Kisah Para Rasul 11:29 - En Taar Weru a nunuwu' é Tontemboan

²⁹ Kumawus in itu, sé tou maéman an Antiokhia musé' en lumi'us roit patawang iwéé a sé poo-poow an esa paémanen an Yudea, iciit ing kawooan éra i esa wo si esa.

Kisah Para Rasul 11:29 ပူးပေါင်းရင်းမြစ်များ

Matius 25:17

Taniitu ka'i si ata tinokéana rua talenta. Sia ka'i mangé mangkér, wo en untungna ka'i rua talenta.

Yohanes 2:2

Si Yesus wo sé murit-Na nienot ka'i mai am pésta kawéng itu.

Kisah Para Rasul 1:15

Asi makasa, sé poo-poow esa paémanen a si Yesus imaumung mewali-wali. Eng kakeli éra wona' sangaatus rua ngapulu' tou. Wo si Petrus tumulung an uner éra wo kumua,

Kisah Para Rasul 11:1

Sé ruru'du'an wo sé poo-poow esa paémanen an Yudea lumingao ka'i sapaoka awéan tou ra'ica Yahudi sé itumerimao in taar i Amang Kasuruan.

Kisah Para Rasul 11:26

Wo sia meta'up wo si Saulus, kumawus in itu iwalina si Saulus an Antiokhia. Séra in dua mento' mewali-wali wo sé jamaat a mangé mbitu sangata'un eng kauréna. Séra ka'i mengasusui a sé tou keli andumoro' i Yesus. An Antiokhia anioo sé tou makiit in sususuien i Yesus kumataré-taré patuulen Krésten.

Kisah Para Rasul 13:52

Taan sé murit an Antiokhia arui keli wo séra ka'i kinawasa i Roh Le'nas.

Kisah Para Rasul 14:20

Taan, an tutuw é tou maéman am bitu matulung wo lumi'cir sia, makala'us sia tumulung wo muntep sumawel an Listra. Asi woondona mai, sia mangé an Derbe mewali-wali wo si Barnabas.

Kisah Para Rasul 14:22

An tampa-tampa itu, si Paulus wo si Barnabas kumeter in até é tou maéman wo sumina'u iséra wosama' le'tek am paémanen. Wo icua i Paulus wo si Barnabas, “Sa kita masalé' mamuali tou i Amang Kasuruan si Kumawasa tanu Kolano, kita musti meta'up ing keli kawenduan.”

Kisah Para Rasul 24:17

Ampa'paan piraano ngata'un aku an tampa walina, yaku maréngai an Yerusalem e mai méé roit ipatawang a si bangsaku Yahudi sé menonou ang kalengéian wo ka'i méé raragésan a si Amang Kasuruan am Balé Le'nas.

Kisah Para Rasul 4:34

Ra'ica wana esa tou ai séra sé kinainaan sapa-sapa, ampa'paan sé tou e makaanu tana' kuma'pa walé, mengawangkér ing kasiyaan éra itu wo en doit em bééna in itu,

Kisah Para Rasul 6:1

Sé tou mengakiit in sususuien i Yesus makaaweso eng kakeli. An tutuw itu sé tou Yahudi sé manuwu' i nunuwu' é Yunani mangingimbulu a sé tou Yahudi sé menganuwu' i nunuwu' é Ibrani. Ampa'paan sé wéwéné balu é tou Yahudi menganuwu' i nunuwu' é Yunani itu, ra'io pawéan rékén é tou an tutuw mengaéké ing kaperluan mengendo-ngendo.

Kisah Para Rasul 9:25

Ampa'paan asi sanga wengi, si Saulus aiwali é muritna wo itumpa éra maké in esa karanjang wangker ciit asi ri'dir mésel ing kota.

1 Korintus 13:5

Sia ka'i ra'ica mengaéma' sé ra'ica sumoma wo ra'ica maéré ing kasalé'- an in owakna in esa. Sia ra'ica taporak mae'bow wo ka'i ra'ica ipaéma'na an até eng kameséaan é tou walina.

Galatia 2:10

Wo séra asalo tumaar ai cami wosama' kasake' in tumawang sé tou lengéi. En itu uli-ulit icasalé'ku émaan.