Kisah Para Rasul 10:4 - En Taar Weru a nunuwu' é Tontemboan

⁴ Téintengen i Kornelius si malaékat itu wo ang karapi in indé' icuana, “Awéan sapa réén é Tuang?” Isowat i malaékat itu ai sia, “Pakasa en sombayangmu liningao i Amang Kasuruan wo sé aitawangmu a sé tou lengéi sinéré-Nao wo ko tina'néi-Nao.

Kisah Para Rasul 10:4 ပူးပေါင်းရင်းမြစ်များ

Matius 26:13

En ulitna icua-Ku mangé ai camu, am bisake' sé tou makua in Abar Kaaruien a sé tou ang kayo'baan, tantu ipakua éra oka ka'i sapa e niéma' i wéwéné anio' a Yaku, en tuma'néi sia.”

Lukas 1:29

Kelinga i Maria sapa en aicua i malaékat itu wo sia mangaya'ka' wo memué-muéi an aténa sapa eng kaangéan in siri' itu.

Lukas 24:5

Séra maindé' keli wo séra kumundu wo en amo éra akar an tana'. Wo icua é rua tou itu ai séra, “Kéitu réén kamu maéré-éré si Tou tumou an uner é tou imaté?

Kisah Para Rasul 10:31

Wo icuana a yaku, ‘Kornelius, pakasa en sombayangmu liningao i Amang Kasuruan wo en aitawangmu a sé tou lengéi tina'néi-Nao.

Kisah Para Rasul 14:9

Si tou itu makalinga si Paulus maroma'. Wo téintengen i Paulus si tou itu, kailekanna si tou itu maéman a si Yesus anaé ro'na masama'.

Kisah Para Rasul 22:10

Wo icuaku, ‘O Apo' Yesus, sapa réén e musti émaanku?’ Isowat i Apo' Yesus a yaku, ‘Tumulungo wo mangém an Damsyik. A mangé mbitu icua-Ku oka ai co sapa en émaanmu.’

Kisah Para Rasul 3:4

Si Petrus wo si Yohanes suméré sia wo icua i Petrus, “Séréno mai kami!”

Filipi 4:18

Pakasa eng kaperluanku kinakiitano, wo sé awéan a yaku ilumébéo asi paperlunku. Ampa'paan yaku tumerimao im patawang iow itu asi Epafroditus owo. En doit aiwéé miow itu meputé im paragés mawou manam si icasalé' i Amang Kasuruan si patus ai Sia.

Filipi 4:6

Tioo maindé-indé' andumoro' in sapa-sapake' mangé, taan icuao mangé eng kasalé'anmu an sombayangmu a si Amang Kasuruan am pakasa ing kaadaan wo mekiupus ang karapi ing kumua makapulu'sama' ai Sia.

Ibrani 13:16

Tioo ilupa miow mengaéma' in loor wo mengatawang sé tou sé perlu tawangen. Siituo e raragés en icasalé' i Amang Kasuruan.

Ibrani 6:10

Ampa'paan si Amang Kasuruan itu ra'ica marapit, ra'ica ilupa-Na sapa sé tinawoio miow torona Sia. Wo ra'ica ilupa-Na ka'i eng kaupusan ipaturu' miow ai Sia an tutuw iow matawang sé tou le'nas indior akar intarépé'.

Wahyu 8:4

Wo ang kama i malaékat itu en tembur ing kamenyan wo in somba-sombayang é tou le'nas sumosor mewali-wali akar a si Amang Kasuruan.