Kisah Para Rasul 10:22 - En Taar Weru a nunuwu' é Tontemboan

²² Wo isowat éra, “Kami airu'du' mai i Kornelius si perwira é Romawi. Sia tou sama' wo maapo' a si Amang Kasuruan wo pasiri-siriin é tou Yahudi. Asi makasa, sia pinapaturu'an i malaékat i Amang Kasuruan wo rumu'du' e menot ico mangé am baléna wosama' sia ro'na luminga sapa en icua i tuang.”

Kisah Para Rasul 10:22 ပူးပေါင်းရင်းမြစ်များ

Matius 1:19

Si Yusuf penanaan i Maria, sia anio' tou sama' até wo ra'ica kiimna mapalawi-lawi' i ngaran i penanaanna an dior é tou keli. Sia mawasa i maene-enep en tumela'u woo si Maria.

Matius 2:12

Kekawus in itu, ampa'paan séra linupuan am pinangipi wosama' ra'ica toro maréng angé a si Herodes, anaé séra maréng an doong éra kumiit an lalan walina.

Markus 6:20

Ampa'paan si Yohanes pengasiriin i Herodes wo kailekanna si Yohanes itu tou wutul wo le'nas. Anaé, sia linoindong i Herodes, taan susurna in luminga si Yohanes manuwu' sia ra'io makaaté in sama' mandé ka'i sia mendam in arui mengalinga si Yohanes manuwu'.

Markus 8:38

Ampa'paan si séike' mangé e malawi' ampa'paan Yaku wo in sususuien-Ku an dior é tou sé ra'ica le'tek wo keli kamesé-meséaan anio', si Toyaang i Tou ka'i malawi' oka mangaku si tou itu an tutuw-Na maai ang kawasa wangko' i Amang-Na, mewali-wali wo sé malaékat le'nas.”

Lukas 2:25

Asi témpo itu an Yerusalem awéan esa tou makangaran Simeon. Sia itu maéma' im butul an dior i Amang Kasuruan wo le'tek ai Sia. Wo sia ang karoro'an mengento-ngento' in oras i Amang Kasuruan lumowir sé tou Israel wo e Roh Le'nas mewali-wali wo isia.

Lukas 23:50

Awéan esa tou makangaran Yusuf, anggota Mahkamah Agama Yahudi, tou loor wo ka'i mengaéma' im butul an dior i Amang Kasuruan.

Lukas 9:26

Ampa'paan si séike' e malawi' ampa'paan Yaku wo in sususuien-Ku, si Toyaang i Tou ka'i malawi' oka isia an tutuw-Na maai sumawel ang karapi ing kawasa wangko'-Ku wo ing kawasa wangko' i Amang-Ku wo sé malaékat le'nas.

Yohanes 13:20

En ulitna icua-Ku mangé ai camu, si séike' en tumerima si tou ayutus-Ku, sia itumerimao Yaku. Wo si séike' en tumerima Yaku, sia itumerimao si Amang Kasuruan si mutusai Yaku.”

Yohanes 17:20

Em pasombayang-Ku ra'ica isérake', taan ka'i a sé tou sé luminga in sususuien éra wo maéman oka a Yaku.

Yohanes 17:8

ampa'paan en taar sé aicua i Amang a Yaku aicua-Kuo waya ai séra wo tinerimao éra. Wo wutu-wutul kakailekan éra, Yaku mai asi Amang owo wo pinercaya éra, si Amango e mutuso mai Yaku.

Yohanes 5:24

En ulitna icua-Ku mangé ai camu, si séike' mangé en luminga i nunuwu'-Ku wo mercaya a si Amang Kasuruan si mutusai Yaku, kéréanna oka eng katouan akar ing kauré-uré. Wo sia ra'ica ukumen. Sia aicawekaro am papaté wo tumerima ing katouan akar ing kauré-uré.

Yohanes 6:63

Sé tou ra'ica makawoo méma' in owakna menonou akar ing kauré-uré. Wayake' i Roh i Amang Kasuruan e méma' si tou ro'na menonou akar ing kauré-uré. E nunuwu' sé aicua-Ku itu, nunuwu' i Roh-Na wo sé nunuwu' itu iméma' sé tou menonou oka akar ing kauré-uré.

Yohanes 6:68

Isowat i Simon Petrus ai Sia, “Tuang, asi séi oka en angéan ami? Wayake' si Apo' Yesus e mengakua in Taar andumoro' tumambisa kami menonou akar ing kauré-uré.

Kisah Para Rasul 10:2

Sia le'tek mengakiit ing kasalé'an i Amang Kasuruan. Sia wo sé pamaléna maapo' a si Amang Kasuruan. Sia mengatawang sé tou Yahudi lengéi wo ka'i sia tatap menomba-nombayang a si Amang Kasuruan.

