Kisah Para Rasul 10:28 - En Taar Weru a nunuwu' é Tontemboan

²⁸ Wo icua i Petrus, “Kailekano miow eng kanaramen ami tou Yahudi, kami ra'ica toro mengkemuan wo sé tou ra'ica Yahudi tanu icamu, wo ka'i ra'ica toro mangé am balé miow ampa'paan pakasa en itu najis ai cami. Taan aicuao i Amang Kasuruan a yaku sapaoka ra'ica wana tou najis an dior-Na.

Kisah Para Rasul 10:28 ပူးပေါင်းရင်းမြစ်များ

Markus 7:2

Sérén éra sapaoka piraan murit i Yesus makan ra'ica imu'as ing kama kumiit ing kanaramen é tou Yahudi.

Lukas 18:11

Si tou Farisi itu tumulung tumané mangé wo sumombayang an untep in até tana'i: ‘O Amang Kasuruan, yaku kumua i makapulu'sama' a si Amang Kasuruan, ampa'paan aku ra'ica mepute wo sé tou walina. Yaku ra'ica maandét, yaku ra'ica mengaéma' in léwo' wo ra'ica mengaéma' in sina. Yaku ka'i ra'ica tanu si matagi im pajak itu.

Yohanes 18:28

Asi Woondona mai imamoondopé' keli, iwali éra si Yesus am balé owo i Kayafas, wo mangé an istana i gubernur Romawi. Taan sé kikiiten é tou Yahudi itu ra'ica mekiit muntep an untep in istana itu ampa'paan paweroten é tou Yahudi najis em balé é tou ra'ica Yahudi. Ra'ica kiim éra numajis in owak éra, ampa'paan asi endo itu séra musti kuman ing kakanen Paska.

Yohanes 4:27

Asi témpo itu, sé murit i Yesus mai sumawel ai Sia. Séra mangaya'ka' keli sapaoka Sia memaa-maar ang karapi i esa wéwéné. Taan ra'ica wana esaan ka'i ai séra sé mamuéi “Sapa réén en casalé'mu?” kuma'pa, “Sapa réén em papaaren i Guru wo sia?”

Yohanes 4:9

Isowat i wéwéné Samaria itu ai Sia, “Ra'ica patus si Tuang mangilek elepen a yaku. Si Tuang tou Yahudi wo yaku tou Samaria, kéitu réén si Tuang mangilek elepen a yaku?” (Icuana in taniitu ampa'paan sé tou Yahudi ra'ica mengakarapi wo sé tou Samaria).

Kisah Para Rasul 10:29

Ampa'paan in ituo, an tutuw nienot iow aku mai am bia'i, ra'ica icélongku. Intarépé', wuéienku ai camu, kéitu réén kamu itumowa yaku mai am bia'i?”

Kisah Para Rasul 11:9

Taan en suara an sorga itu kumua sumawel a yaku, ‘Sapa sé aicua i Amang Kasuruan ro'na kanen, ra'ica toro icuamu ra'ica toro kanen.’