Kisah Para Rasul 12:8 - En Taar Weru a nunuwu' é Tontemboan

⁸ Wo icua i malaékat ai sia, “Pakéno eng karai wo en sapatumu!” Wo émaan i Petrus tanu in aicua i malaékat. Kumawus in itu, icua ka'i i malaékat itu ai sia, “Pakéno en jubamu wo kumiito mai yaku!”

Kisah Para Rasul 12:8 ပူးပေါင်းရင်းမြစ်များ

Matius 3:11

Baptisenku kamu ang karapi in dano, tanu tuus mape'diso ang kamesé-meséaan. Taan kekawus yaku, awéan si esa tou e maai, eng kawasa-Na lumébé mai wo yaku akar maalike' in sapatu-Na aku ra'ica patus. Baptisen-Na oka kamu ang karapi i Roh Le'nas wo in api.

Markus 6:9

Séra ro'na maké in selop, taan tioo ka'i maali karai ipasawel.

Lukas 12:37

Pakakamangen sé ata sa kaumaan i tuang éra ang karoro'an i mengento-ngento' sia an tutuw sia i maréngai. En ulitna icua-Ku mangé ai camu, si tuang itu tu'tulo en sumelewir sé atana itu, wo iru'du'na séra lumukut wo wéanna kanen.

Kisah Para Rasul 12:7

Tumarépé'anke'mai si malaékat i Casuruan tumulung an duru i Petrus, wo an untep im bui itu masendot keli. Wo éroon i malaékat itu si Petrus e molo sia, icua i malaékat, “Petrus, tumooro!” Wo e ranté aipakawa'kes ing kama i Petrus makala'us mawuka'.

Kisah Para Rasul 12:9

Wo si Petrus kumiit si malaékat eng kumesot am bui. Asi témpo itu, pawerotenna en itu asalo aipapaturu' wo ra'ica kailekanna sa si malaékat itu uli-ulit makawali sia kumesot am bui.

Kisah Para Rasul 27:23

Ampa'paan, kawengi si Amang Kasuruan si paapo'anku wo si makaanu yaku, rumu'du' mai si malaékat-Na mai tumulung an duruku.

Kisah Para Rasul 8:26

Asi makasa, si esa malaékat i Amang Kasuruan rumu'du' si Filipus, “Maya'o méko. Kumiito in lalan an Yerusalem owo maperos éko ang Gaza.” Si lalan itu lulu in tou.