Kisah Para Rasul 10:30 - En Taar Weru a nunuwu' é Tontemboan

³⁰ Wo isowat i Kornelius, “Asi epat ngando ilumangkoi, wona' asi jam tiga im bawaando tanu si oras anio', yaku masombayang am balé. Tumarépé'anke'mai awéan esa tou makatulung an diorku, eng karaina menéla-nélap.

Kisah Para Rasul 10:30 ပူးပေါင်းရင်းမြစ်များ

Matius 28:3

En amona masendot tanuoka télang ing kilat, wo eng karaina kulo' tanuoka in salju.

Markus 16:6

Wo icua i mangalitou itu ai séra, “Kamu ra'ica toro maindé'! Kailekanku sapaoka kamu maéré-éré si Yesus, si tou Nazaret si aisalip éra itu. Sia tinouo sumawel wo ra'io ka'i am bia'i. Sérén iow! Si tampa anio' en tinekelan i mayat-Na.

Lukas 24:4

Ang karoro'an éra i makatulung, séra tanuoka taré tou bingo ampa'paan memero-merot ing kinamamualian itu wo tumarépé'anke' mapaturu'o mai rua tou mekarai ing kulo' menéla-nélap, makatulung an duru éra.

Kisah Para Rasul 1:10

Ang karoro'an éra i makakanat angé an langit an tutuw i Yesus icaangkai, tumarépé'anke'mai awéan rua tou mekarai ing kulo' sé makatulung an duru éra.

Kisah Para Rasul 10:22

Wo isowat éra, “Kami airu'du' mai i Kornelius si perwira é Romawi. Sia tou sama' wo maapo' a si Amang Kasuruan wo pasiri-siriin é tou Yahudi. Asi makasa, sia pinapaturu'an i malaékat i Amang Kasuruan wo rumu'du' e menot ico mangé am baléna wosama' sia ro'na luminga sapa en icua i tuang.”

Kisah Para Rasul 10:29

Ampa'paan in ituo, an tutuw nienot iow aku mai am bia'i, ra'ica icélongku. Intarépé', wuéienku ai camu, kéitu réén kamu itumowa yaku mai am bia'i?”

Kisah Para Rasul 10:3

Asi makasa, wona' jam tiga im bawaando an oras i masombayang, si Kornelius pinapaturu'an am baléna. Asi témpo itu, kaséréanna wutul si esa malaékat i Amang Kasuruan imai ai sia wo tumowa, “Kornelius!”

Kisah Para Rasul 10:31

Wo icuana a yaku, ‘Kornelius, pakasa en sombayangmu liningao i Amang Kasuruan wo en aitawangmu a sé tou lengéi tina'néi-Nao.

Kisah Para Rasul 3:1

Asi sangando tutuw in jam tiga im bawaando, en témpona ipengasombayang é tou Yahudi, si Petrus wo si Yohanes mangé am Balé Le'nas.