Kisah Para Rasul 10:32 - En Taar Weru a nunuwu' é Tontemboan

³² Anaé, ru'du'o tou mangé an Yope en sumungkul si Simon si patuulen ka'i Petrus. Sia lumosér am bale i Simon en tawoienna mengaweresi ing kuli'na é binatang en émaan barang-barang. Em baléna an tembir in ta'sic.’

Kisah Para Rasul 10:32 ပူးပေါင်းရင်းမြစ်များ

Yohanes 18:28

Asi Woondona mai imamoondopé' keli, iwali éra si Yesus am balé owo i Kayafas, wo mangé an istana i gubernur Romawi. Taan sé kikiiten é tou Yahudi itu ra'ica mekiit muntep an untep in istana itu ampa'paan paweroten é tou Yahudi najis em balé é tou ra'ica Yahudi. Ra'ica kiim éra numajis in owak éra, ampa'paan asi endo itu séra musti kuman ing kakanen Paska.

Yohanes 4:9

Isowat i wéwéné Samaria itu ai Sia, “Ra'ica patus si Tuang mangilek elepen a yaku. Si Tuang tou Yahudi wo yaku tou Samaria, kéitu réén si Tuang mangilek elepen a yaku?” (Icuana in taniitu ampa'paan sé tou Yahudi ra'ica mengakarapi wo sé tou Samaria).

Kisah Para Rasul 10:31

Wo icuana a yaku, ‘Kornelius, pakasa en sombayangmu liningao i Amang Kasuruan wo en aitawangmu a sé tou lengéi tina'néi-Nao.

Kisah Para Rasul 10:33

Ampa'paan in ituo makala'us ru'du'ku tou mangé sumungkul si tuang. Wo si tuang mayo am bia'i ang karapi in arui en até. Intarépé', kami im baya am bia'io an dior i Amang Kasuruan, lingan amipé' sapa en aiperénta-Na a si tuang.”

Kisah Para Rasul 10:5

Intarépé', iru'du'o piraan tou e maangé an Yope en sumungkul si tou makangaran si Simon si pengatuulen ka'i im Petrus.

Kisah Para Rasul 11:14

Sia oka eng kumua in abar e méma' ico wo pakasa sé am pamalému malowir.’

Kisah Para Rasul 11:3

Icua éra, “Kéitu réén ko imangé am balé é tou ra'ica Yahudi wo ka'i cuman mewali-wali wo iséra?”

Kisah Para Rasul 15:7

Uré-uréan keli séra mepaar andumoro' im perkara itu wo si Petrus tumulung, icuana ai séra, “Éi poo-poow, kailekan iow sapaoka si Amang Kasuruan indior isumisiro yaku an uner iow eng kumua in Abar Kaaruien andumoro' si Yesus Kristus a sé tou ra'ica Yahudi wosama' lingan éra en abar itu wo maéman.

Kisah Para Rasul 16:9

Mawengi mai, si Paulus pinapaturu'an i Amang Kasuruan. Asi pinapaturu'an itu sérénna, awéan esa tou an sangkum i Makedonia makatulung wo mekiupus ai sia, “Mayoo am bia'i wo tawangenai kami!”

Kisah Para Rasul 9:43

Kekawus in itu si Petrus imento'pé' pira ngando an Yope, am balé i Simon. Si Simon anio' en tawoienna mengaweresi ing kulit é binatang pengaémaan barang-barang.

Kisah Para Rasul 9:6

Taan intarépé' tumulungo ko wo muntepo an Damsyik. A mangé mbitu awéan oka eng kumua ai co, sapa si musti émaanmu.”