Kisah Para Rasul 10:7 - En Taar Weru a nunuwu' é Tontemboan

⁷ An tutuw i malaékat itu tumela'u si Kornelius, wo towanna sé rua tou atana wo si esa suraro si mengakawal sia. Si suraro itu tou le'tek mengakiit ing kasalé'an i Amang Kasuruan.

Kisah Para Rasul 10:7 ပူးပေါင်းရင်းမြစ်များ

Matius 2:13

Kewaréng angé é tou majus itu, mapaturu' mai si malaékat i Amang Kasuruan am pangipi i Yusuf wo kumua, “Tumooro, indono si Toyaang itu ang karapi i inang-Na, sumingkiro mangé a Mesir wo mentoo a mangé mbitu akar Aku numuwu' ka'i ai co. Ampa'paan pangérén oka i Herodes si Toyaang itu e maté Sia.”

Lukas 2:25

Asi témpo itu an Yerusalem awéan esa tou makangaran Simeon. Sia itu maéma' im butul an dior i Amang Kasuruan wo le'tek ai Sia. Wo sia ang karoro'an mengento-ngento' in oras i Amang Kasuruan lumowir sé tou Israel wo e Roh Le'nas mewali-wali wo isia.

Lukas 3:14

Wo awéan ka'i sé suraro am bitu mamuéi a si Yohanes, “Tambisa andumoro' icami, sapa si musti émaan ami?” Isowatna, “Tioo kamu mesusa sé tou torona makéré kauntu- ngan wo tioo mengaandét in doit é tou wo matudu sé ra'ica wutul ai séra. Taan takurake' eng kéréan iow asi laasa in tinawoi miow terimano mangé en itu.”

Kisah Para Rasul 10:6

Sia lumosér am balé i esa tou an tembir im panté. E ngaran i tou itu ka'i Simon, wo en tawoienna mengabersi ing kulit é binatang pengaémaan barang-barang.”

Kisah Para Rasul 10:8

Wo isisil i Kornelius pakasa em pinapaturu'an itu ai séra wo iru'du'na séra mangé an Yope.

Filemon 1:16

Intarépé' sia ra'ica asaloke' atamu taan lumébé mai wo in itu. Ampa'paan sia mamualio poow an esa paémanen si paupu-upus. Sa ciit yaku, sia tanuo siitu, lébé-lébépé' ka'i ai co, tantu sia lébé ipaupu-upusmu ampa'paan sia atamu wo ka'i intarépé' sia tanu poowmu an esa paémanen a si Apo' Yesus.