Kisah Para Rasul 12:25 - En Taar Weru a nunuwu' é Tontemboan

²⁵ An tutuw i Barnabas wo si Saulus sumarakano in doit ipatawang an Yerusalem wo séra maréng sumawel an Antiokhia. Awéan esa tou si kumiit mewali-wali mai wo iséra an Yerusalem owo. Si tou itu makangaran Yohanes, si pengatuulen ka'i i Markus.

Kisah Para Rasul 12:25 ပူးပေါင်းရင်းမြစ်များ

Kisah Para Rasul 12:12

Kekawusna memero-merot toyo', wo sia mangé am balé i Maria inang i Yohanes. Si Yohanes itu pengatuulen ka'i Markus. Am bitu kelian tou imali'us wo masombayang.

Kisah Para Rasul 15:35

Si Paulus wo si Barnabas ka'i imento' uré toyo' an Antiokhia. Séra in dua wo sé tou walina masusui wo mengakua in Taar i Amang Kasuruan am bitu.

Kisah Para Rasul 15:37

Kelinga in itu wo énan i Barnabas wo ka'i icasalé'na e makawali si Yohanes si patuulen ka'i Markus.

Kisah Para Rasul 4:36

Taniitu ka'i si Yusuf taranak i Lewi si tumou an Siprus. Sia pengatowan é ruru'du'an ‘Barnabas’, eng kaangéanna ‘tou mengawéé ing kaketeran a sé tou walina’.

Kolose 4:10

Si Aristarkhus, si binui mewali-wali wo yaku méé ka'i mai in siri' ai camu taniitu ka'i si Markus, si toyaang metuari wo si Barnabas. Andumoro' si Markus anio' sumangkumo aicuaku ai camu sapaoka sa sia maai, terimano mangé sia ang karapi in sama'.

2 Timotius 4:11

Wo si makaento' ang karapiku am bia'i waya oka si Lukas. Ampa'paan in ituo mangéo pangérénmu si Markus wo kamu in dua mewali-walio mai am bia'i. Ampa'paan si Markus ro'na sumémbong méma' in tawoienku am bia'i.

Filemon 1:24

Sé kara-karapiku an esa tawoien, si Markus, si Aristarkhus, si Demas wo si Lukas, séra ka'i cumirim mai in siri' ai co.

1 Petrus 5:13

Sé jamaat am Babel iméé mai in siri' ai camu. Séra sinisiro i Amang Kasuruan meputé ka'i kamu sinisir-Na. Taniitu ka'i si Markus si nianggapkuo toyaangku, sia méé mai in siri' ai camu.