Kisah Para Rasul 11:26 - En Taar Weru a nunuwu' é Tontemboan

²⁶ Wo sia meta'up wo si Saulus, kumawus in itu iwalina si Saulus an Antiokhia. Séra in dua mento' mewali-wali wo sé jamaat a mangé mbitu sangata'un eng kauréna. Séra ka'i mengasusui a sé tou keli andumoro' i Yesus. An Antiokhia anioo sé tou makiit in sususuien i Yesus kumataré-taré patuulen Krésten.

Kisah Para Rasul 11:26 ပူးပေါင်းရင်းမြစ်များ

Matius 28:19

Ampa'paano in itu, mangém am pakasa im bangsa, wo émaano mangé séra mamuali murit-Ku. Baptiseno mangé séra ang karapi ngaran i Amang, i Toyaang wo i Roh Le'nas.

Yohanes 2:2

Si Yesus wo sé murit-Na nienot ka'i mai am pésta kawéng itu.

Kisah Para Rasul 1:15

Asi makasa, sé poo-poow esa paémanen a si Yesus imaumung mewali-wali. Eng kakeli éra wona' sangaatus rua ngapulu' tou. Wo si Petrus tumulung an uner éra wo kumua,

Kisah Para Rasul 11:20

Taan an uner éra awéan ka'i piraan tou Siprus wo Kirene sé imangé an Antiokhia. A mangé mbitu icua éra ka'i en Abar Kaaruien andumoro' i Yesus a sé tou ra'ica Yahudi.

Kisah Para Rasul 11:22

Sapa waya e mamuali an Antiokhia, en abar itu kinalingaan é jamaat an Yerusalem. Kekawus in itu, sé jamaat a mangé mbitu rumu'du' si Barnabas mangé an Antiokhia.

Kisah Para Rasul 11:27

Asi témpo itu, awéan piraan nabi an Yerusalem owo mai an Antiokhia.

Kisah Para Rasul 11:29

Kumawus in itu, sé tou maéman an Antiokhia musé' en lumi'us roit patawang iwéé a sé poo-poow an esa paémanen an Yudea, iciit ing kawooan éra i esa wo si esa.

Kisah Para Rasul 14:20

Taan, an tutuw é tou maéman am bitu matulung wo lumi'cir sia, makala'us sia tumulung wo muntep sumawel an Listra. Asi woondona mai, sia mangé an Derbe mewali-wali wo si Barnabas.

Kisah Para Rasul 14:22

An tampa-tampa itu, si Paulus wo si Barnabas kumeter in até é tou maéman wo sumina'u iséra wosama' le'tek am paémanen. Wo icua i Paulus wo si Barnabas, “Sa kita masalé' mamuali tou i Amang Kasuruan si Kumawasa tanu Kolano, kita musti meta'up ing keli kawenduan.”

Kisah Para Rasul 14:23

Wo séra in dua sumisir sé penatua torona é jamaat itu. Séra sumombayang wo muasa en sumarakan sé penatua itu a si Casuruan si paémanen éra.

Kisah Para Rasul 14:27

Icatéka' mangé an Antiokhia, towan éra sé jamaat e maumung. Wo sisil éra in dua pakasa sé niéma' i Amang Kasuruan ai séra. Sisil éra ka'i tambisa si Casuruan muka' in lalan akar sé tou ra'ica Yahudi ro'na maéman a si Yesus.

Kisah Para Rasul 14:28

Am bitu séra mento' uré toyo' wo sé poo-poow esa paémanen.

Kisah Para Rasul 18:27

Kekawus in itu si Apolos masalé' mangé an Akhaya. Anaé, sé tou maéman an Efesus kumirim surat a sé tou maéman an Akhaya wosama' ro'na sumungkul sia. Wo an tutuw i Apolos icateka' an Akhaya, sia wutu-wutul tumawang sé tou maéman ampa'paan in upus tatambér i Amang Kasuruan.

Kisah Para Rasul 19:9

Taan awéan piraan tou ra'ica kiim tumerima in sususuien i Paulus ampa'paan séra keté até. Wotaré ipemaa-maar éra in léwo' an dior é tou keli andumoro' im basa i Amang Kasuruan en lumowir sé tou iméma' ing kamesé-meséaan. Ampa'paano in itu itela'u i Paulus séra wo towanna sé tou maéman a si Yesus kumesot am balé paapo'an é agama Yahudi. Wo susur in endo sia maroma' ang karapi é tou am pakuliaan, si ningaranan Tiranus.

Kisah Para Rasul 20:1

An tutuw é tou an Efesus meelurano wo towan i Paulus sé tou maéman am bitu wo wéanna kaketeran em paémanen. Wo sia mekiupus en tumela'u iséra wo mangé a Makedonia.

Kisah Para Rasul 20:30

Lébé-lébé an uner iow in esa maai oka sé tou eng kumua in sususuien sé ra'ica wutul. Émaan éra in taniitu wosama' sé tou sé maémano a si Yesus ra'io ka'i maéman wo kumiit oka iséra.

