Kisah Para Rasul 12:3 - En Taar Weru a nunuwu' é Tontemboan

³ An tutuw kinailekan i Herodes sa si niéma'na itu méma' in até é tou Yahudi arui wo iru'du'na ka'i si Petrus tangkaan. Asi témpo itu endo wangko' Roti Ra'ica Rinagian.

Kisah Para Rasul 12:3 ပူးပေါင်းရင်းမြစ်များ

Matius 26:17

Asi endo kataré in endo wangko' Roti Ra'ica Rinagian, sé murit i Yesus mai ai Sia wo mamuéi, “Guru, am bisa réén en icasalé' i Guru tu'tulan ami ing kakanen Paska torona i Guru?”

Yohanes 12:43

Ampa'paan si lébé icasalé' éra, irayo é tou wotaré irayo i Amang Kasuruan.

Yohanes 19:11

Isowat i Yesus, “Ico ra'ica makaanu kawasa sapa-sapa a Yaku sa eng kawasa itu ra'ica aiwéé mai ai co an dangka' owo. Ampa'paan in itu si tou sumarakan Yaku ai co, eng kamesé-meséaanna lébé uter wo eng kamesé-meséaanmu.”

Yohanes 21:18

En ulitna icua-Ku mangé ai co, an tutuw ko wo'basé', ico in esa mengawa'kes im pinggangmu wo ico mawaya' am bisake' si casalé'mu. Taan sa ko matu'ao, wéému oka eng kamamu wa'kesen é tou walina wo iwali éra oka an tampa si ra'ica icasalé'mu.”

Kisah Para Rasul 12:4

Kekawus ako si Petrus tinangka', sia iru'du' i Herodes en yuntep am bui. Wo iru'du'na ka'i epat regu suraro mensan-sawelan tuméir si Petrus. Esa regu epat suraro. Si Petrus yuntepna am bui wosama' sa icumawuso en endo wangko' Paska, akimenna si Petrus an dior é tou keli.

Kisah Para Rasul 2:14

Wo si Petrus tumulung mewali-wali wo sé sangapulu' esa ruru'du'an walina. Icuana ang karapi in taangko' a sé tou keli itu, “Éi tou Yahudi wo pakasa in tou sé maento' an Yerusalem! Wéannio' rékén sumama-sama' en icuaku ai camu sapa e mamuali am bia'i.

Kisah Para Rasul 20:6

Kekawus in endo wangko' Roti Ra'ica Rinagian, kami tumela'u in Filipi wo suméngkot angé an Troas. Lima ngando eng kauréna em bawayaan ami wo kami meta'up wo iséra sé rumioro itu wo kami mento' pitu ngando eng kauréna.

Kisah Para Rasul 24:27

Lumangkoio rua ngata'un, si gubernur Feliks sawelan i Perkius Festus. Taan ampa'paan si gubernur Feliks meindo-indo in até a sé tou Yahudi wo iwayana si Paulus tangen i Perkius am bui.

Kisah Para Rasul 25:9

Taan ampa'paan si Gubernur Festus meindo-indo in até é tou Yahudi, wuéienna a si Paulus, “Paulus, masalé' réén ko maangé an Yerusalem wosama' aku ro'na sumidang im perkaramu a mangé mbitu?”

Kisah Para Rasul 4:13

Wo sé tou isumidang im perkara itu mangaya'ka' an tutuw suméré si Petrus wo si Yohanes brani keli, ampa'paan kailekan éra sapaoka sé rua tou itu tou biasa wo ra'ica sumicola, wo kailekan éra sé rua tou itu makiit si Yesus.

Galatia 1:10

Tioo mengawerot sa aku rumaméji marui in até é tou. Yaku rumaméji marui in até i Amang Kasuruan. Sa aku asaloke' rumaméji marui in até é tou, yaku anio' ra'ica ata i Kristus.

1 Tesalonika 2:4

Kami tinokéano i Amang Kasuruan eng kumua in Abar Kaaruien andumoro' i Yesus Kristus, ampa'paan kami nianggap-Na patus eng kumua in itu. Ampa'paan in ituo ipakua-kua ami en Abar Kaaruien itu ra'ica asaloke' mengaarui in até é tou taan mengaarui in até i Amang Kasuruan si mengauji in atéta.