Kisah Para Rasul 10:20 - En Taar Weru a nunuwu' é Tontemboan

²⁰ Anaé, tumulungo wo tumumpao mio' wo mangéo mewali-wali wo iséra. Tioo ko marua-rua wasa, ampa'paan Yakuo in esa e irumu'du' mai iséra.”

Kisah Para Rasul 10:20 ပူးပေါင်းရင်းမြစ်များ

Markus 16:15

Wo icua-Na ai séra, “Mangém kamu am pakasa ing kayo'baan, wo icuao mangé en Abar Kaaruien-Na a sé im pakasa in tou.

Kisah Para Rasul 10:21

Kelinga in itu, si Petrus tumumpa mio'. An tutuwna meta'up wo sé telu tou itu, icuana, “Yakuo si paéré-érén iow. Sapa réén em basa miow mai am bia'i?”

Kisah Para Rasul 11:12

Wo icua i Roh Le'nas a yaku, ‘Mangéo mewali-wali wo iséra. Tioo ko marua-rua wasa mandé séra ra'ica tou Yahudi.’ Kelinga in itu, yaku wo sé enem poow sé maémano anio', mewali-wali mangé ang Kaisarea. Icateka' mangé am bitu, kami muntep am balé i Kornelius.

Kisah Para Rasul 13:4

Ampa'paan airu'du' i Roh Le'nas si Barnabas wo si Saulus mangé an Seleukia, wo am bitu oka séra suméngkot angé am pulou Siprus.

Kisah Para Rasul 8:26

Asi makasa, si esa malaékat i Amang Kasuruan rumu'du' si Filipus, “Maya'o méko. Kumiito in lalan an Yerusalem owo maperos éko ang Gaza.” Si lalan itu lulu in tou.

Kisah Para Rasul 9:15

Taan icua i Casuruan a si Ananias, “Mangéo ko! Sinisir-Kuo si tou itu e mamuali ata-Ku eng kumua in Abar Kaaruien andumoro' Yaku a sé bangsa walina, a sé kolano wo ka'i a sé tou Israel.

Kisah Para Rasul 9:17

Kekawus ako in itu, si Ananias mangé am balé pakaento'an i Saulus wo muntep angé mbitu. An tutuw sia meta'up wo si Saulus wo sia maro ing kamana am bawo in do'kos i Saulus wo icuana, “Saulus poowku, si Apo' Yesus e rumu'du' yaku mai am bia'i wosama' ko ro'na suméré sumawel wo ka'i kawasan i Roh Le'nas. Siao en sinérému an uner in lalan tutuwmu mai am bia'i.”

Yakobus 1:6

An tutuw sia mangilek a si Casuruan, musti émanenna mangé em pinangilekna itu, tioo marua-rua até. Si tou marua-rua até, meputé wo in sempa' an ta'sic si ipawali-wali in deges.