Kisah Para Rasul 21:4

Am bitu, kami mangé masiar a sé tou maéman wo mento' ang karapi éra esa duminggu eng kauréna. Wo icua i Roh Le'nas ai séra e mokéi a si Paulus wosama' sia ra'ica toro mangé an Yerusalem.

Kisah Para Rasul 26:28

Wo icuana a si Paulus, “Paulus, tawio émaanmu aku mamuali tou Krésten asi témpo ra'ica uré anio'!”

Kisah Para Rasul 6:1

Sé tou mengakiit in sususuien i Yesus makaaweso eng kakeli. An tutuw itu sé tou Yahudi sé manuwu' i nunuwu' é Yunani mangingimbulu a sé tou Yahudi sé menganuwu' i nunuwu' é Ibrani. Ampa'paan sé wéwéné balu é tou Yahudi menganuwu' i nunuwu' é Yunani itu, ra'io pawéan rékén é tou an tutuw mengaéké ing kaperluan mengendo-ngendo.

Kisah Para Rasul 6:5

Pakasa sé jamaat tumerima in sama' sé aicua ai séra itu. Anaé, séra sumisir pitu tou anio': Si Stefanus si wutu-wutul maéman wo kinawasa i Roh Le'nas, si Filipus, si Prokhorus, si Nikanor, si Timon, si Parmenas wo si Nikolaus si ra'ica tou Yahudi taan imuntepo agama Yahudi, sia mai an Antiokhia owo.

Kisah Para Rasul 9:38

Sé tou makiit in sususuien i Yesus an Yope luminga sa si Petrus an Lida, si roong itu mentawian wo in Yope. Ampa'paano in itu ru'du' éra rua tuama mangé tumowa si Petrus wo kumua tana'i, “Tuang, pekiupusen ami sa woo ro'na si tuang mario-riorai an Yope.”

1 Korintus 11:18

Kataré-taré em pinalingaku asé tou sapaoka an tutuw iow mengali'us i maapo' a si Amang Kasuruan, awéan kaperéndéran an uner iow akar kamu metané-tanéo. Wo sé pinalingaku itu werotenku awéan em butulna.

1 Korintus 12:12

Si Kristus ro'na yandé tanu in owak. En owak wayake' in esa taan sé an owak kelian. Pakasa sé an owak itu membam-balinaan taan en owak wayake' in esa.

1 Korintus 14:23

Anaé, sa pakasa sé jamaat mali'usai mewali-wali esa wo si esa tou sé maroma' mapaké i nunuwu' i roh, wo muntepai ka'i sé tou ra'ica maéman kuma'pa sé tou ra'ica makailek andumoro' ing kamang tatambér i Amang Kasuruan, tantu cua éra kamu itu tou sé malicokoo e ngaas.

1 Korintus 4:17

Ampa'paan in ituo yutusku mangé si Timotius ai camu ampa'paan sia itu niéma'kuo tanu toyaangku in esa wo icaupusku, sia ka'i le'tek a si Casuruan. Mangéna oka ita'néi sumawel ai camu andumoro' tambisa eng katouanku makiit a si Kristus Yesus. Eng katouanku itu ipenusu-nusuikuo a sé jamaat am pakasa in tampa.

Efesus 3:15

si mamuali Amangta im baya sé ang kayo'baan wo ka'i pakasa sé an sorga. Niéma'-Na kita im baya mamuali esa pamalé.

Yakobus 2:7

Séra itu ka'i maojat i Ngaran i parayo-rayo wo pasiri-siriin, taan asi Ngaran ituo, kamu imamuali anu i Amang Kasuruan.

1 Petrus 4:14

Pakakamangeno kamu, sa kamu iparoros é tou ampa'paan makiit si Kristus, ampa'paano e Roh i rarayo wo in sisiri'-Na ai camuo. Siituo si Roh i Amang Kasuruan.

1 Petrus 4:16

Taan sa kamu okoien ampa'paan tou Krésten, kamu ra'ica toro malawi'. Aweso taré kamu rumayo wo sumiri' si Amang Kasuruan ampa'paan kamu patuulen makiit si Kristus.

1 Yohanes 2:27

Wo andumoro' icamu in esa, si Casuruan imééo mai i Roh Le'nas eng kumawasa icamu wo akar intarépé' e Roh Le'nas itu awéané' ai camu. Anaé kamu ra'io sangali susuian é tou walina, ampa'paan kamu penusu-nusuian i Roh Le'nas andumoro' im pakasa in itu. Wo sapa en aisusui-Na itu wutul wo ra'ica towo. Tinerimao miow en sususuien itu ai Sia, ampa'paan in itu kamu musti menonou angé meesa wo si Kristus.

Wahyu 3:18

Ampa'paan in ituo, sina'uen-Ku kamu en tumeles mas a Yaku, si matuléno in api, wosama' kamu masiya'. Tumeleso karai kulo' a Yaku wosama' pakén iow wo ra'ica malawi' sérén é tou metangkol. Wo tumeleso solo eng kisu am beren wosama' kamu ro'na suméré.