Kisah Para Rasul 11:24 - En Taar Weru a nunuwu' é Tontemboan

²⁴ Si Barnabas itu tou sama', kinawasa i Roh Le'nas wo ka'i wutu-wutul maéman a si Casuruan. Ampa'paano in itu kelian tou sé iluminga in sina'una mamuali maéman a si Apo' Yesus.

Kisah Para Rasul 11:24 ပူးပေါင်းရင်းမြစ်များ

Matius 12:35

Si tou sama', em ipanuwu'na andumoro' sé loor, ampa'paan sé pakaéma'na an até andumoro' sé loor. Taan si tou léwo' em ipanuwu'na andumoro' sé léwo', ampa'paan sé pakaéma'na an até andumoro' sé léwo'.

Matius 19:17

Wo isowat i Yesus ai sia, “Kéitu réén ko mamuéi a Yaku andumoro' sapa si loor? En loor wayake' in Esa. Taan sa ko masalé' makéré ing katouan akar ing kauré-uré, musti kiitenmu em perénta-perénta i Amang Kasuruan.”

Lukas 23:50

Awéan esa tou makangaran Yusuf, anggota Mahkamah Agama Yahudi, tou loor wo ka'i mengaéma' im butul an dior i Amang Kasuruan.

Yohanes 7:12

Wo keli tou mengkeng-kewitan i esa wo sé walina andumoro' Sia. Awéan sé makua, “Sia itu tou sama'.” Awéan ka'i sé makua, “Ra'ica, Sia si mengasélé'kow sé tou keli.”

Kisah Para Rasul 11:21

Wo eng kawasa i Casuruan mewali-wali wo iséra akar kelian tou ra'ica Yahudi maéman a si Yesus wo mape'dis.

Kisah Para Rasul 2:4

Wo séra im baya wuta i Roh Le'nas wo tumo'tolo maroma' i nunuwu'-nunuwu' walina tanu si aiwéé i Roh Le'nas ai séra en icua.

Kisah Para Rasul 2:47

Séra marayo si Amang Kasuruan wo ka'i casalé' é tou keli. Wo susur in endo pengawe-ngawesan i Casuruan eng kakeli é tou maéman itu ang karapi é tou sé pakalowirené'.

Kisah Para Rasul 24:16

Ampa'paano in itu, yaku tatap rumaméji menonou ang karapi in até weresi an dior i Amang Kasuruan wo ka'i an dior é tou.

Kisah Para Rasul 5:14

Makauré makaaweso sé tou maéman a si Apo' Yesus, awéan sé tuama wo awéan sé wéwéné.

Kisah Para Rasul 6:3

Anaé, tana'io é poo-poow, aweso taré sisiren iow pitu tou an uner iow. Séra itu musti tou sama', kinawasa i Roh Le'nas wo awéan kapinteran asi Casuruan owo. Sé tou anioo em béan ami oka in tawoien en tumu'tul ing kakanen.

Kisah Para Rasul 6:5

Pakasa sé jamaat tumerima in sama' sé aicua ai séra itu. Anaé, séra sumisir pitu tou anio': Si Stefanus si wutu-wutul maéman wo kinawasa i Roh Le'nas, si Filipus, si Prokhorus, si Nikanor, si Timon, si Parmenas wo si Nikolaus si ra'ica tou Yahudi taan imuntepo agama Yahudi, sia mai an Antiokhia owo.

Kisah Para Rasul 6:8

Si Amang Kasuruan tumambérai in upus wo ing kawasa-Na a si Stefanus, ampa'paan in ituo sia méma' ing kakaya'kaan wo in tuu-tuus sé ra'io icakua an uner é tou keli.

Kisah Para Rasul 9:31

Wo pakasa sé jamaat an Yudea, ang Galilea wo an Samaria menonou meelu-eluran. Wo em paémanen éra maketer wo séra menonou masiri' si Amang Kasuruan, wo séra ka'i makaawes eng kakeli ampa'paan tinawang wo paiboren i Roh Le'nas.

Roma 15:15

Mandé in taniitu, yaku ra'ica malawi' e matic piraan sina'u an surat anio' en ta'néi ai camu, ampa'paan si Amang Kasuruan tumambéro mai in tawoien anio' a yaku.

Roma 5:7

Ampa'paan torona é tou nianggap wutul, ra'ica wana wona' tou e masalé' maté wo torona é tou loor awéan wona' tou em brani maté.