Kisah Para Rasul 12:17 - En Taar Weru a nunuwu' é Tontemboan

¹⁷ Taan séinan i Petrus ing kama wosama' séra menes. Kumawus in itu isisilna ai séra tambisa si Casuruan makawali sia kumesot am bui. Wo icuana ai séra, “Icuao mangé pakasa en anio' a si Yakobus wo a sé poo-poowta walina sé maémano.” Wo sia kumesot am bitu wo mangé an tampa walina.

Kisah Para Rasul 12:17 ပူးပေါင်းရင်းမြစ်များ

Matius 10:23

Sa kamu okoien é tou an esa kota, tumincaso mangé ang kota walina. En ulitna icua-Ku mangé ai camu, ra'ipé' pinakaangéan iow waya eng kota-kota an Israel, si Toyaang i Tou imayo.

Markus 6:3

Ra'ica réén Sia bas ing kayu, toyaang i Maria, mepoow wo si Yakobus, si Yoses, wo si Yudas wo si Simon? Wo ra'ica réén sé poo-poow-Na wéwéné mewali-wali wo icita am bia'i?” Wo icélong éra Sia.

Lukas 1:22

An tutuw i Zakharia kumesoto mai, sia ra'io icaroma' ai séra. Wo sia méé tuus ai séra maké ing kamana ampa'paan sia imawowoo. Keséré in itu, kakailekano éra sapaoka si Amang Kasuruan imapaturu'o ai sia an untep ing Kamar Le'nas.

Yohanes 10:40

Wo si Yesus mangé ka'i an lewet angé in doyongan Yordan, an tampa i Yohanes indior mengabaptis sé tou. Wo Sia mento' am bitu.

Yohanes 11:54

Ampa'paan in itu, si Yesus ra'io mapaturu-turu' ka'i a sé tou keli an uner é tou Yahudi. Itela'u-Na en Yerusalem wo Sia mangé ang kota makangaran Efraim si menduruan wo en tana' kapayasan. Sia mento' am bitu mewali-wali wo sé murit-Na.

Yohanes 13:24

Wo si Simon Petrus suméin a si murit itu, “Wuéien angé si séi em peangé-angén i Yesus itu!”

Yohanes 7:1

Kekawus in itu, si Yesus méma' im bawayaan-Na lumi'cir in sangkum ing Galilea. Ra'ica kiim-Na maangé an sangkum in Yudea ampa'paan sé kikiiten é agama Yahudi am bitu rumaméji maté Sia.

Yohanes 8:59

An tutuw é tou Yahudi luminga en aicua i Yesus itu, séra mitong watu e mangkil Sia, taan si Yesus ra'io ka'i kaséréanai wo itela'u-Na em Balé Le'nas.

Kisah Para Rasul 1:15

Asi makasa, sé poo-poow esa paémanen a si Yesus imaumung mewali-wali. Eng kakeli éra wona' sangaatus rua ngapulu' tou. Wo si Petrus tumulung an uner éra wo kumua,

Kisah Para Rasul 12:16

Ang karoro'an in itu si Petrus menéngko-néngkoré'. Wo an tutuw éra muka im papalen sérén éra sia wo séra mangaya-ngaya'ka'.

Kisah Para Rasul 12:18

Mando mai, an tutuw sérén é suraro sapaoka si Petrus ra'io am bui, wo séra marinca'o. Wo séra membum-buéian sapa e mamuali a si Petrus.

Kisah Para Rasul 13:16

Kelinga in itu, si Paulus tumulung wo suméin ing kamana a sé tou am bitu, icuana, “Poo-poow tou Israel wo sé tou ra'ica Yahudi sé mengaapo' a si Amang Kasuruan, linganai en icuaku!

Kisah Para Rasul 15:13

Kekawus i Paulus wo si Barnabas mepaar, wo icua ka'i i Yakobus, “Éi poo-poow, linganai aku!

Kisah Para Rasul 16:40

Kekesot éra am bui itu, si Paulus wo si Silas mangé am balé i Lidia. Am bitu séra meta'up wo sé tou maéman wo wéan éra kaincayaan sé poo-poow itu. Kumawus in itu, séra in dua kumesot ang kota itu.

Kisah Para Rasul 19:33

Wo am bitu awéan esa tou makangaran Aleksander. Ruké é tou Yahudi sia an dior é tou keli ampa'paan icasalé' éra sia en tumerangkan sapaoka si méma' im perkara anio' ra'ica tou Yahudi. Wo si Aleksander masalé' méla in owak an dior é tou keli, anaé sia mangkai ing kama en suméin wosama' sé tou menes.

Kisah Para Rasul 21:18

Mando mai, si Paulus mangé mewali-wali wo icami meta'up wo si Yakobus. Pakasa sé penatua am bituo ka'i.

Kisah Para Rasul 21:40

Wo wéanna kaloasan a si Paulus e rumoma'. Si Paulus mangé tumulung an daran wo suméin ing kama a sé tou keli itu. An tutuw é tou imeneso, sia tumo'tolo rumoma' ai séra maké i nunuwu' é Ibrani, icuana:

Kisah Para Rasul 28:15

Sé tou a Roma sé maéman a si Yesus imakalingao sa kami maangé am bitu. Ampa'paan in ituo mai sungkulen éra kami an uner im bawayaan ami. Awéan sé meta'up icami am Pasar Apius wo sé walina ituma'up icami an tampa makangaran Patulian Telu [Tres Taberne.] An tutuw sérén i Paulus séra, sia kumua i makapulu'sama' a si Casuruan wo en aténa maketer.

1 Korintus 15:7

Kumawus in itu ka'i, Sia mangé mapaturu' a si Yakobus wo mangé ka'i mapaturu' a sé im pakasa é ruru'du'an.

Galatia 1:19

Taan ra'ica ipeta'upku sé ruru'du'an walina, yaku asalo meta'up wo si Yakobus, poow i Apo' Yesus.

Galatia 2:12

Kelian sé tou ra'ica Yahudi maento' ang kota itu. Wo tanu si anioo e mamuali a mangé mbitu: Si Kefas, mandé ka'i sia tou Yahudi, taan sia manaramo mengakan mewali-wali wo sé tou ra'ica Yahudi sé ra'ica sinunat, wo en itu nianggap ra'ica patus a sé tou Yahudi. An tutuw é piraan tou Yahudi an Yerusalem owo sé ayutus i Yakobus mai am bitu, si Kefas ra'io kiim ka'i mewali-wali wo sé tou ra'ica Yahudi sé ra'ica sinunat itu. Ampa'paan icaindé'na sé piraan tou Yahudi sé ayutus i Yakobus, sé masalé' pakasa sé tou maéman, mandé ka'i tou ra'- ica Yahudi, musti sunaten.

Galatia 2:9

Si Yakobus, si Kefas, si Yohanes sé nianggap kikiiten kumataré-taré an jamaat an Yerusalem, an tutuw éra isuméré in upus aitambér i Amang Kasuruan a yaku, séra membéan ing kama a yaku wo si Barnabas tanu tuus séra imeesao wo icami. Wo séra wo icami mengkakiitano sapaoka kami melala'us tumawoi torona é tou ra'- ica Yahudi wo séra in telu kasake' tumawoi torona é tou Yahudi.

Yakobus 1:1

Siri' a yaku owo Yakobus, ata i Amang Kasuruan wo i Apo' Yesus Kristus. Aipaticku en surat anio' a sé sangapulu' rua suku Israel am panangkéian sé maémano a si Yesus Kristus.