Kisah Para Rasul 10:1 - En Taar Weru a nunuwu' é Tontemboan

¹ Ang Kaisarea awéan esa tuama, makangaran Kornelius. Sia perwira Romawi si kikiiten é sangaatus suraro. Ngaran ing kompi éra itu suraro Italia.

Kisah Para Rasul 10:1 ပူးပေါင်းရင်းမြစ်များ

Matius 27:27

Kumawus in itu, si Yesus iwali é suraro i Pilatus an istana i gubernur. Wo towan éra waya sé suraro mali'us lumi'cir si Yesus.

Matius 27:54

Si kikiiten é suraro wo sé surarona sé makatéir si Yesus, séra maindé' keli an tutuw i makaséré im pangéro' repet wo pakasa sé mamuali. Wo icua éra, “Si Tou anio', uli-ulit Toyaang i Amang Kasuruan!”

Markus 15:16

Kumawus in itu, iwali mangé é suraro si Yesus ang kintal in istana paento'an i gubernur. Wo towan éra pakasa sé kara-karapi éra suraro e mai mali'us am bitu.

Lukas 7:2

Am bitu, awéan si kikiiten é sanga atus suraro Romawi, makaanu esa ata si paupu-upusna. Si ata itu sumakit repet wo mepaté-patéo.

Yohanes 18:12

Kumawus in itu, si kikiiten é suraro Romawi wo sé suraro wo ka'i sé mengatéir im Balé Le'nas sé iparu'du' é kikiiten é agama Yahudi, tumangka' si Yesus wo wa'kesen éra.

Yohanes 18:3

Wo si Yudas mai an tampa itu ang karapi é sangareru' suraro wo sé mengatéir im Balé Le'nas sé airu'du é kikiiten é imam wo sé tou Farisi. Séra mai maali-ali in lantérna, obor wo lulutaw.

Kisah Para Rasul 10:24

Asi woondona mai séra icateka'o ang Kaisarea. Am bitu si Kornelius mengento-ngento' iséra. Lini'usnao sé taranakna wo sé kara-karapina en luminga sapa en icua i Petrus.

Kisah Para Rasul 21:31

Ang karoro'an éra i rumaméji e maté sia, awéan e mangé mower a si kikiiten é suraro Romawi sapaoka pakasa en Yerusalem malicokoo.

Kisah Para Rasul 21:8

Mando mai, itela'u ami em Ptolemais wo suméngkot angé ka'i ang Kaisarea. Am bitu kami mento' am balé i Filipus si mengakua in Abar Kaaruien andumoro' i Yesus Kristus. Si Filipus itu esaan asé pitu tou sé kinasisiran an Yerusalem en sumelewir a sé balu lengéi.

Kisah Para Rasul 22:25

Taan an tutuw éra i ma'kes wo sumambok sia, icuana a si perwira si matawoi am bitu, “Sa kumiit in atoran é pemerénta Romawi, ro'na réén sumambok si esa tou Romawi sa si tou itu ra'ipé' pineriksa?”

Kisah Para Rasul 23:23

Kekawus in itu, si kikiiten é suraro Romawi itu tumowa rua perwira wo kumua, “Tu'tulio' rua ngaatus suraro, pitu ngapulu' suraro sé mapaké kawayo wo rua ngaatus suraro sé mapaké wengkow. Jam sembilan asi wengi anio'ke', mangéo ang Kaisarea.

Kisah Para Rasul 23:33

Icateka' mangé ang Kaisarea, sé suraro mapaké kawayo méé in surat a si gubernur Feliks, wo isarakan éra ka'i si Paulus ai sia.

Kisah Para Rasul 25:1

Si Festus mai ang Kaisarea e mamuali gubernur am bitu. Teluo ngando am bitu, sia mangé an Yerusalem.

Kisah Para Rasul 25:13

An tutuw ilumangkoio pira ngando, si colano Agripa mangé ang Kaisarea mewali-wali wo si tuarina wéwéné makangaran Bernike. Séra imangé am bitu e mangé méé in siri' ampa'paan si Festus werupé' imamuali gubernur.

Kisah Para Rasul 27:1

Pinusé'o i gubernur Festus eng kumirim icami im baya maangé a Roma an Italia. Anaé, si Paulus wo piraan tou sé binui walina aisarakan a si esa kikiiten é suraro, makangaran Yulius. Sia pasukan i Kaisar Romawi.

Kisah Para Rasul 27:31

Taan en itu kailekan i Paulus wo icuana a si Yulius si perwira é suraro wo sé surarona, “Sa séra tumincas tumela'u ing kapal anio', kamu ra'ica kawisa malowir.”

Kisah Para Rasul 27:43

Taan péronen i perwira éra sapa em pawasa-wasan éra, ampa'paan sia masalé' lumowir si Paulus. Wo peréntanna sé tou sé makailek make'bung, en dumior lumo'tic an ta'sic wo kume'bung akar ang katanaan.

Kisah Para Rasul 8:40

Taan si Filipus, tumarépé'anke' an esao roong makangaran Asdod. Sia maya' melala'us asi tampa itu wo kumua in Abar Kaaruien andumoro' i Yesus Kristus a sé tou am pakasa ing kota akar sia cateka' ang Kaisarea.