Kisah Para Rasul 10:33 - En Taar Weru a nunuwu' é Tontemboan

³³ Ampa'paan in ituo makala'us ru'du'ku tou mangé sumungkul si tuang. Wo si tuang mayo am bia'i ang karapi in arui en até. Intarépé', kami im baya am bia'io an dior i Amang Kasuruan, lingan amipé' sapa en aiperénta-Na a si tuang.”

Kisah Para Rasul 10:33 ပူးပေါင်းရင်းမြစ်များ

Matius 18:4

Wo si séi e menonou ko'kos en até wo mamuali tanu si toyaang teké' anio', siao e mangko-wangko' ang Kakolanoan in Sorga.

Matius 19:30

Taan keli en tou kumataré-taré mamuali oka tou sumomo-somoi, wo sé tou sumomo-somoi mamuali oka tou kumataré-taré.”

Markus 10:15

En ulitna icua-Ku mangé ai camu, si séi si ra'ica sumungkul ing Kakolanoan i Amang Kasuruan tanu sé toyaang teké' anio', sia ra'ica kawisa muntep ang Kakolanoan-Na.”

Kisah Para Rasul 10:32

Anaé, ru'du'o tou mangé an Yope en sumungkul si Simon si patuulen ka'i Petrus. Sia lumosér am bale i Simon en tawoienna mengaweresi ing kuli'na é binatang en émaan barang-barang. Em baléna an tembir in ta'sic.’

Kisah Para Rasul 10:34

Wo tumo'tolo si Petrus rumoma', “En ulitna intarépé'o kailekanku sa si Amang Kasuruan itu ra'ica mengasisir tou.

Kisah Para Rasul 28:28

Wo icua ka'i i Paulus, “Musti kailekan iow sa en abar andumoro' ing kalowiran itu aicuao a sé tou ra'ica Yahudi wo tantu teriman éra oka, anaé séra tantu lowiren oka.” [

1 Korintus 3:18

Sa kamu mengawerot in owak iow awéan kapinteran, kamu imuwako in owak iow in esa, ampa'paan eng kapinteran papakén iow itu asalo makiit im pakawerot é tou ang kayo'baan wo eng kapinteran ituo e modok icamu. Aweso taré kamu ra'ica mapaké ing kapinteran makiit im pakawerot ing kayo'baan wosama' an dior i Amang Kasuruan kamu uli-ulit awéan kapinteran.

Galatia 4:14

Mandé ka'i en owakku sumakit méé pamuléngen ai camu, taan aku ra'ica aiséro' miow kuma'pa ra'ica marica yaku. Kamu sumungkul yaku tanuoka sumungkul si malaékat i Amang Kasuruan kuma'pa sumungkul si Kristus Yesus in esa.

1 Tesalonika 2:13

An tutuw ipakua ami en taar i Amang Kasuruan, tinerimao miow en itu tanu nunuwu' i Casuruan ra'ica nunuwu' é tou. Wo en aisowat iow itu wutul, ampa'paan en taar i Amang Kasuruan itu ang karoro'ano i matawoi ang katouan iow sé maéman a si Apo' Yesus. Ampa'paan in ituo kami mengua-ngua i makapulu'sama' ai Sia.

Yakobus 1:19

Poo-poow sé icaupusku! Musti ta'néien iow in andumoro' sé anio': Sa awéan tou ang karoro'an imaroma' lingan owo em pakuana. Tioo taporak manuwu' wo tioo taporak mae'bow.

Yakobus 1:21

Anaé, itiya'o waya sé ra'ica wutul wo ka'i mentoo mengéma-ngéma' ing kaléwo'an' sé taloso keli itu. Terimano mangé en Taar i Casuruan ang karapi ing ko'kos en até. En Taar si ayusew an até miow awéan kawasa en lumowir icamu.