an Asia luminga in Abar Kaaruien andumoro' i Yesus Kristus. Sé iluminga in itu, tou Yahudi wo tou ra'ica Yahudi.

Kisah Para Rasul 19:20

Ang karapi i méma' in taniitu, en taar i Casuruan makaseraro am bisa-wisa wo makakelio ka'i sé tou maéman.

Kisah Para Rasul 19:38

Anaé, sa si Demetrius wo sé mengatawoi ai sia awéan ipatudu a si séike' mangé, lébé loor paalin éra en itu am pangadilan kuma'pa a si gubernur. A mangé mbitu ro'na icua éra em ipatudu itu.

Kisah Para Rasul 19:7

Séra im baya, awéan wona' sangapulu' rua tou.

Kisah Para Rasul 28:7

Ra'ica tayang asi tampa itu, awéan esa tana' anu i gubernur Publius si makakawasa im pulou itu. Sungkulenna kami wo selewirenna kami ang karapi in sama', eng kauréna telu ngando.

Kisah Para Rasul 6:10

Taan émaan i Roh Le'nas si Stefanus pinter keli maroma' akar ra'ica kawooan éra en sumundur sia.

Kisah Para Rasul 8:25

Kekawus i Petrus wo si Yohanes masairi wo makua in Taar i Amang Kasuruan a sé tou, wo séra maréng sumawel an Yerusalem. Am bawayaan, séra mengua-ngua in Abar Kaaruien andumoro' i Yesus an doo-roong walina an Samaria.