Kisah Para Rasul 10:21

Kelinga in itu, si Petrus tumumpa mio'. An tutuwna meta'up wo sé telu tou itu, icuana, “Yakuo si paéré-érén iow. Sapa réén em basa miow mai am bia'i?”

Kisah Para Rasul 10:30

Wo isowat i Kornelius, “Asi epat ngando ilumangkoi, wona' asi jam tiga im bawaando tanu si oras anio', yaku masombayang am balé. Tumarépé'anke'mai awéan esa tou makatulung an diorku, eng karaina menéla-nélap.

Kisah Para Rasul 10:33

Ampa'paan in ituo makala'us ru'du'ku tou mangé sumungkul si tuang. Wo si tuang mayo am bia'i ang karapi in arui en até. Intarépé', kami im baya am bia'io an dior i Amang Kasuruan, lingan amipé' sapa en aiperénta-Na a si tuang.”

Kisah Para Rasul 10:6

Sia lumosér am balé i esa tou an tembir im panté. E ngaran i tou itu ka'i Simon, wo en tawoienna mengabersi ing kulit é binatang pengaémaan barang-barang.”

Kisah Para Rasul 11:14

Sia oka eng kumua in abar e méma' ico wo pakasa sé am pamalému malowir.’

Kisah Para Rasul 22:12

An Damsyik, awéan si esa tou, makangaran Ananias. Sia le'tek makiit in ukum Torat. Wo pakasa sé tou Yahudi am bitu, makailek sa sia tou sama'.

Kisah Para Rasul 24:15

Yaku ka'i maarap a si Amang Kasuruan meputé wo iséra, sapaoka kawisa mangé pakasa in tou sé matéo touen oka sumawel, sama' sé tou wutul kuma'pa tou ra'ica wutul.

Kisah Para Rasul 6:3

Anaé, tana'io é poo-poow, aweso taré sisiren iow pitu tou an uner iow. Séra itu musti tou sama', kinawasa i Roh Le'nas wo awéan kapinteran asi Casuruan owo. Sé tou anioo em béan ami oka in tawoien en tumu'tul ing kakanen.

Roma 1:17

Ampa'paan asi Abar Kaaruien itu, si Amang Kasuruan tumuru'o tumambisa sé tou nianggap-Na wutul. En lalanna musti maéman a si Kristus, ra'ica wana walina. En itu tanu in aipatic ang Kitap Le'nas in tana'i, “Si tou nianggap wutul i Amang Kasuruan ampa'paano im paémanenna, sia menonou oka!”

2 Korintus 5:18

Pakasa in itu tatawoi i Amang Kasuruan. Émaan-Na icita meeluran wo Sia ampa'paano i Kristus. Wo si Amang Kasuruan iméé in tawoien ai cita e makawali waya sé tou meeluran wo Sia.

1 Timotius 3:7

Sé tou mengatilik an jamaat, e ngaran wo em perina musti loor a sé tou ra'ipé' maéman, wosama' sia ra'ica iséro' é tou wo ra'ica katawéran in ta'kong i kikiiten é sétang.

Ibrani 10:38

Sé tou nianggap-Ku wutul menonou oka ampa'paan im paémanen éra a Yaku. Taan sa awéan en an uner éra si tumela'uo Yaku, ra'ica icasalé'-Ku.”

Ibrani 11:2

Ampa'paan awéan em paémanen, sé tou indior icasalé' i Amang Kasuruan.

Ibrani 12:23

Kamu imayo ka'i am paumungan é toyaang luluna i Amang Kasuruan, e ngaran éra aipatico an sorga. Wo kamu meta'up ka'i wo si Amang Kasuruan, si maakim waya sé tou, wo meta'up ka'i wo sé roh é tou sé nianggap wutul i Amang Kasuruan, sé niéma'o makaleke-lekep.

2 Petrus 3:2

Icasalé'ku kata'néian iow en taar sé aicuao é nabi le'nas indior wo ka'i mena'né-na'néi em perénta i Apo' Yesus si Lumolowirta, sé aicuao é ruru'du'an-Na ai camu.

3 Yohanes 1:12

Wo pakasa in tou rumayo si Demetrius. Wo sia patus irayo ampa'paan eng katouanna makiit in sususuien wutul. Iparayo ami ka'i sia wo kailekan iow sapaoka e rarayoan ami andumoro' sia itu wutul.

Wahyu 14:10

elepenna oka en anggor i Amang Kasuruan, siituo en anggor kae'bowan-Na si aituas an untep in paelepan kae'bowan-Na. Wo sia okoien oka in api wo im balélang an dior é malaékat le'nas wo an dior i Toyaang i Domba.