Kisah Para Rasul 10:2 - En Taar Weru a nunuwu' é Tontemboan

² Sia le'tek mengakiit ing kasalé'an i Amang Kasuruan. Sia wo sé pamaléna maapo' a si Amang Kasuruan. Sia mengatawang sé tou Yahudi lengéi wo ka'i sia tatap menomba-nombayang a si Amang Kasuruan.

Kisah Para Rasul 10:2 ပူးပေါင်းရင်းမြစ်များ

Matius 25:17

Taniitu ka'i si ata tinokéana rua talenta. Sia ka'i mangé mangkér, wo en untungna ka'i rua talenta.

Lukas 18:1

Icua i Yesus esa andéan a sé murit-Na en sumusui séra wosama' ra'ica mengasuut mengasombayang a si Amang Kasuruan.

Lukas 2:25

Asi témpo itu an Yerusalem awéan esa tou makangaran Simeon. Sia itu maéma' im butul an dior i Amang Kasuruan wo le'tek ai Sia. Wo sia ang karoro'an mengento-ngento' in oras i Amang Kasuruan lumowir sé tou Israel wo e Roh Le'nas mewali-wali wo isia.

Kisah Para Rasul 10:22

Wo isowat éra, “Kami airu'du' mai i Kornelius si perwira é Romawi. Sia tou sama' wo maapo' a si Amang Kasuruan wo pasiri-siriin é tou Yahudi. Asi makasa, sia pinapaturu'an i malaékat i Amang Kasuruan wo rumu'du' e menot ico mangé am baléna wosama' sia ro'na luminga sapa en icua i tuang.”

Kisah Para Rasul 10:31

Wo icuana a yaku, ‘Kornelius, pakasa en sombayangmu liningao i Amang Kasuruan wo en aitawangmu a sé tou lengéi tina'néi-Nao.

Kisah Para Rasul 10:35

Teriman-Na waya sé tou am pakasa im bangsa sé maapo' ai Sia wo sé mengaéma' im butul.

Kisah Para Rasul 10:4

Téintengen i Kornelius si malaékat itu wo ang karapi in indé' icuana, “Awéan sapa réén é Tuang?” Isowat i malaékat itu ai sia, “Pakasa en sombayangmu liningao i Amang Kasuruan wo sé aitawangmu a sé tou lengéi sinéré-Nao wo ko tina'néi-Nao.

Kisah Para Rasul 10:7

An tutuw i malaékat itu tumela'u si Kornelius, wo towanna sé rua tou atana wo si esa suraro si mengakawal sia. Si suraro itu tou le'tek mengakiit ing kasalé'an i Amang Kasuruan.

Kisah Para Rasul 11:14

Sia oka eng kumua in abar e méma' ico wo pakasa sé am pamalému malowir.’

Kisah Para Rasul 13:16

Kelinga in itu, si Paulus tumulung wo suméin ing kamana a sé tou am bitu, icuana, “Poo-poow tou Israel wo sé tou ra'ica Yahudi sé mengaapo' a si Amang Kasuruan, linganai en icuaku!

Kisah Para Rasul 13:26

Poo-poowku sé icauntep an taranak i Abraham wo ka'i sé tou ra'ica Yahudi sé maapo' a si Amang Kasuruan! En abar ing kalowiran itu aicuao ai cita im baya.

Kisah Para Rasul 13:50

Taan sé tou Yahudi sé cumélong in Taar i Amang Kasuruan itu, séra memaso-maso' in léwo' a sé wéwéné sé mengaapo' a si Amang Kasuruan sé awéan pengaru wo ka'i a sé kikiiten ang kota itu. Wo okoien éra si Paulus wo si Barnabas wo yusér éra en tumela'u in sangkum itu.

Kisah Para Rasul 18:8

Awéan si capala im balé paapo'an é agama Yahudi ang kota Korintus, makangaran Krispus. Sia wo pakasa sé tou am baléna maémano a si Apo' Yesus. Sé tou walina ang kota Korintus sé lumingao in sususuien i Paulus, imaémano ka'i a si Apo' Yesus wo pakasa séra méé in owak em baptisen.

Kisah Para Rasul 2:5

Asi endo wangko' itu, keli sé tou Yahudi sé imanangkéi am pakasa ing kayo'baan, imaréngai an Yerusalem. Séra anio' le'tek makiit ing kasalé'an i Amang Kasuruan.

Kisah Para Rasul 22:12

An Damsyik, awéan si esa tou, makangaran Ananias. Sia le'tek makiit in ukum Torat. Wo pakasa sé tou Yahudi am bitu, makailek sa sia tou sama'.

Kisah Para Rasul 8:2

Sé tou le'tek a si Amang Kasuruan mangé mindo i mayat i Stefanus wo icubur wo séra maamé' akar in sesendu'an oka.

Kisah Para Rasul 9:11

Icua i Casuruan, “Mangéo ko am balé i esa tou makangaran Yudas. Em baléna an Lalan Rondor. Pangéréno si esa tou makangaran Saulus si an Tarsus owo. Sia ang karoro'an i masombayang,

Kisah Para Rasul 9:31

Wo pakasa sé jamaat an Yudea, ang Galilea wo an Samaria menonou meelu-eluran. Wo em paémanen éra maketer wo séra menonou masiri' si Amang Kasuruan, wo séra ka'i makaawes eng kakeli ampa'paan tinawang wo paiboren i Roh Le'nas.

Kisah Para Rasul 9:36

An Yope, awéan si esa wéwéné makangaran Tabita, a nunuwu' é Yunani sia patuulen Dorkas. Sia mengéma-ngéma' andumoro' sé loor wo pengatawangenna sé tou lengéi.

Kolose 4:2

Masombayango mangé in re'dem kamu ang karapi im bewerot weresi wo ka'i makua mangé i makapulu'sama' a si Amang Kasuruan.

1 Tesalonika 5:17

wo musti menomba-nombayang.

Yakobus 1:5

Sa awéan esaan ai camu mendam wayapé' im pira eng kapinteran asi Amang Kasuruan owo, aweso taré sia mangilek angé a si Amang Kasuruan. Wo énan-Na oka mai em pinangilek itu. Ampa'paan si Amang Kasuruan mengawéé a sé im pakasa in tou ang karapi ing kasamaan in até, ra'ica mengaimbo'.

Wahyu 15:4

Si séi réén si ra'ica maindé' ai Co, o Kasuruan? Si séi réén si ra'ica rumayo i ngaran-Mu? Ampa'paan wayake' Ico si le'nas. Pakasa im bangsa mai oka kumuru en sumiri' ai Co, ampa'paan sinéré érao em pakaakim-Mu waya wutul.”