Kisah Para Rasul 12:7 - En Taar Weru a nunuwu' é Tontemboan

⁷ Tumarépé'anke'mai si malaékat i Casuruan tumulung an duru i Petrus, wo an untep im bui itu masendot keli. Wo éroon i malaékat itu si Petrus e molo sia, icua i malaékat, “Petrus, tumooro!” Wo e ranté aipakawa'kes ing kama i Petrus makala'us mawuka'.

Kisah Para Rasul 12:7 ပူးပေါင်းရင်းမြစ်များ

Matius 2:13

Kewaréng angé é tou majus itu, mapaturu' mai si malaékat i Amang Kasuruan am pangipi i Yusuf wo kumua, “Tumooro, indono si Toyaang itu ang karapi i inang-Na, sumingkiro mangé a Mesir wo mentoo a mangé mbitu akar Aku numuwu' ka'i ai co. Ampa'paan pangérén oka i Herodes si Toyaang itu e maté Sia.”

Lukas 2:9

Tumarépé'anke' mapaturu'o mai ai séra si esa malaékat i Amang Kasuruan. Wo en sendot i Amang Kasuruan tumélang iséra, akar séra uli-ulit maindé'.

Lukas 24:4

Ang karoro'an éra i makatulung, séra tanuoka taré tou bingo ampa'paan memero-merot ing kinamamualian itu wo tumarépé'anke' mapaturu'o mai rua tou mekarai ing kulo' menéla-nélap, makatulung an duru éra.

Kisah Para Rasul 10:30

Wo isowat i Kornelius, “Asi epat ngando ilumangkoi, wona' asi jam tiga im bawaando tanu si oras anio', yaku masombayang am balé. Tumarépé'anke'mai awéan esa tou makatulung an diorku, eng karaina menéla-nélap.

Kisah Para Rasul 12:23

Asi témpo ituke' si Herodes sepéén i malaékat i Casuruan ampa'paan sia ra'ica rumayo si Amang Kasuruan. Wo en owakna kanen é uler akar i maté.

Kisah Para Rasul 12:6

Asi sanga wengi, an tutuw ra'ipé' niakim i Herodes si Petrus an dior é tou keli, si Petrus tumekel an uner é rua suraro wo eng kamana wina'kes in dua ranté mewali-wali wo iséra. Awéan ka'i suraro makatéir an dior im papalen im bui.

Kisah Para Rasul 12:8

Wo icua i malaékat ai sia, “Pakéno eng karai wo en sapatumu!” Wo émaan i Petrus tanu in aicua i malaékat. Kumawus in itu, icua ka'i i malaékat itu ai sia, “Pakéno en jubamu wo kumiito mai yaku!”

Kisah Para Rasul 16:26

Tumarépé'anke'mai en tana' mangéro' repet akar en tinuliran im bui mekiito maéro'. Asi témpo itu ka'i pakasa em papalen imawuka' wo ka'i pakasa en ranté aiwa'kes a sé tou am bui mawuka'.

Kisah Para Rasul 2:24

Taan Sia tinou sumawel i Amang Kasuruan wo iwekar-Na asi kawenduan im papaté ampa'paan em papaté ra'ica makawoo kumawasa Sia.

Kisah Para Rasul 5:19

Taan asi wengi ituke', si malaékat i Casuruan mai muka' im papalen-papalen im bui wo makawali iséra kumesot. Wo icua i malaékat itu,

Kisah Para Rasul 9:3

Am bawayaanna maangé an Damsyik tutuwna matawio mangé ing kota itu, tumarépé'anke'mai awéan sendot tumélangai an langit wo lumi'cir sia.

Efesus 5:14

Ampa'paan in ituo awéan en aipatic in tana'i, “Éi camu sé makatekelé', tumooro, wo tumouo mai sumawel am papaté wo si Kristus tumélang oka mai camu.”

Ibrani 1:14

Sa taniitu, si séi réén sé malaékat itu? Séra sé roh mengaéma' sapa sé airu'du' i Amang Kasuruan, sé ayutus-Na en tumawang sé tou sé makéré oka ing kalowiran.

Wahyu 18:1

Kekawus in itu, kaséréanku awéan esa malaékat walina itumumpa mai an sorga owo. Sia makaanu ing kawasa wangko' akar eng kayo'baan imasendot ampa'paano i rarayo wo in sisiri'na.