Kisah Para Rasul 10:47 - En Taar Weru a nunuwu' é Tontemboan

⁴⁷ “Sinéréo miow in esa! Sé tou itu tumerimao i Roh Le'nas tanu cita tou Yahudi. Anaé, intarépé', ra'ica wana tou e ro'na méro iséra im baptisen maké in dano.”

Kisah Para Rasul 10:47 ပူးပေါင်းရင်းမြစ်များ

Kisah Para Rasul 10:44

An tutuw i Petrus maroma'pé' wo tumumpa mai e Roh Le'nas a sé pakasa in tou sé makalinga in aicua i Petrus.

Kisah Para Rasul 2:4

Wo séra im baya wuta i Roh Le'nas wo tumo'tolo maroma' i nunuwu'-nunuwu' walina tanu si aiwéé i Roh Le'nas ai séra en icua.

Kisah Para Rasul 8:12

Taan intarépé' séra luminga si Filipus makua in Abar Kaaruien andumoro' si Amang Kasuruan Kumawasa tanu Kolano wo andumoro' i ngaran i Yesus Kristus. Kelinga éra in itu wo séra maéman wo méé in owak em baptisen, séra itu tuama wo wéwéné.

Kisah Para Rasul 8:36

Séra lumala'us i bawayaan wo séra icateka' an esa tampa awéan rano. Icua i kikiiten itu a si Filipus, “Sérénmu, am bitu awéan rano! Tambisa, ro'nao réén aku baptisenmu?” [

Roma 10:12

E nunuwu' i Amang Kasuruan itu torona im pakasa é tou, ampa'paan sé tou Yahudi wo sé tou walina puté waya. Si Casuruan wayake' in esa, Sia itu Kasuruan é pakasa sé tou. Wo pakasa en tou sé mekiupus ai Sia kamangen-Na oka ang karapi i lumébé-lébé.

Roma 4:11

Anaé, an tutuw i Abraham ra'ipé' sinunat, sia maémano a si Amang Kasuruan. En sunat itu asalo tuus sapaoka si Abraham tinerima i Amang Kasuruan wo nianggap-Na wutul ampa'paan maéman ai Sia. Anaé, si Abraham tinerima i Amang Kasuruan an tutuw sia ra'ipé' sinunat. Ampa'paan in ituo sia mamuali amang im pakasa é tou maéman mandé ka'i sé tou maéman itu ra'ica sinunat. Wo ampa'paano im paémanen éra, séra nianggap wutul i Amang Kasuruan.