Kisah Para Rasul 11:21 - En Taar Weru a nunuwu' é Tontemboan

²¹ Wo eng kawasa i Casuruan mewali-wali wo iséra akar kelian tou ra'ica Yahudi maéman a si Yesus wo mape'dis.

Kisah Para Rasul 11:21 ပူးပေါင်းရင်းမြစ်များ

Lukas 1:66

Wo pakasa sé tou iluminga in itu memero-merot an até, “Mamuali sapa si toyaang itu sa imawangkoo?” Ampa'paan si Amang Kasuruan mewali-wali wo sia.

Kisah Para Rasul 11:24

Si Barnabas itu tou sama', kinawasa i Roh Le'nas wo ka'i wutu-wutul maéman a si Casuruan. Ampa'paano in itu kelian tou sé iluminga in sina'una mamuali maéman a si Apo' Yesus.

Kisah Para Rasul 15:19

“Anaé, sa kumiit yaku, ra'ica toro susanta sé tou ra'ica Yahudi sé imape'diso wo sé imaémano a si Amang Kasuruan.

Kisah Para Rasul 2:47

Séra marayo si Amang Kasuruan wo ka'i casalé' é tou keli. Wo susur in endo pengawe-ngawesan i Casuruan eng kakeli é tou maéman itu ang karapi é tou sé pakalowirené'.

Kisah Para Rasul 4:4

Taan an uner é tou sé iluminga in sususuien itu kelian sé maéman, akar eng kakeli éra wona' awéan lima ngariwu tuama.

Kisah Para Rasul 5:14

Makauré makaaweso sé tou maéman a si Apo' Yesus, awéan sé tuama wo awéan sé wéwéné.

Kisah Para Rasul 6:7

En Taar i Amang Kasuruan makaseraro wo sé tou maéman a si Yesus an Yerusalem makaaweso eng kakeli. Kelian sé imam sumarakan in owak éra wo maéman a si Yesus.

Kisah Para Rasul 9:35

An tutuw pakasa en tou an Lida wo an Saron suméré si Eneas imasama'o, séra makala'us maéman a si Apo' Yesus.

1 Tesalonika 1:5

Kailekan ami en itu ampa'paan asi makasa kami mangé ai camu an Tesalonika e mangé kumua in Abar Kaaruien andumoro' i Yesus Kristus. An tutuw itu kami ra'ica asaloke' maké i nunuwu' ami, taan ang karapi ing kawasa i Casuruan wo ang karapi i Roh Le'nas si méma' icamu uli-ulit mercaya in Abar Kaaruien andumoro' i Yesus Kristus itu. Wo sinéréo ka'i miow em peri ami. Anaé, kailekano miow sapaoka en Abar Kaaruien itu wutul.