Kisah Para Rasul 12:15 - En Taar Weru a nunuwu' é Tontemboan

¹⁵ Taan séra asalo isumowat ai sia, “Ra'io wona' lekep ko!” Taan si ata itu kasake' kumua sapaoka si Petrus wutu-wutul am bitu. Icua éra ka'i, “Sia si malaékat matéir si Petrus.”

Kisah Para Rasul 12:15 ပူးပေါင်းရင်းမြစ်များ

Matius 18:10

“Ta'néien iow sumama-sama'! Tioo paepesen iow im beren sé toyaang teké' anio', ampa'paan itu icua-Ku mangé ai camu, séra itu awéan malaékat makatéir sé tatap mengapaar a si Amang-Ku an sorga. [

Markus 16:11

An tutuw éra iluminga en aicua i Maria sapaoka si Yesus itumouo sumawel wo sinérénao, ra'ica percayan éra.

Markus 16:14

Ang kasiwakanna, si Yesus mapaturu' in owak-Na a sé sangapulu' esa murit-Na. An tutuw itu séra ang karoro'an i makan. Wo romaan-Na séra ampa'paan ing kaketéan in até éra wo ra'ica mercaya a sé tou sé isuméréo Sia itumou sumawel.

Lukas 22:59

Kumawus in itu, lumangkoio wona' satu jam, awéan ka'i esa tou walina kumua in taangko'. Icuana, “Wutul, si tou anio' mewali-wali wo si Yesus, ampa'paan sia ka'i tou Galilea.”

Lukas 24:11

Taan anggapen é murit i Yesus sapaoka en abar aicua é wéwéné itu ra'ica wutul. Anaé, ra'ica pinercaya éra en abar é wéwéné itu.

Kisah Para Rasul 12:16

Ang karoro'an in itu si Petrus menéngko-néngkoré'. Wo an tutuw éra muka im papalen sérén éra sia wo séra mangaya-ngaya'ka'.

Kisah Para Rasul 26:24

Ang karoro'an i Paulus mabéla in owakna, wo positen i Festus i rumoma' ang kerapi in depet, “Ra'io lekep ko é Paulus! Ico keliano eng kailekan, akar em ipakawerotmu ra'io wutul.”