Kisah Para Rasul 13:1 - En Taar Weru a nunuwu' é Tontemboan

¹ An jamaat Antiokhia, awéan piraan nabi wo awéan ka'i sé masusui in Taar i Amang Kasuruan. Séra itu si Barnabas, si Simeon si pengatuulen Wuring, si Lukius si tou Kirene, Menahem si pinewangko' mewali-wali wo si colano Herodes, wo ka'i si Saulus.

Kisah Para Rasul 13:1 ပူးပေါင်းရင်းမြစ်များ

Matius 27:32

An tutuw éra imawaya' kumesot in Yerusalem, ipesungkul éra si esa tou Kirene makangaran Simon. Wo leséén é suraro sia muléng in salip i Yesus.

Lukas 3:1

Muntep asi ta'un sangapulu' lima si Kaisar Tiberius makatimboi ing kakawasaan ang kakolanoan Romawi, si Pontius Pilatus mamuali gubernur an Yudea wo si Herodes makatimboi ing kakawasaan ang Galilea. Wo si Filipus tuari toloateken i Herodes, makatimboi ing kakawasaan an Iturea wo an Trakhonitis. Si Lisanias makatimboi ing kakawasaan an Abilene,

Kisah Para Rasul 11:30

Kumawusai séra sumuun roit, wo ru'du' éra si Barnabas wo si Saulus e maali in doit itu a sé penatua an Yudea.

Kisah Para Rasul 12:25

An tutuw i Barnabas wo si Saulus sumarakano in doit ipatawang an Yerusalem wo séra maréng sumawel an Antiokhia. Awéan esa tou si kumiit mewali-wali mai wo iséra an Yerusalem owo. Si tou itu makangaran Yohanes, si pengatuulen ka'i i Markus.

Kisah Para Rasul 13:9

Taan si Saulus si pengatuulen ka'i Paulus, kinawasa i Roh Le'nas. Téintengenna si masihir itu,

Kisah Para Rasul 15:32

Si Yudas wo si Silas itu nabi, niéma' éra sé tou maéman an Antiokhia maibor wo ka'i kumeter in até éra.

Kisah Para Rasul 15:35

Si Paulus wo si Barnabas ka'i imento' uré toyo' an Antiokhia. Séra in dua wo sé tou walina masusui wo mengakua in Taar i Amang Kasuruan am bitu.

Kisah Para Rasul 19:6

Wo an tutuw i Paulus maro ing kama an dangka' in do'kos éra, e Roh Le'nas tumumpa mai ai séra. Wo séra tumo'tolo maroma' a nunuwu' i roh wo ipakua éra en taar i Amang Kasuruan a sé tou am bitu.

Kisah Para Rasul 21:9

Sia makatoyaang epat mangala'un. Sé toyaangna itu tinambéranai kamang i Amang Kasuruan e mengakua i nunuwu'-Na.

Kisah Para Rasul 4:36

Taniitu ka'i si Yusuf taranak i Lewi si tumou an Siprus. Sia pengatowan é ruru'du'an ‘Barnabas’, eng kaangéanna ‘tou mengawéé ing kaketeran a sé tou walina’.

Kisah Para Rasul 9:1

Asi témpo itu ka'i, si Saulus maaté-atépé' in léwo' e me'teng wo maté pakasa sé murit i Apo' Yesus. Sia mangé meta'up wo si imam wangko',

Roma 16:21

Si Timotius katawoiku am bia'i méé ka'i mai in siri' ai camu. Taniitu ka'i sé kakéléku tou Yahudi si Lukius, Yason wo si Sosipater méé ka'i mai in siri' ai camu.

1 Korintus 11:4

Sa si esa tuama masombayang kuma'pa makua in taar i Amang Kasuruan an dior é tou keli wo makungkung in do'kos, sia suméroo si Kristus si capalana.

1 Korintus 13:2

Mandé ka'i aku tinambéranai ing kamang eng kumua in taar i Amang Kasuruan, makailek im pakasa sé paene-enep, makaanuo waya ing kakailekan, wo makaanu im paémanen lumeke-lekep e ro'na méra ing kuntung, taan sa aku ra'ica mengaupus sé tou walina, yaku uli-ulit ra'ica wana torona.

1 Korintus 13:8

En upus itu awéan akar ing kauré-uré. Taan eng kamang tatambér e makua in taar i Amang Kasuruan icatala oka. Wo eng kamang tatambér maroma' i nunuwu' i roh catala oka. Wo sé kakailekan catala oka.

1 Korintus 14:29

Taniitu ka'i wo sé nabi, lébé loor wayake' in dua kuma'pa telu tou ai séra eng kumua in taar i Amang Kasuruan wo sé tou walina oka manilai sapa em ipakua éra itu.

1 Korintus 14:32

Sé tou winéanai kamang tatambér mamuali nabi, séra ro'na kumawasa in owak wo kumawasa sé iparoma' éra.

1 Korintus 9:6

Kuma'pa wayake' réén yaku wo si Barnabas e musti mangéré sé paperlun ami susur in endo?

Galatia 2:13

Sé tou Yahudi walina an Antiokhia, tutuw éra suméré sé tou Yahudi mai an Yerusalem owo, séra ka'i kumiit ing kapunekan i Kefas, séra ra'io kiim ka'i kuman mewali-wali wo sé tou ra'ica Yahudi itu. Taniitu ka'i wo si Barnabas kinatawéran éra wo mekiit ing kapunekan éra.

Galatia 2:9

Si Yakobus, si Kefas, si Yohanes sé nianggap kikiiten kumataré-taré an jamaat an Yerusalem, an tutuw éra isuméré in upus aitambér i Amang Kasuruan a yaku, séra membéan ing kama a yaku wo si Barnabas tanu tuus séra imeesao wo icami. Wo séra wo icami mengkakiitano sapaoka kami melala'us tumawoi torona é tou ra'- ica Yahudi wo séra in telu kasake' tumawoi torona é tou Yahudi.

Efesus 4:11

Wo Siao en tumambérai ing kamang a sé tou. Awéan tou sé aitantu-Na mamuali ruru'du'an, mamuali nabi, mamuali tou mengakua in Abar Kaaruien andumoro' i Yesus Kristus, mamuali gembala é jamaat wo ka'i guru.

Filipi 4:22

Pakasa in tou le'nas am bia'i, lébé-lébé ka'i séra sé an istana i Kaisar méé mai in siri' ai camu.

1 Tesalonika 5:20

Wo tioo pengaepesen iow im beren e nunuwu' i Casuruan sé aicuao é nabi ai camu.