Kisah Para Rasul 12:9 - En Taar Weru a nunuwu' é Tontemboan

⁹ Wo si Petrus kumiit si malaékat eng kumesot am bui. Asi témpo itu, pawerotenna en itu asalo aipapaturu' wo ra'ica kailekanna sa si malaékat itu uli-ulit makawali sia kumesot am bui.

Kisah Para Rasul 12:9 ပူးပေါင်းရင်းမြစ်များ

Yohanes 2:5

Taan icua i inang-Na a sé tou sé mengaselewir am pésta itu, “Émaano mangé sapa si aicua i Yesus ai camu.”

Kisah Para Rasul 10:17

Wo pemero-meroten i Petrus an untep in aténa sapa eng kaangéan in andumoro' im pinapaturu'an sé sinéréna itu. Ang karoro'an in itu, sé tou airu'du' i Kornelius aicateka'o am balé pakaloséran i Petrus, wo makatulungo an dior im papalen.

Kisah Para Rasul 10:3

Asi makasa, wona' jam tiga im bawaando an oras i masombayang, si Kornelius pinapaturu'an am baléna. Asi témpo itu, kaséréanna wutul si esa malaékat i Amang Kasuruan imai ai sia wo tumowa, “Kornelius!”

Kisah Para Rasul 11:5

“Asi sangando ang kota Yope, an tutuwku masombayang, tumarépé'anke'mai aku pinapaturu'an i Amang Kasuruan. Kaséréanku awéan tanu esa kaéng welar itumumpamai an langit owo, epat ruuna ing kaéng itu wina'kes in tali wo makawérén akar an diorku.

Kisah Para Rasul 12:8

Wo icua i malaékat ai sia, “Pakéno eng karai wo en sapatumu!” Wo émaan i Petrus tanu in aicua i malaékat. Kumawus in itu, icua ka'i i malaékat itu ai sia, “Pakéno en jubamu wo kumiito mai yaku!”

Kisah Para Rasul 26:19

Kolano Agripa si pasiri-sirinku, an tutuw-Na imapaturu' in owak-Na a yaku, yaku tatap le'tek mengaéma' im perénta si aiwéé i Apo' Yesus.

Kisah Para Rasul 9:10

An Damsyik awéan si esa tou si mercaya in sususuien i Yesus, sia makangaran Ananias. Si Casuruan mapaturu' ai sia wo numuwu', “Ananias!” Wo isowatna, “Én, yaku en anio' é Tuang!”

Ibrani 11:8

Ampa'paan si Abraham awéan paémanen, kiniitanna si Amang Kasuruan an tutuw sia tinowa wo airu'du' mangé asi esa tampa si mamuali oka bagéanna. Wo sia mangé mandé ra'ica kailekanna am bisa en tampa angéanna.