Kisah Para Rasul 10:45 - En Taar Weru a nunuwu' é Tontemboan

⁴⁵ Am bitu awéan ka'i sé tou sinunato sé maéman a si Yesus sé icumiitai si Petrus an Yope owo. Séra mangaya-ngaya'ka' an tutuw séra suméré si Amang Kasuruan tumambérai i Roh Le'nas a sé tou ra'ica Yahudi.

Kisah Para Rasul 10:45 ပူးပေါင်းရင်းမြစ်များ

Kisah Para Rasul 10:23

Wo pangileken i Petrus wosama' séra mento' am bitu. Mando mai, si Petrus tumu'tul wo mangé mewali-wali wo sé telu tou itu. Awéan ka'i piraan poow sé maéman an Yope sé icumiit wo sia.

Kisah Para Rasul 11:2

Ampa'paan in ituo, an tutuw i Petrus imaréngo sumawel an Yerusalem, awéan piraan tou Yahudi sé imaémano, meindo-indoan roma' wo isia.

Kisah Para Rasul 11:3

Icua éra, “Kéitu réén ko imangé am balé é tou ra'ica Yahudi wo ka'i cuman mewali-wali wo iséra?”

Kisah Para Rasul 2:33

Intarépé', si Yesus niangkaio mangé i Amang Kasuruan ang kakan-Na an tampa pasiri-siriin wo tumerimao i Roh Le'nas si aijanji-Nao indior. E Roh Le'nas itu, iwéé-Nao ka'i ai cami, si sinéré wo liningao miow am bia'i.

Kisah Para Rasul 2:38

Isowat i Petrus ai séra, “Mape'diso wo terimano em baptisan a ngaran i Yesus Kristus wosama' eng kamesé-meséaan iow ampungan oka. Wo in taniitu teriman oka miow en tatambér-Na, siituo si Roh Le'nas.

Roma 5:5

Wo em paarapen tanu siitu ra'ica iméma' icita matapé, ampa'paan kailekanta tambisa eng kaupusan i Amang Kasuruan ai cita. Wo aiwéé-Nao e Roh Le'nas matawoi an atéta, wosama' kita ro'na mendam ing kawangko' in upus-Na ai cita.

Galatia 2:15

Yaku Paulus wo si Kefas, kiit ing ketou ami tou Yahudi. Kami anio' ra'ica sé tou iméma' ing kamesé-meséaan, tanu sé tou ra'ica Yahudi sé ra'ipé' makatuus si Amang Kasuruan.

Efesus 2:11

Poo-poow, ta'néieno mangé tambisa eng katouan iow indior. Ketouke' mai icamu tou ra'ica Yahudi, anaé icamu patuulen é tou Yahudi “tou ra'ica sinunat”, ampa'paan patuulen éra en owak éra “tou sinunat”. Sé tou sinunat itu mengatirayo ampa'paan séra mengakiit in atoran sunat, mandé ka'i en itu asalo tuus an owak éra si niéma' ing kama in tou.